Bilangen 34:1-29
34 Kenca si e nina Jahwe man Musa,
2 “Bagendalah nindu man kalak Israel, ‘Sanga masuk kena ku negri Kanaan,+ e me negri si jadi warisen man kena, janah enda batas-batasna negri e:+
3 “‘Bas bagin selatan, perbatasenna mulai arah Taneh Mesawang* Sin terus ku daerah Edom. Bagin arah timur, batasna mulai arah ujung Laut Mati.*+
4 Batas daerah selatan e belok kari ku selatan ku dalan nangkeng Akrabim+ seh ku Sin, janah ujungna i selatan Kades-Barnea,+ jenari batas e terus seh ku Hasar Adar+ ras ku Asmon.
5 Batas e belok ka arah Asmon ku Lembah* Mesir janah ujungna i Laut.*+
6 “‘Batasna si arah barat eme Laut Tengah* ras daerah pantai. Enda ndai me si jadi batas daerah kena i sebelah barat.+
7 “‘Enda batas daerah kena sebelah utara: Mulai arah Laut Tengah seh ku Gunung Hor.+
8 Arah Gunung Hor seh ku Hamat*+ janah ujungna i Sedat.+
9 Arah Siperon seh ku Hasar Enan.+ Enda ndai me si jadi batas daerah kena i sebelah utara.
10 “‘Batas daerah kena i sebelah timur eme mulai arah Hasar Enan seh ku Sepam.
11 Batas e terus arah Sepam ku Ripla i sebelah timur Ain janah terus ku lereng* timur Laut Kineret.*+
12 Batas e terus ku Lau Jordan janah ujungna i Laut Mati.*+ Enda ndai me si jadi negri kena+ ras batas-batas i sekelilingna.’”
13 Emaka nina Musa man kalak Israel, “Enda ndai me si arus bagiken kena jadi jang kena alu cara iundi.+ Enda si nandangi ibereken man siwah setengah suku, bagi si perentahken Jahwe.
14 Sebap suku Ruben, suku Gat, ras setengah suku Manase enggo ngaloken taneh warisenna menurut keluarga bapak kalak e.+
15 Dua setengah suku e enggo ngaloken taneh warisenna, eme i sebelah timur Lau Jordan, i deher Jeriho, ku arah matawari terbit.”+
16 Kenca si e nina Jahwe man Musa,
17 “Gelar dilaki-dilaki si mbagiken negri e jadi jang kena eme Imam Eleasar+ ras Josua+ anak Nun.
18 Pilihlah sekalak peminpin arah tiap suku guna mbagiken negri e jadi warisen kena.+
19 Enda gelar dilaki-dilaki e: Arah suku Juda+ eme Kalep+ anak Jepune,
20 arah suku Simeon+ eme Semuel anak Amihut,
21 arah suku Benyamin+ eme Elidat anak Cislon,
22 arah suku Dan+ eme Bukki anak Jogeli,
23 arah suku Manase+ (keturunen Jusup)+ eme Haniel anak Epot,
24 arah suku Eperaim+ eme Kemuel anak Siptan,
25 arah suku Sebulon+ eme Elisapan anak Parnah,
26 arah suku Isakar+ eme Paltiel anak Assan,
27 arah suku Aser+ eme Ahihut anak Selomi,
28 arah suku Naptali+ eme Pedahel anak Amihut.”
29 Enda ndai me dilaki-dilaki si perentahken Jahwe mbagiken negri Kanaan man kalak Israel.+
Cataten i teruh
^ Taneh si mbelang si jarang iingani.
^ Ntah “Laut Garam.”
^ Maksudna, Laut Tengah.
^ Maksudna, Laut Besar.
^ Ntah “dalan masuk ku Hamat.”
^ Ntah “reben-reben.”
^ Maksudna, Danau Genesaret ntah Laut Galilea.
^ Ntah “Laut Garam.”
