Bilangen 1:1-54
1 Bas wari si pertama, bulan si peduaken bas tahun si peduaken, kenca ndarat kalak Israel arah Mesir nari,+ ngerana Jahwe man Musa bas kemah perjumpan+ i taneh mesawang,*+ nina,
2 “Banlah sensus+ guna ngkira jumlah kerina kalak Israel menurut sukuna ras keluarga bapakna, janah daftarkenlah gelar kerina dilaki.
3 Kam ras Harun arus ndaftarken kerina dilaki si umurna 20 tahun ku datas,+ si banci jadi prajurit pasuken Israel.
4 “Pilihlah sada dilaki arah tiap suku janah kalak e me si jadi peminpin bas sukuna masing-masing.+
5 Enda gelar dilaki-dilaki si nampati kam kari: Arah suku Ruben eme Elisur+ anak Sedeur,
6 arah suku Simeon eme Selumiel+ anak Surisaddai,
7 arah suku Juda eme Nahesson+ anak Aminadap,
8 arah suku Isakar eme Netanel+ anak Suar,
9 arah suku Sebulon eme Eliap+ anak Helon,
10 arah keturunen Jusup eme: Elisama anak Amihut arah suku Eperaim,+ Gamaliel anak Pedasur arah suku Manase,
11 arah suku Benyamin eme Abidan+ anak Gideoni,
12 arah suku Dan eme Ahieser+ anak Ammisaddai,
13 arah suku Aser eme Pagiel+ anak Ohran,
14 arah suku Gat eme Eliasap+ anak Deuel,
15 arah suku Naptali eme Ahira+ anak Enan.
16 Enda ndai me kerina dilaki si ipilih arah kalak Israel. Kalak e me si jadi peminpin arah suku kalak e,+ si minpin ribun kalak Israel.”+
17 Emaka ibaba Musa ras Harun kerina dilaki si enggo ipilih e.
18 I bas wari pertama bas bulan peduaken, pepulung kalak e kerina kalak Israel guna ndaftarken gelar tiap kalak menurut suku ras keluarga bapak kalak e. Idaftarken kerina dilaki si umurna 20 tahun ku datas.+
19 Idaftarken Musa kalak e bas Taneh Mesawang* Sinai+ bagi si perentahken Jahwe man Musa.
20 Kerina dilaki arah keturunen Ruben eme anak Israel sintua,+ idaftarken menurut sukuna ras menurut keluarga bapakna. Ikira me kerina dilaki si umurna 20 tahun ku datas si banci jadi prajurit.
21 Si terdaftar arah suku Ruben, 46.500 kalak.
22 Kerina dilaki arah keturunen Simeon+ idaftarken menurut sukuna ras menurut keluarga bapakna. Ikira me kerina dilaki si umurna 20 tahun ku datas si banci jadi prajurit.
23 Si terdaftar arah suku Simeon, 59.300 kalak.
24 Kerina dilaki arah keturunen Gat+ idaftarken menurut sukuna ras menurut keluarga bapakna. Ikira me kerina dilaki si umurna 20 tahun ku datas si banci jadi prajurit.
25 Si terdaftar arah suku Gat, 45.650 kalak.
26 Kerina dilaki arah keturunen Juda+ idaftarken menurut sukuna ras menurut keluarga bapakna. Ikira me kerina dilaki si umurna 20 tahun ku datas si banci jadi prajurit.
27 Si terdaftar arah suku Juda, 74.600 kalak.
28 Kerina dilaki arah keturunen Isakar+ idaftarken menurut sukuna ras menurut keluarga bapakna. Ikira me kerina dilaki si umurna 20 tahun ku datas si banci jadi prajurit.
29 Si terdaftar arah suku Isakar, 54.400 kalak.
30 Kerina dilaki arah keturunen Sebulon+ idaftarken menurut sukuna ras menurut keluarga bapakna. Ikira me kerina dilaki si umurna 20 tahun ku datas si banci jadi prajurit.
31 Si terdaftar arah suku Sebulon, 57.400 kalak.
32 Kerina dilaki arah keturunen Eperaim+ anak Jusup idaftarken menurut sukuna ras menurut keluarga bapakna. Ikira me kerina dilaki si umurna 20 tahun ku datas si banci jadi prajurit.
33 Si terdaftar arah suku Eperaim, 40.500 kalak.
34 Kerina dilaki arah keturunen Manase+ idaftarken menurut sukuna ras menurut keluarga bapakna. Ikira me kerina dilaki si umurna 20 tahun ku datas si banci jadi prajurit.
35 Si terdaftar arah suku Manase, 32.200 kalak.
36 Kerina dilaki arah keturunen Benyamin+ idaftarken menurut sukuna ras menurut keluarga bapakna. Ikira me kerina dilaki si umurna 20 tahun ku datas si banci jadi prajurit.
37 Si terdaftar arah suku Benyamin, 35.400 kalak.
38 Kerina dilaki arah keturunen Dan+ idaftarken menurut sukuna ras menurut keluarga bapakna. Ikira me kerina dilaki si umurna 20 tahun ku datas si banci jadi prajurit.
39 Si terdaftar arah suku Dan, 62.700 kalak.
40 Kerina dilaki arah keturunen Aser+ idaftarken menurut sukuna ras menurut keluarga bapakna. Ikira me kerina dilaki si umurna 20 tahun ku datas si banci jadi prajurit.
41 Si terdaftar arah suku Aser, 41.500 kalak.
42 Kerina dilaki arah keturunen Naptali+ idaftarken menurut sukuna ras menurut keluarga bapakna. Ikira me kerina dilaki si umurna 20 tahun ku datas si banci jadi prajurit.
43 Si terdaftar arah suku Naptali, 53.400 kalak.
44 Kalak e ndai me kerina si idaftarken Musa, Harun, ras 12 peminpin Israel si jadi wakil man sukuna masing-masing.
45 Kerina kalak Israel si umurna 20 tahun ku datas janah si banci jadi prajurit idaftarken menurut keluarga bapakna.
46 Jumlah kerina dilaki si idaftarken buena 603.550 kalak.+
47 Tapi suku Lewi+ la ikira menurut keluarga bapakna bagi suku-suku si deban.+
48 Emaka nina Jahwe man Musa,
49 “Ula daftarkenndu suku Lewi ras ula tambahkenndu jumlah kalak e ku jumlah kalak Israel.+
50 Lantiklah kalak Lewi guna ngurus ras maba kemah ingan ersembah+ bage pe kerina perlengkapenna.+ Kalak e me si arus ngelayani+ bas kemah ingan ersembah janah kalak e arus erkemah i sekeliling kemah ingan ersembah.+
51 Adi kemah ingan ersembah ipindahken, kalak Lewi si mbongkarsa.+ Adi kemah ingan ersembah ipasang, kalak Lewi si masangsa. Ise pe si ndeheri kemah ingan ersembah selain kalak Lewi, arus ibunuh.+
52 “Tiap kalak Israel arus erkemah bas ingan si enggo itentuken, menurut kelompok* si iban arah telu suku,+ menurut pasukenna masing-masing.
53 Kalak Lewi arus erkemah i sekeliling kemah ingan ersembah guna ngurussa,*+ gelah la merawa Dibata man kerina kalak Israel.”+
54 Lakoken kalak Israel kerina si perentahken Jahwe arah Musa. Lakoken kalak e tepat bagi si iperentahken.
Cataten i teruh
^ Taneh si mbelang si jarang iingani.
^ Taneh si mbelang si jarang iingani.
^ Ntah “bendera.”
^ Ntah “njagasa; guna ngelayani i je.”