Amos 2:1-16
2 “Bagenda nina Jahwe,‘“Enggo rusur kel* Moap mberontak,+ emaka labo Kutarik mulihi keputusenKu,Sebap tutungna tulan-tulan raja Edom guna iban jadi kapur.
2 Emaka Kukirim pagi api ku Moap,Keri pagi ipan api e menara-menara Keriot si erbenteng.+
Mate pagi Moap i tengah-tengah sora si gejek.
Paksa si e pagi, terbegi surak-surak perang ras sora trompet tanduk.+
3 Kubunuh pagi penguasana*Bage pe pejabat-pejabatna si lit ras ia,”+ nina Jahwe.’
4 Bagenda nina Jahwe,‘Enggo rusur kel* Juda mberontak,+ emaka labo Kutarik mulihi keputusenKu.+
Sebap tulak kalak e undang-undang* JahweJanah la terus ikutken kalak e peraturenKu.+
Kalak e isesatken alu bual si enggo ikutken nini bulang kalak e.
5 Emaka Kukirim pagi api ku Juda,Keri pagi ipan api e menara-menara Jerusalem si erbenteng.’+
6 Bagenda nina Jahwe,‘Enggo rusur kel* Israel mberontak,+ emaka labo Kutarik mulihi keputusenKu,Sebap enggo dayakenna kalak si benar guna ndatken pirak,Bage pe kalak si mesera guna ndatken sepasang selop.+
7 Perjaki kalak e kalak si lemah,+Kejam perbahanen kalak e man kalak si meteruk ukur.+
Bapak ras anakna si dilaki ngelakoken hubungen seks ras diberu si seri,Si e erban gelarKu si badia jadi najis.
8 Bas tiap ingan nutung* persembahen,+ medem kalak e i datas paken kalak si deban si jadi jaminen utang.+
Anggur si inem kalak e bas rumah* dibata-dibatana, datna arah kalak si idendana.’
9 ‘Tapi Aku kap si engkernepken kalak Amori arah lebe-lebe kalak e,+Si meganjang bagi batang kayu aras ras megegeh bagi batang kayu ek.
Kukernepken buahna i datas ras uratna i teruh.+
10 Kubaba kena ndarat arah negri Mesir,+Kupinpin kena ngelewati taneh mesawang* 40 tahun dekahna,+Guna ngerebut negri kalak Amori.
11 Kupilih piga-piga arah anak kena si dilaki jadi nabi,+Piga-piga anak muda kena jadi kalak Nasir.*+
La kin tuhu bage, o kalak Israel?’ nina Jahwe.
12 ‘Tapi terus bereken kena anggur man kalak Nasir* gelah inemna,+Janah ilarang kena nabi-nabi ernubuat.+
13 Emaka Kuhancurken pagi kena bas ingan kena,Bagi gereta si dem biji-bijin* ngancurken kai si lit i teruhna.
14 Kalak si meter kiam la lit inganna kiam,+Kalak si megegeh lanai lit gegehna,La lit pejuang si banci nelamatken dirina.
15 Pemanah la pagi ngasup ertahan,Kalak si meter perkiamna labo pagi selamat,Kalak si nangkih kuda pe la banci nelamatken dirina.
16 Pejuang si perpangna kel pe,Kiam pagi la ruis bas wari e,’+ nina Jahwe.”
Cataten i teruh
^ Ntah “Enggo telu kali, janah peempat kaliken.”
^ As. “hakimna.”
^ Ntah “Enggo telu kali, janah peempat kaliken.”
^ Ntah “petunjukKu.”
^ Ntah “Enggo telu kali, janah peempat kaliken.”
^ Ntah “bas ingan-ingan ersembah.”
^ Taneh si mbelang si jarang iingani.
^ Ertina “Kalak si Ipisahken; Kalak si Ikhususken.”
^ Ertina “Kalak si Ipisahken; Kalak si Ikhususken.”
