Amos 3:1-15
3 “O kalak Israel, begikenlah kai nina Jahwe kerna kena, kerna kerina keluarga si Kubaba ndarat arah Mesir nari,
2 ‘Arah kerina keluarga i doni enda, kena ngenca si Kutandai.+
E me sebapna Kuhukum pagi kena perban kerina kesalahen kena.+
3 Banci kin dua kalak ras erdalan adi la kin enggo leben kalak e erjanji guna jumpa?
4 Banci kin singa erngaung bas kerangen adi la lit mangsana?
Banci kin singa si nguda denga erdengum bas asarna adi la lit kai pe tangkapna?
5 Banci kin perik kena siding i taneh adi la lit kalak si namaken siding i je?*
Banci kin siding e mbistak arah taneh adi la lit tangkapna kai pe?
6 La kin nggirgir kalak adi trompet tanduk iembus bas sada kota?
La kin Jahwe nge si erbanca maka reh bencana ku bas kota?
7 Jahwe Tuhan Si Meganjangna labo ngelakoken kai peAdi la kin katakenNa lebe rahasiaNa man pelayanNa eme nabi-nabi.+
8 Singa enggo erngaung!+ Ise kin si la mbiar?
Jahwe Tuhan Si Meganjangna enggo ngerana! Nabi si apai kin si la ernubuat?’+
9 ‘Umumkenlah kerna si e i menara-menara Asdot si erbenteng,Bage pe i menara-menara si erbenteng si lit i negri Mesir.
Katakenlah, “Pulunglah i gunung-gunung Samaria,+Nenlah uga rontangnaRas uga buena tipun si lit i je.+
10 Sebap la teh kalak e uga carana ngelakoken kai si benar,” nina Jahwe,
“Isi kalak e menara-menarana si erbenteng alu barang jarahen si datna alu kekerasen.”’
11 Emaka bagenda nina Jahwe Tuhan Si Meganjangna,‘Kepung sekalak musuh pagi negri e,+Lanai pagi banna kam ergegeh,Irampas pagi menara-menarandu si erbenteng.’+
12 Bagenda nina Jahwe,‘Kalak Israel kundul bas ingan kundul si mewah i Samaria ras medem-medem i datas ingan medem i Damaskus.
Sitik ngenca pagi si selamat arah kalak e,Bagi permakan si ngerintak dua nahe biri-biri ntah pe sitik cupingna arah babah singa.’+
13 ‘Begikenlah janah persingetilah keturunen Jakup,’ nina Jahwe Tuhan Si Meganjangna, Dibata penguasa malekat.
14 ‘Bas wari Aku ngukum Israel perban dosa-dosana,*+Kuhancurken ka pagi ingan-ingan nutung* persembahen i Betel.+
Kupotong pagi tanduk-tanduk ingan nutung persembahen jenari ndabuh ku taneh.+
15 Kuhancurken pagi rumah musim mbergeh ras rumah musim perlego.’
‘Runtuh pagi rumah-rumah si ihiasi alu gading,+Hancur pagi rumah-rumah si galang,’*+ nina Jahwe.”
Cataten i teruh
^ Ntah banci saja “la lit umpan bas siding e?”
^ Ntah “kejahaten-kejahatenna.”
^ Ntah banci saja “Melala pagi rumah si hancur.”
