Ende-enden Salomo 3:1-11
3 “Sanga berngi bas ingan medemku,Tedeh ateku rondongku.+
Tedeh ateku ia, tapi la ia i je.+
2 Medak aku janah kusiari kota.
Bas dalan-dalan ras bas ingan jelma si enterem,Kudarami rondongku.
Tedeh ateku ia, tapi la ia i je.
3 Dahi penjaga si engkelilingi kota aku,+Kenca si e nungkun aku, ‘Lit idah kena rondongku?’
4 Kenca kutadingken kalak e,Jumpa aku ras rondongku.
Kutagangi ia, lanai kupulahiSeh ngasa kubaba ia ku rumah mamakku,+Ku kamar diberu si ngelahirken aku.
5 O diberu-diberu bas Jerusalem,Si ngergai uga jilena kijang ras rusa bas mbalmbal,Ersumpahlah maka ula peturahndu ate ngena bas aku sope waktuna.”+
6 “Kai si reh ah? Rehna arah taneh mesawang* janah bali bagi asap.
Merim bauna bagi mur ras kemenyan mbentar,Merim bauna bagi erbage bedak si merim arah perbinaga.”+
7 “Nenlah! Kursi* Salomo.
Lit 60 kalak si megegeh si engkelilingisa,Eme dilaki-dilaki Israel si megegeh,+
8 Kerina kalak e lit pedangna,Beluh kalak e erperang,Kerina kalak e lit pedang bas awakna,Enggo siap kalak e nyerang bas berngi wari.”
9 “Ah kap kursi Raja Salomo,Si banna arah batang kayu Libanon nari.+
10 Tiangna iban arah pirak nari,Inganna tertande iban arah emas nari.
Ingan kundulna iban arah wol ungu nari.
Bagin si arah bas ihiasi diberu-diberu bas JerusalemAlu kekelengen.”
11 “O diberu-diberu Sion, ndaratlah,Nenlah Raja Salomo.
Pakena mahkota si iban mamakna+Bas wari perjabunna,Bas wari ia ermeriah ukur.”
Cataten i teruh
^ Taneh si mbelang si jarang iingani.
^ Eme kursi guna maba kalak si tinggi jabatenna.
