Bilangen 29:1-40
29 “‘Bas wari pertama bulan pepituken, arus ban kena perpulungen si badia. La banci lakoken kena pendahin si mberat.+ Bas wari e trompet arus iembus.+
2 Arus persembahken kena sada lembu jantan, sada biri-biri jantan, ras pitu biri-biri jantan si nguda denga, janah kerina binatang e arus sehat. Enda ndai kerina persembahen tutungen si merim* akap Jahwe.
3 Persembahken ka persembahen pangan* eme tepung halus si icampur minak. Persembahken telu setengah kilo* tepung man lembu jantan, janah dua kilo* tepung man biri-biri jantan,
4 ras sada kilo* tepung man tiap biri-biri jantan arah pitu biri-biri jantan si nguda ndai.
5 Persembahken ka sada kambing jantan si nguda denga jadi persembahen dosa guna erban pendamen man kena.
6 Kerina persembahen e arus ipersembahken selain persembahen tutungen,+ persembahen pangan,+ ras persembahen inemen+ si tiap bulan ipersembahken janah si ratur ipersembahken. Kerina e arus itutung alu api, e merim* akap Jahwe.
7 “‘Bas wari pe-10-ken bulan pepituken arus ban kena perpulungen si badia,+ janah arus peteruk kena diri kena. La banci kena erdahin.+
8 Arus bereken kena man Jahwe sada lembu jantan si nguda denga, sada biri-biri jantan, ras pitu biri-biri jantan si nguda denga si umurna setahun jadi persembahen tutungen, si merim* akapNa. Kerina binatang e arus sehat.+
9 Persembahken ka persembahen pangan eme tepung halus si icampur minak. Persembahken telu setengah kilo* tepung man lembu jantan, janah dua kilo* tepung man biri-biri jantan,
10 ras sada kilo* tepung man tiap biri-biri jantan arah pitu biri-biri jantan si nguda ndai.
11 Persembahken ka sada kambing si nguda denga jadi persembahen dosa, selain persembahen dosa guna pendamen,+ persembahen tutungen, persembahen pangan, ras persembahen inemen si ratur ipersembahken.
12 “‘Bas wari pe-15-ken bulan pepituken, arus ban kena perpulungen si badia. La banci lakoken kena pendahin si mberat, janah arus ban kena perayan man Jahwe pitu wari dekahna.+
13 Arus persembahken kena 13 lembu jantan si nguda denga, 2 biri-biri jantan, ras 14 biri-biri jantan si nguda denga si umurna setahun jadi persembahen tutungen.+ Kerina binatang e arus sehat.+ Enda ndai me persembahen si itutung alu api, si merim* akap Jahwe.
14 Persembahken ka persembahen pangan eme tepung halus si icampur minak. Persembahken telu setengah kilo* tepung man tiap lembu arah 13 lembu jantan ndai, janah dua kilo* tepung man tiap biri-biri arah 2 biri-biri jantan ndai,
15 ras sada kilo* tepung man tiap biri-biri jantan arah 14 biri-biri jantan si nguda ndai.
16 Persembahken ka sada kambing si nguda denga jadi persembahen dosa, selain persembahen tutungen, persembahen pangan, ras persembahen inemen si ratur ipersembahken.+
17 “‘Bas wari si peduaken, persembahkenlah 12 lembu jantan si nguda denga, 2 biri-biri jantan, ras 14 biri-biri jantan si nguda denga si umurna setahun, janah kerina binatang e arus sehat.+
18 Persembahken ka persembahen pangan ras persembahen inemen guna lembu jantan, biri-biri jantan, ras biri-biri jantan si nguda denga menurut jumlahna, alu cara si biasana.
19 Persembahken ka sada kambing si nguda denga guna persembahen dosa, selain persembahen tutungen ras persembahen pangan bage pe persembahen inemen si ipersembahken alu ratur.+
20 “‘Bas wari si peteluken, persembahken 11 lembu jantan, 2 biri-biri jantan, ras 14 biri-biri jantan si nguda denga si umurna setahun. Kerina binatang e arus sehat.+
21 Persembahken ka persembahen pangan ras persembahen inemen guna lembu jantan, biri-biri jantan, ras biri-biri jantan si nguda denga menurut jumlahna, alu cara si biasana.
22 Persembahken ka sada kambing guna persembahen dosa, selain persembahen tutungen ras persembahen pangan bage pe persembahen inemen si ipersembahken alu ratur.+
23 “‘Bas wari si peempatken, persembahken 10 lembu jantan, 2 biri-biri jantan, ras 14 biri-biri jantan si nguda denga si umurna setahun. Kerina binatang e arus sehat.+
24 Persembahken ka persembahen pangan ras persembahen inemen guna lembu jantan, biri-biri jantan, ras biri-biri jantan si nguda denga menurut jumlahna, alu cara si biasana.
25 Selain persembahen tutungen ras persembahen pangan bage pe persembahen inemen si ipersembahken alu ratur, persembahken ka sada kambing guna persembahen dosa.+
26 “‘Bas wari si pelimaken, persembahken 9 lembu jantan, 2 biri-biri jantan, ras 14 biri-biri jantan si nguda denga si umurna setahun. Kerina binatang e arus sehat.+
27 Persembahken ka persembahen pangan ras persembahen inemen guna lembu jantan, biri-biri jantan, ras biri-biri jantan si nguda denga menurut jumlahna, alu cara si biasana.
28 Selain persembahen tutungen ras persembahen pangan bage pe persembahen inemen si ipersembahken alu ratur, persembahken ka sada kambing guna persembahen dosa.+
29 “‘Bas wari si peenemken, persembahken 8 lembu jantan, 2 biri-biri jantan, ras 14 biri-biri jantan si nguda denga si umurna setahun. Kerina binatang e arus sehat.+
30 Persembahken ka persembahen pangan ras persembahen inemen guna lembu jantan, biri-biri jantan, ras biri-biri jantan si nguda denga menurut jumlahna, alu cara si biasana.
31 Selain persembahen tutungen ras persembahen pangan bage pe persembahen inemen si ipersembahken alu ratur, persembahken ka sada kambing guna persembahen dosa.+
32 “‘Bas wari si pepituken, persembahken 7 lembu jantan, 2 biri-biri jantan, ras 14 biri-biri jantan si nguda denga si umurna setahun. Kerina binatang e arus sehat.+
33 Persembahken ka persembahen pangan ras persembahen inemen guna lembu jantan, biri-biri jantan, ras biri-biri jantan si nguda denga menurut jumlahna, alu cara si biasana.
34 Selain persembahen tutungen ras persembahen pangan bage pe persembahen inemen si ipersembahken alu ratur, persembahken ka sada kambing guna persembahen dosa.+
35 “‘Bas wari si pewaluhken, arus iban kena perpulungen si istimewa. La banci lakoken kena pendahin si mberat.+
36 Arus persembahken kena sada lembu jantan, sada biri-biri jantan, pitu biri-biri jantan si nguda denga si umurna setahun jadi persembahen tutungen. Kerina binatang e arus sehat.+ Enda ndai me persembahen si itutung alu api, si merim* akap Jahwe.
37 Persembahken ka persembahen pangan ras persembahen inemen guna lembu jantan, biri-biri jantan, ras biri-biri jantan si nguda denga menurut jumlahna, alu cara si biasana.
38 Selain persembahen tutungen ras persembahen pangan bage pe persembahen inemen si ipersembahken alu ratur, persembahken ka sada kambing guna persembahen dosa.+
39 “‘Enda ndai me si arus persembahken kena man Jahwe tiap lit perayan,+ selain persembahen guna nepati janji,+ persembahen sukarela+ si jadi persembahen tutungen,+ persembahen pangan,+ persembahen inemen,+ bage pe korban persadan.’”+
40 Emaka peseh Musa man kalak Israel kerina si enggo perentahken Jahwe man bana.
Cataten i teruh
^ Ntah “si erban meriah.”
^ Ntah “2/10 epa.”
^ Ntah “erban meriah.”
^ Ntah “si erban meriah.”
^ Ntah “2/10 epa.”
^ Ntah “si erban meriah.”
^ Ntah “2/10 epa.”
^ Ntah “si erban meriah.”
