Bilangen 17:1-13
-
Tongkat Harun si ertunas jadi tanda (1-13)
17 Nina Jahwe man Musa,
2 “Ngeranalah kam man kalak Israel janah buatlah sada tongkat arah tiap suku, eme arah tiap peminpin suku,+ kerinana 12 tongkat. Tulislah gelar kalak e bas tiap tongkat.
3 Tulislah gelar Harun bas tongkat kalak Lewi, sebap lit sada tongkat man tiap peminpin arah tiap suku.
4 Simpanlah kerina tongkat e i kemah perjumpan i lebe-lebe Peti Perjanjin,*+ bas inganKu biasana ncidahken diriKu man kena.+
5 Ertunas pagi tongkat kalak si Kupilih.+ Alu bage ngadi Kuban kalak Israel jungut-jungut man bangKu+ bage pe man bandu.”+
6 Ipeseh Musa kerna si e man bangsa Israel. Emaka bereken tiap peminpin arah tiap suku tongkatna man Musa. Lit 12 tongkat buena, sada tongkat arah tiap peminpin suku. E enggo termasuk tongkat Harun.
7 Kenca si e isimpan Musa kerina tongkat e i kemah perjumpan eme i lebe-lebe Jahwe.
8 Paginna, masuk Musa ku kemah perjumpan janah idahna tongkat Harun si jadi wakil suku Lewi enggo ertunas, erbunga, janah erbuah, buahna eme buah almond si enggo tasak.
9 Kenca si e ibuat Musa kerina tongkat e arah lebe-lebe Jahwe janah babana man kalak Israel. Idah kalak e tongkat-tongkat e janah masing-masing peminpin suku muat tongkatna.
10 Kenca si e nina Jahwe man Musa, “Tamaken mulihi tongkat Harun+ ku lebe-lebe Peti Perjanjin guna jadi tanda+ man kerina pemberontak e.+ Alu bage ngadi kalak e jungut-jungut man bangKu, gelah la kalak e mate.”
11 Emaka mis lakoken Musa bagi si perentahken Jahwe man bana.
12 Kenca si e nina kalak Israel man Musa, “Pasti mate kami sekalenda, pasti kami kernep, kernep me kami kerina!
13 Ise pe si ndeheri kemah ingan ersembah jang Jahwe pasti mate!+ Arus kin mate kami kerina?”+
Cataten i teruh
^ Ntah “Peti Perpadanen.”
