2 Samuel 5:1-25
5 Bas pudi wari, kerina suku Israel reh ndahi Daud i Hebron,+ nina, “Sada dareh kap kita.+
2 Sanga Saul denga raja kami, kam kap si minpin Israel erperang.+ Nina Jahwe man bandu, ‘Kam pagi si mpermakani bangsaKu Israel, kam pagi jadi peminpin Israel.’”+
3 Emaka reh kerina peminpin Israel ndahi Raja Daud i Hebron, ban Raja Daud perjanjin ras kalak e+ i Hebron i lebe-lebe Jahwe. Kenca si e, lantik kalak e Daud jadi raja Israel.+
4 Umur Daud sanga jadi raja 30 tahun. Lit 40 tahun dekahna ia merentah jadi raja.+
5 Ia merentah Juda i Hebron 7 tahun 6 bulan dekahna, janah 33 tahun dekahna ia merentah kerina Israel ras Juda arah Jerusalem nari.+
6 Berkat raja ras pasukenna ku Jerusalem nyerang kalak Jebusi+ si tading i je. Tokoh-tokohi kalak e Daud, nina, “Labo ndigan pe kam banci masuk ku jenda! Kalak pentang ras kalak pincang saja pe banci mpelawes kam.” Perban nina kalak e bas ukurna, ‘Labo ndigan pe Daud banci masuk ku jenda.’+
7 Tapi taluken Daud kota Sion si ertembok, dungna ingan e jadi Kota Daud.+
8 Emaka paksa si e nina Daud, “Masuklah kena arah terowongen lau guna nyerang kalak Jebusi. Bunuhlah ‘kalak pentang ras kalak pincang’ sebap segat teku kalak e.” E me sebapna kataken kalak, “Asa ndigan pe kalak pentang ras kalak pincang labo banci masuk ku rumah.”
9 Kenca si e, tading Daud i kota si ertembok, kota e igelari* Kota Daud. Mulai ibangun Daud tembok ras bangunen-bangunen i sekeliling kota e, arah Bukit* nari+ seh ku kota.+
10 Dibata Jahwe penguasa malekat lit ras Daud,+ emaka kuasa Daud lalap reh belinna.+
11 Raja Hiram+ arah Tirus nuruh kalak ndahi Daud, kirimkenna ka kayu aras,+ tukang kayu, bage pe tukang batu guna mbangun tembok. Jenari, mulai bangun kalak e istana Daud.+
12 Teh Daud maka enggo pepaguh Jahwe kedudukenna selaku raja bas Israel,+ ban Dibata kerajan Daud reh paguhna+ guna umatNa Israel.+
13 Kenca pindah Daud arah Hebron ku Jerusalem, tambahi Daud ka gundikna*+ ras diberuna. Reh teremna anak-anak Daud si dilaki bage pe si diberu.+
14 Enda gelar anak-anak Daud si lahir i Jerusalem: Sammua, Sobap, Natan,+ Salomo,+
15 Ibhar, Elisua, Nepeg, Japia,
16 Elisama, Eliada, ras Elipelet.
17 Kenca begi kalak Pilisti maka Daud enggo ilantik jadi raja Israel,+ reh kalak Pilisti nyerang Daud.+ Sanga begi Daud kerna si e, kiam ia ku kota si ertembok.+
18 Reh kalak Pilisti janah ingani kalak e Lembah Repaim.+
19 Pindo Daud petunjuk man Jahwe,+ nina, “Arus nge kulawan kalak Pilisti ah? SerahkenNdu nge kari kalak e ku tanku?” Nina Jahwe, “Laweslah kam, pasti kari Kuserahken kalak Pilisti e ku tanndu.”+
20 Emaka lawes Daud ku Baal Perasim, talukenna kalak Pilisti i je. Kenca si e, nina, “Enggo taluken Jahwe musuh-musuhku+ i lebe-lebeku, bagi tembok si iruntuhken lau.” E me sebapna ingan e igelari Baal Perasim.*+
21 Tadingken kalak Pilisti patung-patung berhalana i je, emaka kerina patung e hancurken Daud ras anak buahna.
22 Bas pudi wari, reh ka kalak Pilisti sekali nari, ingani kalak e Lembah Repaim.+
23 Pindo Daud ka petunjuk man Jahwe, tapi aloiNa Daud, “Ula serang kalak e arah lebe nari, tapi mutarlah kena ku pudi kalak e, serang kalak e i deher batang baka.*
24 Sanga begindu sora bagi sora nahe kalak si enterem, si sangana erdalan arah batang baka nari, mislah serangndu kalak e, sebap Jahwe enggo maju i lebe-lebendu guna naluken pasuken Pilisti.”
25 Emaka lakoken Daud bagi si perentahken Jahwe. Taluken Daud kalak Pilisti+ arah Geba nari+ seh ku Geser.+
Cataten i teruh
^ Ntah banci saja “janah igelari Daud kota e.”
^ Ntah “Milo.” Istilah Heber si ertina “taneh si ergun-gun.”
^ Ertina “Si Beluhna bas Nerobos.”
^ Ntah “peren baka.” Kata Baka iterjemahken arah bahasa Heber. La iteh uga situhuna bentukna.
