Amos 4:1-13
4 “O diberu-diberu si tading i gunung Samaria,+ begikenlah enda:
Kena bagi lembu-lembu i Basan.
Kena kap diberu-diberu si nipu kalak si lemah+ janah nindas kalak si mesera,Si ngataken man dilakina,* ‘Baba inemen si lit alkoholna gelah siinem!’
2 Enggo ersumpah Jahwe Tuhan Si Meganjangna eme Dibata si badia,‘“Reh pagi masana, igantung pagi kena alu gantungen daging,Si debanna igantung alu kawil.
3 Ndarat pagi kena masing-masing arah tembok si erlubang, si lit i lebe-lebe kena.
Ipelawes pagi kena ku Harmon,” nina Jahwe.’
4 ‘Rehlah ku Betel janah banlah dosa,*+Rehlah ku Gilgal janah banlah dosa si terbelinen!+
Babalah korban kena+ bas erpagi-pagi,Bage pe persepuluhen kena+ bas wari si peteluken.
5 O kalak Israel, tutunglah roti si itama ragi+ jadi korban pengatan bujur.
Umumkenlah persembahen sukarela kena!
Sebap meriah akap kena ngelakokenca,’ nina Jahwe Tuhan Si Meganjangna.
6 ‘Kuban kena mate la man bas kerina kota,Kuban kurang pangan bas kerina rumah kena.+
Tapi kena la mulihken man bangKu,’+ nina Jahwe.
7 ‘Telu bulan sope lenga rani, la Kupenusur udan.+
Kupenusur udan bas sada kota tapi bas kota si deban lang.
Bas sada juma reh udan,Tapi bas juma si deban kerah perban la reh udan.
8 Penduduk arah dua ntah telu kota mugut-ugut erdalan ku sada kota guna minem lau,+Tapi lalap kalak e muas.
Amin gia bage la kena mulihken man bangKu,’+ nina Jahwe.
9 ‘Kukirimken angin si melas ras hama jamur ncedai sinuan-sinuan kena.+
Tambahi kena kebun-kebun kena bage pe kebun anggur kena,Tapi keri ipan labang batang ara ras batang saitun kena.+
Amin gia bage, tetap kena la mulihken man bangKu,’+ nina Jahwe.
10 ‘Kuban reh wabah penakit bagi si Kuban i Mesir.+
Kubunuh anak-anak muda kena alu pedang+ janah Kutangkap kuda-kuda kena.+
Perban buena mayat, bau macik pagi perkemahen kena.+
Tapi kena la mulihken man bangKu,’ nina Jahwe.
11 ‘Kuhancurken pagi negri kena,Bagi Aku ngancurken Sodom ras Gomora.+
Kena bagi ranting si irintak arah api.
Tapi kena la mulihken man bangKu,’+ nina Jahwe.
12 Emaka Kuhukum kena mulihken, o Israel.
E me si Kulakoken man kena,O Israel, ersikaplah ngadap Dibata kena.
13 Ia kap si njadiken gunung+ ras si nciptaken angin.+
KatakenNa man manusia kai si ukuriNa,BanNa pagi-pagi jadi gelap,+Erdalan Ia bas ingan-ingan si meganjang i doni.+
GelarNa Jahwe, Dibata penguasa malekat.”
