Ende-enden Salomo 4:1-16
4 “O sayangku, mejile kel kam!
Seh kel jilendu!
Matandu bagi mata merpati i balik penutup ayondu.
Bukndu bagi rarasen kambing-kambingSi nusur arah Pegunungen Gileat nari.+
2 Ipenndu mbentar bagi rarasen biri-biriSi mbaru denga ipangkas ras iperidi,Kerina lit pasangenna janah sempurna,La lit sada pe si bene.
3 Biberndu bagi pita megara,Janah kata-katandu erban meriah ukur.
Pipindu bagi sepotong buah delimaI balik penutup ayondu.
4 Kerahungndu+ bagi menara Daud,+Si ibangun alu batu si erlapis-lapis,I datasna lit seribu perisai* si igantung,Perisai si kibul jang dilaki-dilaki si megegeh.+
5 Dadandu* bagi dua anak rusa,Bali ras anak kijang si kembar,+Si sangana man i tengah-tengah bunga lili.”
6 “Ope rembus angin janah bene bayang-bayang,Lawes pagi aku ku gunung mur,Ras ku bukit kemenyan mbentar.”+
7 “O sayangku, seh kel kam jilena,+Janah la lit cacatndu.
8 O pengantenku, mari kita lawes arah Libanon nari,Mari kita lawes arah Libanon nari.+
Nusurlah arah puncak Amana,*Arah puncak Senir, arah puncak Hermon,+Arah asar singa, arah gunung ingan macan tutul.
9 O sayangku, pengantenku, enggo tabanndu pusuhku.+
Sekali saja pe aku tatapndu, enggo tertaban pusuhku,Sada permata bas kerahungndu pe erban aku debet-debet.
10 O sayangku, pengantenku, meriah kel ukurku perban kekelengenndu!+
Kekelengenndu ndauh ulin asangken anggur,+Janah minak wangindu merim, lebihen asangken erbage rempah-rempah!+
11 O pengantenku, biberndu ntebu bagi madu asli,+Dilahndu bagi susu ras madu,+Janah bajundu merim bagi bau kerangen Libanon.
12 Sayangku, pengantenku, bagi kebun si ipagari,Kebun si ipagari ras mata lau si itutup.
13 Tunas-tunasndu* bagi pardis* si dem buah delimana,Mejile buahna, radu ras inai bage pe narwastu,*
14 Narwastu+ ras bunga si turah bage-bage saja,* jerangau,*+ kayu manis,+Erbage batang kemenyan mbentar, mur, gaharu,+Bage pe kerina minak wangi si mehulina.+
15 Kam bagi mata lau i kebun, mata lau si segar.
Bage pe lau maler si maler arah Libanon nari.+
16 O angin utara, medakkenlah,O angin selatan, rehlah.
Rembuslah ku kebunku,Banlah tersebar bauna si merim.”
“Mbera-mbera reh rondongku ku kebunna,Janah panna buah-buah si mejilena.”
Cataten i teruh
^ Ntah “ampang-ampang.”
^ Ntah “Buah dadandu.”
^ Ntah “Anti Libanon.”
^ Ntah banci saja “Kulitndu.”
^ Ntah “kebun.”
^ Ntah “sinuan-sinuan si merim.”
^ As. “bunga safron.”
^ Sinuan-sinuan si merim.
