Ende-enden Salomo 1:1-17
1 Lagu si mejilena, si iban Salomo:+
2 “Emalah aku alu biberndu,Sebap ulin keleng atendu asangken anggur.+
3 Seh kel rimna minak wangindu.+
Gelarndu bagi minak wangi si iamburken ku takal.+
E me sebapna ngena ate singuda-nguda man bandu.
4 Enggo baba raja aku ku kamarna!
Emaka baba min aku, kiam kita.
Mari kita senang-senang ras ermeriah ukur.
Mari sicakapken kerna keleng atendu si ulin asangken anggur.
La ateku mamang ngena ate kalak e* kam.
5 O singuda-nguda Jerusalem, aku mbiring tapi mejile,Bali bagi kemah Kedar,+ bali bagi kain kemah+ Salomo.
6 Ula tatap kena aku perban aku mbiring,Sebap matawari enggo erban aku mbiring.
Merawa abang-abangku man bangku,Suruh kalak e aku ngurus kebun anggur,Tapi kebun anggurku la kuurus.
7 O sayangku, kataken man bangku,I ja kam mpermakani biri-biri?+
I ja banndu biri-birindu gempang sanga ciger wari?
Kataken man bangku, gelah la aku cidaram i tengah-tengah rarasen biri-biri temanndu,Bagi diberu si erceda ate.”
8 “Adi la tehndu, o diberu si mejilena,Ikutkenlah bekas tapak-tapak rarasen biri-biri,Permakanilah anak-anak kambingndu i deher kemah permakan-permakan.”
9 “O sayangku, jilendu bagi kuda beruna si narik gereta raja Mesir.*+
10 Mejile pipindu si make perhiasen,*Mejile kerahungndu si make kalung.
11 Ban kami pagi man bandu perhiasen emasSi ihiasi pirak.”
12 “Sanga kundul raja bas mejana,Bau minak wangiku+ tersebar.
13 Rondongku bagi sada kantong mur si merim+Si erberngi i dadaku.*
14 Rondongku bagi sada iket sinuan-sinuan si merim*+I tengah-tengah kebun anggur En-gedi.”+
15 “O sayangku, mejile kel kam!
Seh kel jilendu! Matandu bagi mata merpati.”+
16 “O sayangku, ganteng kel kam, meriah kel ukurku!+
Dukut-dukut si meratah jadi ingan medemta.
17 Batang kayu aras jadi balok rumahta,Batang kayu juniper jadi tiang-tiangna.
Cataten i teruh
^ Maksudna, diberu si nguda denga.
^ As. “Paro; Firaun.” Penggelaren man raja Mesir.
^ Ntah banci saja “pipindu i antara buk si ikepang.”
^ As. “i buah dadaku.”
^ Ntah “sada iket bunga pacar; kacar; inai.”
