Amos 9:1-15
9 Kuidah Jahwe+ tedis i datas ingan nutung* persembahen janah nina, “Gudam takal tiang e, gelah mugur-ugur kerina bangunen e janah dungna hancur. Potonglah takal tiang e. Kubunuh pagi kalak si nggeluh denga alu pedang. La lit sekalak pe si banci kiam, janah la lit sekalak pe si banci pulah.+
2 Adi gali kalak e Kuburen* guna cebuni,TanKu pagi si narik kalak e je nari.
Adi nangkih kalak e ku langit,Kubaba pagi kalak e nusur je nari.
3 Adi cebuni kalak e ku das Gunung Karmel,Kudarami kalak e janah Kutangkap.+
Adi cebuni kalak e arah mataKu nari ku dasar laut,Kusuruh pagi nipe nagut kalak e.
4 Adi itaban musuh kalak e,Kuperentahken pedang guna munuh kalak e.+
Kutetapken gelah kalak e dat bencana, labo dat pasu-pasu.+
5 Kuatir pagi kalak e janah la kalak e tenang,Bagi Lau Nil i Mesir sanga banjir.+
Mugur-ugur pagi negri e,*+ erceda ate pagi kerina pendudukna,+Sebap Aku Jahwe Tuhan Si Meganjangna eme penguasa malekat si ngkuit negri e.
6 ‘Aku kap si erban tangga ku langit,Aku kap si erban atap* i datas doni,Aku kap si ngelebuh lau arah laut nari,Jenari Kuamburken ku doni.+
Jahwe kap gelarKu.’+
7 Nina Jahwe, ‘O kalak Israel, kena bali Kuakap bagi keturunen Kus.
Aku kap si maba Israel ndarat arah negri Mesir.+
Aku kap si maba kalak Pilisti ndarat arah Kreta,+ bage pe Siria ndarat arah Kir.’+
8 Nina Jahwe, ‘Aku Jahwe Tuhan Si Meganjangna, Kuperdiateken kerajan si dem alu dosa e,Kumasapken pagi e arah doni enda nari.+
Tapi labo pagi Kumasapken kerina keturunen Jakup.+
9 Kubereken pagi perentahGelah kalak Israel ipiari i tengah bangsa-bangsa,+Bagi kalak si miari alu ndiru,Emaka la lit sada batu si kitik kel pe si naktak ku taneh.
10 Kerina kalak si erdosa bas umatKu mate pagi alu pedang,Eme kalak si ngataken, “Labo pagi kita deheri bencana ntah pe kena bencana.”’
11 ‘Bas wari e, Kubangun pagi mulihi sapo-sapo* Daud+ si enggo runtuh,Kupesikap pagi bagin si erlubang,Kupekena pagi runtuh-runtuhenna,Kubangun pagi mulihi bagi si mbarenda.+
12 Alu bage banci buat kalak e kai pe si lit denga i Edom,+Bage pe si lit bas kerina bangsa si igelari alu gelarKu,’ nina Jahwe si ngelakoken kerina e.
13 Nina Jahwe, ‘Reh pagi masana,Sope lenga dung rani, seh pagi waktuna guna mbajak,Sope lenga dung anggur iperjaki, seh pagi waktuna guna ngambur benih.+
Naktaken pagi lau anggur si ntebu i gunung-gunung,+Maler pagi lau anggur e ku kerina bukit.+
14 Kubaba pagi mulih umatKu Israel si itaban,+Bangun kalak e pagi mulihi kota-kota si la iurus, janah tading kalak e i je.+
Suan kalak e pagi batang anggur janah inem kalak e lau anggurna.+
Suani kalak e pagi juma janah pan kalak e buahna.’+
15 ‘Kusuan pagi kalak e i negrina,Lanai pagi kalak e icabutArah negri si enggo Kubereken man kalak e,’+ nina Jahwe Dibata kena.”
