Bilangen 24:1-25
24 Sanga iteh Bilham maka meriah ukur Jahwe adi Israel ipasu-pasu, lanai daramina ramalen si la mehuli bagi si tangtangna.+ Paksa tatap Bilham ku taneh mesawang,*
2 idahna bangsa Israel erkemah menurut suku-sukuna,+ janah nusur kesah si badia Dibata man bana.+
3 Kenca si e katakenna puisi enda,+
“Kata-kata Bilham anak Beor,Kata-kata dilaki si enggo erpengidah,
4 Kata-kata kalak si megi kai nina Dibata,Si dat pengenehenen* arah Si Madakuasa nari,Si sujud alu mata terbuka:+
5 O Jakup, seh kel jilena kemahndu,O Israel, seh kel jilena ingan kena tading!+
6 Kemah-kemah kalak e bagi lembah* si ergedang,+Bagi taman si lit i deher lau,Bagi gaharu* si isuan Jahwe,Bagi batang aras si lit i deher lau.
7 Lalap naktaken lau arah duana timbana,Janah benihna isuan i deher ingan si melala lau.+
Lebih mulia rajana+ asangken Agak,+Janah imuliaken kerajanna.+
8 Baba Dibata kalak e ndarat arah Mesir,Bagi tanduk lembu jantan liar Ia man kalak e.
Kernepken kalak e bangsa-bangsa si nindas ia,+Janah hancurken kalak e tulan-tulanna, ras hancurkenna alu panah-panahna.
9 Gempang ia janah tunduh bagi singa.
Perban ia bagi singa, ise si pang medakisa?
Si masu-masu kam pasti ipasu-pasu,Si numpahi kam pasti isumpahi.”+
10 Kenca si e merawa kel Balak man Bilham. Ertepuk ia janahna merawa, nina, “Kulebuh kam ku jenda guna numpahi musuhku,+ tapi pasu-pasundu kepe kalak e, enggo ka telu kali ipasu-pasundu.
11 Gundari, mulihlah kam. Situhuna kubere ateku hadiah si merga man bandu,+ tapi halangi Jahwe kam ndatkenca.”
12 Nina Bilham ngaloi Balak, “Me enggo kukataken man kalak si isuruhndu Tuan,
13 ‘Amin pe bereken Balak rumahna si dem pirak ras emas man bangku, labo kulakoken kai pe si ertentangen ras perentah Jahwe, la soal e kitik ntah galang. Si kataken Jahwe ngenca si kukataken.’+
14 Gundari mulih ateku ku bangsaku. Kukataken pagi kai si lakoken bangsa e man bandu.”
15 Emaka katakenna puisi enda,+
“Kata-kata Bilham anak Beor,Kata-kata dilaki si enggo erpengidah,+
16 Kata-kata kalak si megi kai nina Dibata,Si meteh kerna Dibata Si Meganjangna,Si dat pengenehenen arah Si Madakuasa nariJanahna sujud alu mata terbuka:
17 Kuidah nge pagi ia, tapi labo gundari,Kunen nge pagi ia, tapi labo mis.
Terbit pagi sada bintang+ arah Jakup,Reh pagi tongkat+ kerajan arah Israel.+
Pasti hancurkenna pagi perdempaken kalak Moap,+Bage pe takal kerina prajurit si kejam.
18 Sanga cidahken Israel sipatna si perpang,Edom pasti ikuasai,+Seir+ pasti ikuasai musuh-musuhna.+
19 Arah Jakup nari reh pagi sekalak si naluken musuh-musuh,+Janah ikernepkenna me kerina kalak si selamat arah kota e.”
20 Sanga idah Bilham kalak Amalek, lanjutkenna puisina, nina,
“Antara bangsa-bangsa, Amalek me si pertama,+Tapi dungna ikernepken ia.”+
21 Sanga idahna kalak Keni,+ lanjutkenna puisina, nina,
“Inganndu tading aman, janah kam tading i tebing batu.
22 Tapi lit pagi sekalak si nutung kalak Keni seh asa keri.
Lanai ndekah itangkap ras ibaba Assur kam.”
23 Kenca si e lanjutkenna puisina,
“Cilaka! Sanga lakoken Dibata si e, ise nge si banci selamat?
24 Rehen pagi kapal-kapal arah pantai Kitim,+Tindas kalak e pagi Assur,+Janah tindas kalak e pagi Eber.
Tapi kalak e pe kernep nge pagi.”
25 Kenca si e mulih Bilham+ ku inganna janah Balak pe lawes ka.
Cataten i teruh
^ Taneh si mbelang si jarang iingani.
^ Eme kerna kai pe si cidahken Dibata ku bas pikiren sekalak jelma.
^ Enda batang kayu si ergetah janah minak arah batang kayu e ipake guna erban minak wangi.