Bilangen 2:1-34
2 Kenca si e nina Jahwe man Musa ras Harun,
2 “Kalak Israel arus erkemah bas ingan si enggo itetapken bas kelompok telu suku,+ tiap kalak arus ngikutken tanda* si iban menurut keluarga bapak kalak e. Kalak e arus erkemah i sekeliling kemah perjumpan janah pengala kemah kalak e arus ku kemah perjumpan e.
3 “I sebelah timur eme arah matawari terbit, i je kelompok telu suku erkemah. Kerina kalak arah kelompok telu suku e arus erkemah menurut pasukenna masing-masing. Suku Juda si jadi peminpin kelompok e. Peminpin suku Juda eme Nahesson+ anak Aminadap.
4 Si terdaftar bas pasukenna lit 74.600 kalak.+
5 Si erkemah i sampingna eme suku Isakar. Peminpin suku Isakar eme Netanel+ anak Suar.
6 Si terdaftar bas pasukenna lit 54.400 kalak.+
7 Si erkemah ka i samping suku Juda eme suku Sebulon. Peminpin suku Sebulon eme Eliap+ anak Helon.
8 Si terdaftar bas pasukenna lit 57.400 kalak.+
9 “Kerina si terdaftar bas kelompok pasuken si ipinpin suku Juda lit 186.400 kalak. Kalak e kelompok si pertama si arus berkat.+
10 “I sebelah selatan, erkemah ka kelompok telu suku. Kerina kalak arah kelompok telu suku e arus erkemah menurut pasukenna masing-masing. Suku Ruben si jadi peminpin kelompok e.+ Peminpin suku Ruben eme Elisur+ anak Sedeur.
11 Si terdaftar bas pasukenna lit 46.500 kalak.+
12 Si erkemah i sampingna eme suku Simeon. Peminpin suku Simeon eme Selumiel+ anak Surisaddai.
13 Si terdaftar bas pasukenna lit 59.300 kalak.+
14 Si erkemah ka i samping suku Ruben eme suku Gat. Peminpin suku Gat eme Eliasap+ anak Rehuel.
15 Si terdaftar bas pasukenna lit 45.650 kalak.+
16 “Kerina si terdaftar bas kelompok pasuken si ipinpin suku Ruben lit 151.450 kalak. Kalak e kelompok si peduaken si arus berkat.+
17 “Sanga kemah perjumpan ipindahken,+ kalak Lewi arus berkat janah erdalan i tengah kelompok-kelompok si debanna.
“Kalak Israel arus erdalan ngikutken uruten sanga kalak e erkemah,+ i bas inganna masing-masing menurut kelompok si telu suku.
18 “I sebelah barat, erkemah ka kelompok telu suku. Kerina kalak arah kelompok telu suku e arus erkemah menurut pasukenna masing-masing. Suku Eperaim si jadi peminpin kelompok e. Peminpin suku Eperaim eme Elisama+ anak Amihut.
19 Si terdaftar bas pasukenna lit 40.500 kalak.+
20 Si erkemah i sampingna eme suku Manase.+ Peminpin suku Manase eme Gamaliel+ anak Pedasur.
21 Si terdaftar bas pasukenna lit 32.200 kalak.+
22 Si erkemah i sampingna ka suku Benyamin. Peminpin suku Benyamin eme Abidan+ anak Gideoni.
23 Si terdaftar bas pasukenna lit 35.400 kalak.+
24 “Kerina si terdaftar bas kelompok pasuken si ipinpin suku Eperaim lit 108.100 kalak. Kalak e kelompok si peteluken si arus berkat.+
25 “I sebelah utara, erkemah ka kelompok telu suku. Kerina kalak arah kelompok telu suku e arus erkemah menurut pasukenna masing-masing. Suku Dan si jadi peminpin kelompok e. Peminpin suku Dan eme Ahieser+ anak Ammisaddai.
26 Si terdaftar bas pasukenna lit 62.700 kalak.+
27 Si erkemah i sampingna eme suku Aser. Peminpin suku Aser eme Pagiel+ anak Ohran.
28 Si terdaftar bas pasukenna lit 41.500 kalak.+
29 Si erkemah i sampingna ka suku Naptali. Peminpin suku Naptali eme Ahira+ anak Enan.
30 Si terdaftar bas pasukenna lit 53.400 kalak.+
31 “Kerina si terdaftar bas kelompok pasuken si ipinpin suku Dan lit 157.600 kalak. Kelompok kalak e si terakhir berkat,+ menurut kelompok si telu suku.”
32 Jumlah kalak Israel si idaftarken menurut keluarga bapakna ras si banci jadi prajurit lit 603.550 kalak.+
33 Tapi kalak Lewi la ikut idaftarken+ bagi kalak Israel,+ bagi si perentahken Jahwe man Musa.
34 Lakoken kalak Israel kerina si perentahken Jahwe arah Musa. Bage me cara kalak Israel erkemah ras berkat. Kalak e erkemah menurut kelompokna si iban arah telu suku+ ras menurut keluarga bapak kalak e.
Cataten i teruh
^ Ntah “bendera.”