Bilangen 33:1-56
33 Enda perdalanen kalak Israel sanga ndarat arah Mesir nari+ menurut pasukenna,+ si minpinsa eme Musa ras Harun.+
2 Bagi si perentahken Jahwe, lalap catat Musa ingan-ingan si lewati kalak e sanga bas perdalanen janah enda me perdalanen kalak e arah sada ingan ku ingan si debanna:+
3 Bas wari si pe-15-ken bas bulan si pertama,+ berkat kalak e arah Ramses nari.+ Sada wari kenca Paskah,+ ndarat kalak Israel arah Mesir nari janah pang kalak e lawes arah lebe-lebe kalak Mesir.
4 Sanga si e, kuburken kalak Mesir anak-anakna sintua si mate ibunuh Jahwe,+ perban ihukum ras ihakimi Jahwe dibata-dibata kalak e.+
5 Kenca si e, berkat kalak Israel arah Ramses janah erkemah i Sukot.+
6 Jenari berkat kalak e arah Sukot janah erkemah i Etam+ si lit i pinggir taneh mesawang.*
7 Kenca si e, berkat kalak e arah Etam jenari mulih ku Pi-Hahirot si lit i lebe-lebe Baal Sepon,+ janah erkemah kalak e i lebe-lebe Migdol.+
8 Kenca si e berkat kalak e arah Pi-Hahirot jenari sebrangi kalak e laut+ janah lawes kalak e ku taneh mesawang.+ Terus kalak e erdalan telu wari dekahna i Taneh Mesawang* Etam,+ dung e erkemah kalak e i Mara.+
9 Berkat kalak e arah Mara nari janah seh i Elim. Bas Elim lit 12 mata lau ras 70 batang kurma, emaka erkemah kalak e i je.+
10 Kenca si e berkat kalak e arah Elim nari janah erkemah i deher Laut Merah.
11 Jenari berkat kalak e arah Laut Merah janah erkemah i Taneh Mesawang* Sin.+
12 Kenca si e berkat kalak e arah Taneh Mesawang* Sin janah erkemah i Dopka.
13 Jenari berkat kalak e arah Dopka janah erkemah i Alus.
14 Jenari berkat kalak e arah Alus janah erkemah i Repidim,+ i je la lit lau man inemen kalak e.
15 Jenari berkat kalak e arah Repidim janah erkemah i Taneh Mesawang* Sinai.+
16 Kenca si e berkat kalak e arah Taneh Mesawang* Sinai janah erkemah i Kiberot Taawa.+
17 Jenari berkat kalak e arah Kiberot Taawa janah erkemah i Haserot.+
18 Jenari berkat kalak e arah Haserot janah erkemah i Ritma.
19 Jenari berkat kalak e arah Ritma janah erkemah i Rimon Peres.
20 Jenari berkat kalak e arah Rimon Peres janah erkemah i Lipna.
21 Jenari berkat kalak e arah Lipna janah erkemah i Rissa.
22 Jenari berkat kalak e arah Rissa janah erkemah i Kehelata.
23 Jenari berkat kalak e arah Kehelata janah erkemah i Gunung Seper.
24 Kenca si e berkat kalak e arah Gunung Seper janah erkemah i Harada.
25 Jenari berkat kalak e arah Harada janah erkemah i Makelot.
26 Jenari berkat kalak e+ arah Makelot janah erkemah i Tahat.
27 Jenari berkat kalak e arah Tahat janah erkemah i Terah.
28 Jenari berkat kalak e arah Terah janah erkemah i Mitka.
29 Jenari berkat kalak e arah Mitka janah erkemah i Hasmona.
30 Jenari berkat kalak e arah Hasmona janah erkemah i Mosera.
31 Jenari berkat kalak e arah Mosera janah erkemah i Bene-Jaakan.+
32 Jenari berkat kalak e arah Bene-Jaakan janah erkemah i Hor-Hagitgat.
33 Jenari berkat kalak e arah Hor-Hagitgat janah erkemah i Jotbata.+
34 Jenari berkat kalak e arah Jotbata janah erkemah i Aberona.
35 Jenari berkat kalak e arah Aberona janah erkemah i Esion-geber.+
36 Jenari berkat kalak e arah Esion-geber janah erkemah i Taneh Mesawang* Sin+ eme i Kades.
37 Kenca si e berkat kalak e arah Kades janah erkemah i Gunung Hor+ i perbatasen negri Edom.
38 Jenari nangkih Imam Harun ku Gunung Hor bagi si perentahken Jahwe. Mate ia i je bas wari si pertama bulan si pelimaken, tahun si pe-40-ken kenca kalak Israel ndarat arah Mesir nari.+
39 Mate Harun i Gunung Hor janah paksa si e umurna 123 tahun.
40 Paksa si e, ibegi raja Arat+ maka kalak Israel sangana i deher negrina. Raja e kalak Kanaan janah tading i Negep* i negri Kanaan.
41 Kenca piga-piga waktu, berkat kalak e arah Gunung Hor+ janah erkemah i Salmona.
42 Jenari berkat kalak e arah Salmona janah erkemah i Punon.
43 Jenari berkat kalak e arah Punon janah erkemah i Obot.+
44 Jenari berkat kalak e arah Obot janah erkemah i Abarim i perbatasen Moap.+
45 Jenari berkat kalak e arah Iyim janah erkemah i Dibon-Gat.+
46 Jenari berkat kalak e arah Dibon-Gat janah erkemah i Almon Dibelataim.
47 Jenari berkat kalak e arah Almon Dibelataim janah erkemah i Pegunungen Abarim+ i lebe-lebe Nebo.+
48 Dungna berkat kalak e arah Pegunungen Abarim janah erkemah i Gurun Pasir Moap i tepi Lau Jordan si lit i deher Jeriho.+
49 Tetap kalak e erkemah i tepi Lau Jordan arah Bet Jesimot seh ku Abel Sitim+ i Gurun Pasir Moap.
50 I Gurun Pasir Moap, i tepi Lau Jordan i deher Jeriho ngerana Jahwe man Musa, nina,
51 “Bagendalah nindu man kalak Israel, ‘Sebrangi kenalah Lau Jordan ku negri Kanaan.+
52 Arus pelawes kena kerina penduduk negri e arah lebe-lebe kena nari janah hancurken kerina batu pahaten+ ras kerina patung logam+ bage pe ingan-ingan ersembah kalak e.+
53 Rebut kena pagi negri e janah tading kena i je, sebap pasti Kubereken negri e jadi jang kena.+
54 Arus bagiken kena negri e man keluarga-keluarga kena alu cara iundi.+ Man suku si enterem jumlahna tambahi warisenna, janah man suku si sitik jumlahna kurangi warisenna.+ Warisen man tiap kalak itentuken alu cara iundi. Dat kena pagi warisen kena menurut suku nini bulang kena.+
55 “‘Tapi adi la pelawes kena penduduk negri e arah lebe-lebe kena nari,+ bagi rintep* pagi kalak e bas mata kena janah bagi duri si ncucuk daging kena. Gangguna pagi kena i negri si nandangi ingani kena.+
56 Adi la pelawes kena kalak e, Kulakoken man kena kai si ateKu Kulakoken man kalak e.’”+
Cataten i teruh
^ Taneh si mbelang si jarang iingani.
^ Taneh si mbelang si jarang iingani.
^ Taneh si mbelang si jarang iingani.
^ Taneh si mbelang si jarang iingani.
^ Taneh si mbelang si jarang iingani.
^ Taneh si mbelang si jarang iingani.
^ Taneh si mbelang si jarang iingani.
^ Ntah “Selatan.”
^ Ntah “si melket-melket.”