Amos 1:1-15
1 Enda me kata-kata Amos.* Ia sekalak permakan si ngasuhi biri-biri arah Tekoa nari.+ Dua tahun sope lenga gempa terjadi,+ datna pengenehenen* kerna Israel. Sanga si e Juda iperentah Raja Ussia+ janah Israel iperentah Raja Jerobeam+ anak Joas.+
2 Nina Amos,
“Erngaung pagi Jahwe arah Sion nari,Megang pagi Ia erlebuh arah Jerusalem.
Kerah pagi mbalmbal,Puncak Karmel pe kerah.”+
3 “Bagenda me nina Jahwe,‘“Enggo rusur kel* Damaskus mberontak, emaka labo Kutarik mulihi keputusenKu,Sebap kejam perbahanenna man Gileat.*+
4 Emaka Kukirim pagi api ku Hasael,+Keri pagi ipan api e menara-menara Benhadat si erbenteng.+
5 Kupenggelken pagi palang gerbang i Damaskus.+
Kumasapken pagi penduduk arah Bikat-Awen,Bage pe penguasa arah Bet-Eden.
Itangkap ras ibaba pagi kalak Siria ku Kir,”+ nina Jahwe.’
6 Bagenda me nina Jahwe,‘“Enggo rusur kel* Gasa mberontak,+ emaka labo Kutarik mulihi keputusenKu,Sebap enggo serahken kalak e kerina kalak si itabanna+ ku Edom.
7 Emaka Kukirim pagi api ku tembok Gasa,+Keri pagi ipan api e menara-menarana si erbenteng.
8 Kumasapken me pagi pendudukna arah Asdot,+Bage pe penguasana arah Askelon.+
Kulawan me pagi Ekron,+Kumasapken pagi kalak Pilisti si nggeluh denga,”+ nina Jahwe Tuhan Si Meganjangna.’
9 Bagenda me nina Jahwe,‘Enggo rusur kel* Tirus mberontak,+ emaka labo Kutarik mulihi keputusenKu,Perban serahken kalak e kerina kalak si tabanna ku Edom,Perban la inget kalak e perjanjin senina si enggo iban sebelumna.+
10 Emaka Kukirim pagi api ku tembok Tirus,Keri pagi ipan api e menara-menarana si erbenteng.’+
11 Bagenda me nina Jahwe,‘Enggo rusur kel* Edom mberontak,+ emaka labo Kutarik mulihi keputusenKu,Sebap ayak-ayakna seninana alu pedang,+Sitik pe la atena mekuah.
Terus cabik-cabikna kalak e alu merawa,Terus ia merawa man kalak e.+
12 Emaka Kukirim pagi api ku kota Teman,+Keri pagi ipan api e menara-menara Bosra si erbenteng.’+
13 Bagenda me nina Jahwe,‘“Enggo rusur kel* Ammon mberontak,+ emaka labo Kutarik mulihi keputusenKu,Sebap irigatkenna beltek diberu-diberu si sangana hamil i Gileat guna mpebelang daerahna.+
14 Emaka Kukirim pagi api ku tembok Raba,+Keri pagi ipan api e menara-menarana si erbenteng.
Paksa si e pagi, terbegi surak-surak perang,Reh pagi angin badai.
15 Itaban pagi raja kalak e radu ras pejabat-pejabatna.”+ Aku Jahwe si ngatakenca.’
Cataten i teruh
^ Eme kerna kai pe si cidahken Dibata ku bas pikiren sekalak jelma.
^ Ertina “Jadi Baban” ntah pe “Maba Baban.”
^ Ntah “Enggo telu kali, janah peempat kaliken.”
^ As. “Sebap ierik kalak e Gileat alu papan ngerik arah besi.”
^ Ntah “Enggo telu kali, janah peempat kaliken.”
^ Ntah “Enggo telu kali, janah peempat kaliken.”
^ Ntah “Enggo telu kali, janah peempat kaliken.”
^ Ntah “Enggo telu kali, janah peempat kaliken.”
