Amos 6:1-14
6 “Cilaka pagi kalak si entabeh geluhna i Sion,Bage pe si aman akapna i Samaria.+
Kalak e eme kalak si terpandang arah bangsa si seh kel hebatna,Ku kalak e me kalak Israel reh!
2 Nyebranglah ku Kalne janah nenlah.
Je nari laweslah ku Hamat si Mbelin,+Kenca si e laweslah ku Gat, daerah kalak Pilisti.
Ulin kin kalak e asangken kerajan-kerajan kena?*
Belangen kin daerah kalak e asangken daerah kena?
3 Sengaja kin kena la ngukuri wari bencana e,+Janah ban kena kekerasen si erkuasa?+
4 Medem-medem kena bas ingan medem si ihiasi alu gading+ janah santai-santai kena bas ingan kundul,+Pangani kena biri-biri si mejilena arah rarasen ras anak lembu* si mburna.+
5 Rende-rende kena ngikuti sora harpa,*+Ban kena alat musik bagi Daud.+
6 Inem kena anggur arah mangkok si enggo dem,+Sapuken kena minak si mejilena ku daging kena.
Tapi la diate kena bencana si terjadi* man Jusup.+
7 Emaka kena pagi si leben itaban,+Janah ipengadi pagi pesta-pesta kena.
8 ‘Aku, Jahwe Tuhan Si Meganjangna, ersumpah Aku bas gelarKu,’+ nina Jahwe Dibata penguasa malekat,‘“Ciga ateKu sipat Jakup si sombong,+Segat ateKu menara-menarana si erbenteng,+Kuserahken pagi kota e ras kerina isina.+
9 “‘“Adi lit denga sepuluh dilaki bas sada rumah, kalak e pe pasti mate.
10 Baba kade-kadena* pagi kalak e ndarat janah tutungna kalak e sada per sada. Babana tulan-tulan kalak e ndarat arah rumah e. Kenca si e, ngerana kade-kadena e ndai man ise pe si lit i ruangen-ruangen arah bas si lit bas rumah e, nina, ‘Lit denga si deban?’ Nina kalak si lit bas ruangen-ruangen e, ‘La lit!’ Jenari nina kade-kadena e ndai, ‘Sipken! Labo gundari waktuna mbelasken gelar Jahwe.’”
11 Sebap sanga bereken Jahwe perentah,+Rumah si galang iruntuhken pagi seh ngasa hancur,Bage pe rumah si kitik seh ngasa getem.+
12 Kiam kin kuda i datas tebing batu?
Mbajak kin kalak alu lembu i je?
Enggo ubah kena keadilen jadi sinuan-sinuan si lit racunna,Bage pe buah kebenaren jadi sinuan-sinuan si pagit.+
13 Senang-senang kena kerna kai si la erguna,Janah ning kena, “Kita erkuasa perban gegehta sendiri.”+
14 Emaka, o kalak Israel, Kuban pagi reh sada bangsa guna ngelawan kena,’+ nina Jahwe Dibata penguasa malekat,‘Tindas kalak e pagi kena mulai Hamat* nari+ seh ku Lau* Araba.’”
Cataten i teruh
^ Maksudna kerajan Juda ras kerajan Israel.
^ Ntah “ras lembu jantan si nguda denga.”
^ Harpa eme alat musik si ersenar bagi gitar, tapi bentukna beda.
^ As. “Tapi la mesui akap kena sanga terjadi bencana.”
^ As. “senina bapakna.”
^ Ntah “dalan masuk ku Hamat.”
