Bilangen 7:1-89
-
Persembahen guna ngeresmiken kemah ingan ersembah (1-89)
7 Sanga enggo dung ipasang Musa kemah ingan ersembah,+ percikkenna minak ku kemah e+ janah pebadiana ingan e ras kerina peralatenna bage pe ingan nutung* persembahen ras kerina perlengkapenna.+ Kenca enggo dung percikkenna minak e janah ipebadiana kerinana,+
2 peminpin-peminpin Israel+ eme peminpin tiap suku mereken persembahen. Peminpin tiap suku e si ngawasi sensus.
3 Baba kalak e persembahen ku lebe-lebe Jahwe eme enem gereta si lit atapna ras 12 lembu jantan. Dua peminpin mereken sada gereta janah masing-masing kalak e mereken sada lembu jantan. Si e kerina ibaba kalak e ku lebe-lebe kemah ingan ersembah.
4 Nina Jahwe man Musa,
5 “Aloken kerina persembahen kalak e perban ipake pagi kerina e guna pelayanen bas kemah perjumpan. Bereken kerina e man kalak Lewi menurut keperlun tugas kalak e masing-masing.”
6 Emaka aloken Musa kerina gereta ras lembu jantan e janah berekenna man kalak Lewi.
7 Berekenna dua gereta ras empat lembu jantan man keturunen Gerson menurut keperlun tugas kalak e.+
8 Berekenna ka empat gereta ras waluh lembu jantan man keturunen Merari, menurut keperlun tugas kalak e. Si ngawasi kerina pemere e eme Itamar anak Imam Harun.+
9 Tapi kai pe la lit berekenna man keturunen Kohat perban tugas kalak e maba*+ barang-barang si ipake bas ingan si badia.+
10 Bereken peminpin-peminpin e persembahen guna ngeresmiken+ ingan nutung persembahen sanga ipercikken minak ku ingan e. Sanga baba peminpin-peminpin e persembahenna ku lebe-lebe ingan nutung persembahen,
11 nina Jahwe man Musa, “Tiap wari, sekalak peminpin arus mereken persembahenna guna ngeresmiken ingan nutung persembahen.”
12 Peminpin si mereken persembahenna bas wari si pertama eme Nahesson+ anak Aminadap arah suku Juda.
13 Persembahenna eme sada piring si iban arah pirak si beratna 1,48 kilo,* sada mangkok si iban arah pirak si beratna 800 gram* menurut timbangen si biasa ipake bas ingan si badia.+ Piring ras mangkok e dem alu tepung halus si icampur minak guna jadi persembahen pangan.*+
14 Persembahkenna ka sada cangkir* si iban arah emas si beratna 114 gram* janah dem alu kemenyan.
15 Berekenna ka sada lembu jantan si nguda denga, sada biri-biri jantan, ras sada biri-biri jantan si umurna setahun ntah kurang jadi persembahen tutungen,+
16 ras sada kambing si nguda denga jadi persembahen dosa.+
17 Berekenna ka dua lembu jantan, lima biri-biri jantan, lima kambing jantan, ras lima biri-biri jantan si nguda denga si umurna setahun guna korban persadan.+ Enda ndai me persembahen Nahesson anak Aminadap.+
18 Peminpin si mereken persembahenna bas wari si peduaken eme Netanel+ anak Suar arah suku Isakar.
19 Persembahenna eme sada piring si iban arah pirak si beratna 1,48 kilo, sada mangkok si iban arah pirak si beratna 800 gram menurut timbangen si biasa ipake bas ingan si badia.+ Piring ras mangkok e dem alu tepung halus si icampur minak guna jadi persembahen pangan.+
20 Persembahkenna ka sada cangkir si iban arah emas si beratna 114 gram janah dem alu kemenyan.
21 Berekenna ka sada lembu jantan si nguda denga, sada biri-biri jantan, ras sada biri-biri jantan si umurna setahun ntah kurang jadi persembahen tutungen,+
22 ras sada kambing si nguda denga jadi persembahen dosa.+
23 Berekenna ka dua lembu jantan, lima biri-biri jantan, lima kambing jantan, ras lima biri-biri jantan si nguda denga si umurna setahun guna korban persadan.+ Enda ndai me persembahen Netanel anak Suar.
24 Peminpin si mereken persembahenna bas wari si peteluken eme Eliap+ anak Helon arah suku Sebulon.
25 Persembahenna eme sada piring si iban arah pirak si beratna 1,48 kilo, sada mangkok si iban arah pirak si beratna 800 gram menurut timbangen si biasa ipake bas ingan si badia.+ Piring ras mangkok e dem alu tepung halus si icampur minak guna jadi persembahen pangan.+
26 Persembahkenna ka sada cangkir si iban arah emas si beratna 114 gram janah dem alu kemenyan.
27 Berekenna ka sada lembu jantan si nguda denga, sada biri-biri jantan, ras sada biri-biri jantan si umurna setahun ntah kurang jadi persembahen tutungen,+
28 ras sada kambing si nguda denga jadi persembahen dosa.+
29 Berekenna ka dua lembu jantan, lima biri-biri jantan, lima kambing jantan, ras lima biri-biri jantan si nguda denga si umurna setahun guna korban persadan.+ Enda ndai me persembahen Eliap+ anak Helon.
30 Peminpin si mereken persembahenna bas wari si peempatken eme Elisur+ anak Sedeur arah suku Ruben.
31 Persembahenna eme sada piring si iban arah pirak si beratna 1,48 kilo, sada mangkok si iban arah pirak si beratna 800 gram menurut timbangen si biasa ipake bas ingan si badia.+ Piring ras mangkok e dem alu tepung halus si icampur minak guna jadi persembahen pangan.+
32 Persembahkenna ka sada cangkir si iban arah emas si beratna 114 gram janah dem alu kemenyan.
33 Berekenna ka sada lembu jantan si nguda denga, sada biri-biri jantan, ras sada biri-biri jantan si umurna setahun ntah kurang jadi persembahen tutungen,+
34 ras sada kambing si nguda denga jadi persembahen dosa.+
35 Berekenna ka dua lembu jantan, lima biri-biri jantan, lima kambing jantan, ras lima biri-biri jantan si nguda denga si umurna setahun guna korban persadan.+ Enda ndai me persembahen Elisur+ anak Sedeur.
36 Peminpin si mereken persembahenna bas wari si pelimaken eme Selumiel+ anak Surisaddai arah suku Simeon.
37 Persembahenna eme sada piring si iban arah pirak si beratna 1,48 kilo, sada mangkok si iban arah pirak si beratna 800 gram menurut timbangen si biasa ipake bas ingan si badia.+ Piring ras mangkok e dem alu tepung halus si icampur minak guna jadi persembahen pangan.+
38 Persembahkenna ka sada cangkir si iban arah emas si beratna 114 gram janah dem alu kemenyan.
39 Berekenna ka sada lembu jantan si nguda denga, sada biri-biri jantan, ras sada biri-biri jantan si umurna setahun ntah kurang jadi persembahen tutungen,+
40 ras sada kambing si nguda denga jadi persembahen dosa.+
41 Berekenna ka dua lembu jantan, lima biri-biri jantan, lima kambing jantan, ras lima biri-biri jantan si nguda denga si umurna setahun guna korban persadan.+ Enda ndai me persembahen Selumiel+ anak Surisaddai.
42 Peminpin si mereken persembahenna bas wari si peenemken eme Eliasap+ anak Deuel arah suku Gat.
43 Persembahenna eme sada piring si iban arah pirak si beratna 1,48 kilo, sada mangkok si iban arah pirak si beratna 800 gram menurut timbangen si biasa ipake bas ingan si badia.+ Piring ras mangkok e dem alu tepung halus si icampur minak guna jadi persembahen pangan.+
44 Persembahkenna ka sada cangkir si iban arah emas si beratna 114 gram janah dem alu kemenyan.
45 Berekenna ka sada lembu jantan si nguda denga, sada biri-biri jantan, ras sada biri-biri jantan si umurna setahun ntah kurang jadi persembahen tutungen,+
46 ras sada kambing si nguda denga jadi persembahen dosa.+
47 Berekenna ka dua lembu jantan, lima biri-biri jantan, lima kambing jantan, ras lima biri-biri jantan si nguda denga si umurna setahun guna korban persadan.+ Enda ndai me persembahen Eliasap+ anak Deuel.
48 Peminpin si mereken persembahenna bas wari si pepituken eme Elisama+ anak Amihut arah suku Eperaim.
49 Persembahenna eme sada piring si iban arah pirak si beratna 1,48 kilo, sada mangkok si iban arah pirak si beratna 800 gram menurut timbangen si biasa ipake bas ingan si badia.+ Piring ras mangkok e dem alu tepung halus si icampur minak guna jadi persembahen pangan.+
50 Persembahkenna ka sada cangkir si iban arah emas si beratna 114 gram janah dem alu kemenyan.
51 Berekenna ka sada lembu jantan si nguda denga, sada biri-biri jantan, ras sada biri-biri jantan si umurna setahun ntah kurang jadi persembahen tutungen,+
52 ras sada kambing si nguda denga jadi persembahen dosa.+
53 Berekenna ka dua lembu jantan, lima biri-biri jantan, lima kambing jantan, ras lima biri-biri jantan si nguda denga si umurna setahun guna korban persadan.+ Enda ndai me persembahen Elisama+ anak Amihut.
54 Peminpin si mereken persembahenna bas wari si pewaluhken eme Gamaliel+ anak Pedasur arah suku Manase.
55 Persembahenna eme sada piring si iban arah pirak si beratna 1,48 kilo, sada mangkok si iban arah pirak si beratna 800 gram menurut timbangen si biasa ipake bas ingan si badia.+ Piring ras mangkok e dem alu tepung halus si icampur minak guna jadi persembahen pangan.+
56 Persembahkenna ka sada cangkir si iban arah emas si beratna 114 gram janah dem alu kemenyan.
57 Berekenna ka sada lembu jantan si nguda denga, sada biri-biri jantan, ras sada biri-biri jantan si umurna setahun ntah kurang jadi persembahen tutungen,+
58 ras sada kambing si nguda denga jadi persembahen dosa.+
59 Berekenna ka dua lembu jantan, lima biri-biri jantan, lima kambing jantan, ras lima biri-biri jantan si nguda denga si umurna setahun guna korban persadan.+ Enda ndai me persembahen Gamaliel+ anak Pedasur.
60 Peminpin+ si mereken persembahenna bas wari si pesiwahken eme Abidan+ anak Gideoni arah suku Benyamin.
61 Persembahenna eme sada piring si iban arah pirak si beratna 1,48 kilo, sada mangkok si iban arah pirak si beratna 800 gram menurut timbangen si biasa ipake bas ingan si badia.+ Piring ras mangkok e dem alu tepung halus si icampur minak guna jadi persembahen pangan.+
62 Persembahkenna ka sada cangkir si iban arah emas si beratna 114 gram janah dem alu kemenyan.
63 Berekenna ka sada lembu jantan si nguda denga, sada biri-biri jantan, ras sada biri-biri jantan si umurna setahun ntah kurang jadi persembahen tutungen,+
64 ras sada kambing si nguda denga jadi persembahen dosa.+
65 Berekenna ka dua lembu jantan, lima biri-biri jantan, lima kambing jantan, ras lima biri-biri jantan si nguda denga si umurna setahun guna korban persadan.+ Enda ndai me persembahen Abidan+ anak Gideoni.
66 Peminpin si mereken persembahenna bas wari si pe-10-ken eme Ahieser+ anak Ammisaddai arah suku Dan.
67 Persembahenna eme sada piring si iban arah pirak si beratna 1,48 kilo, sada mangkok si iban arah pirak si beratna 800 gram menurut timbangen si biasa ipake bas ingan si badia.+ Piring ras mangkok e dem alu tepung halus si icampur minak guna jadi persembahen pangan.+
68 Persembahkenna ka sada cangkir si iban arah emas si beratna 114 gram janah dem alu kemenyan.
69 Berekenna ka sada lembu jantan si nguda denga, sada biri-biri jantan, ras sada biri-biri jantan si umurna setahun ntah kurang guna jadi persembahen tutungen,+
70 ras sada kambing si nguda denga jadi persembahen dosa.+
71 Berekenna ka dua lembu jantan, lima biri-biri jantan, lima kambing jantan, ras lima biri-biri jantan si nguda denga si umurna setahun guna korban persadan.+ Enda ndai me persembahen Ahieser+ anak Ammisaddai.
72 Peminpin si mereken persembahenna bas wari si pe-11-ken eme Pagiel+ anak Ohran arah suku Aser.
73 Persembahenna eme sada piring si iban arah pirak si beratna 1,48 kilo, sada mangkok si iban arah pirak si beratna 800 gram menurut timbangen si biasa ipake bas ingan si badia.+ Piring ras mangkok e dem alu tepung halus si icampur minak guna jadi persembahen pangan.+
74 Persembahkenna ka sada cangkir si iban arah emas si beratna 114 gram janah dem alu kemenyan.
75 Berekenna ka sada lembu jantan si nguda denga, sada biri-biri jantan, ras sada biri-biri jantan si umurna setahun ntah kurang guna jadi persembahen tutungen,+
76 ras sada kambing si nguda denga jadi persembahen dosa.+
77 Berekenna ka dua lembu jantan, lima biri-biri jantan, lima kambing jantan, ras lima biri-biri jantan si nguda denga si umurna setahun guna jadi korban persadan.+ Enda ndai me persembahen Pagiel+ anak Ohran.
78 Peminpin si mereken persembahenna bas wari si pe-12-ken eme Ahira+ anak Enan arah suku Naptali.
79 Persembahenna eme sada piring si iban arah pirak si beratna 1,48 kilo, sada mangkok si iban arah pirak si beratna 800 gram menurut timbangen si biasa ipake bas ingan si badia.+ Piring ras mangkok e dem alu tepung halus si icampur minak guna jadi persembahen pangan.+
80 Persembahkenna ka sada cangkir si iban arah emas si beratna 114 gram janah dem alu kemenyan.
81 Berekenna ka sada lembu jantan si nguda denga, sada biri-biri jantan, ras sada biri-biri jantan si umurna setahun ntah kurang guna jadi persembahen tutungen,+
82 ras sada kambing si nguda denga jadi persembahen dosa.+
83 Berekenna ka dua lembu jantan, lima biri-biri jantan, lima kambing jantan, ras lima biri-biri jantan si nguda denga si umurna setahun guna korban persadan.+ Enda ndai me persembahen Ahira anak Enan.+
84 Si ipersembahken peminpin-peminpin Israel guna acara ngeresmiken ingan nutung persembahen+ eme: 12 piring si iban arah pirak, 12 mangkok si iban arah pirak, ras 12 cangkir si iban arah emas.+
85 Tiap piring si iban arah pirak e beratna 1,48 kilo janah tiap mangkok si iban arah pirak e beratna 800 gram. Emaka berat kerina piring ras mangkok si iban arah pirak e eme 27,36 kilo menurut timbangen si biasa ipake bas ingan si badia.+
86 Berat tiap cangkir si iban arah emas si dem kemenyan e eme 114 gram menurut timbangen si biasa ipake bas ingan si badia. Emaka berat 12 cangkir si iban arah emas e eme 1,37 kilo.
87 Jumlah binatang si jadi persembahen tutungen eme 12 lembu jantan, 12 biri-biri jantan, ras 12 biri-biri jantan si nguda denga si umurna setahun. Kerina e ipersembahken radu ras persembahen pangan. Jumlah binatang si ipersembahken jadi persembahen dosa eme 12 kambing si nguda denga.
88 Jumlah binatang si jadi korban persadan eme 24 lembu jantan, 60 biri-biri jantan, 60 kambing jantan, ras 60 biri-biri jantan si umurna setahun. Enda ndai me persembahen guna ngeresmiken ingan nutung persembahen+ kenca ipercikken minak ku ingan nutung persembahen.+
89 Katawari pe Musa masuk ku kemah perjumpan guna ngerana ras Dibata,+ ibegina me sora arah tengah-tengah dua kerubim+ si lit i datas penutup+ Peti Perjanjin.* Bage me cara Dibata ngerana ras Musa.
Cataten i teruh
^ Ntah “mersan.”
^ As. “70 sekel.”
^ Ntah “mangkok si kitik.”
^ Ntah “Peti Perpadanen.”
