Ende-enden Salomo 5:1-16
5 “O sayangku, o pengantenku,Enggo masuk aku ku kebunku.+
Enggo kuputikken mur ras rempah-rempahku.+
Enggo kupan madu arah asar lebahku,Enggo kuinem anggur ras susuku.”+
“O teman-teman si kukelengi, panlah!
Inemlah, mabuklah perban kata-kata cinta!”+
2 “Enggo medem aku, tapi pusuhku medak denga.+
Kubegi sora rondongku nuktuki pintu!
‘O sayangku, kekelengenku, buka min pintu e,O merpatiku, rondongku si sempurna!
Sebap takalku enggo litap perban namur,Bukku litap perban kabut sanga berngi.’+
3 Enggo kubuka bajuku.
Arus kin kupake ka mulihi?
Enggo kucuci naheku,Arus kin kuban kotor mulihi?
4 Tarik rondongku tanna arah lubang pintu,Janah debet-debet pusuhku perban ia.
5 Medak aku guna mbuka pintu man rondongku,Naktaken mur arah tanku,Naktaken cairen mur arah jari-jarikuKu gagang pintu.
6 Kubuka pintu man rondongku,Tapi rondongku lanai i je, enggo lawes ia.
Sedih kel kuakap sanga ia lawes.
Kudarami ia, tapi la kudat.+
Kulebuh ia, tapi la aloina aku.
7 Dahi penjaga kota aku.
Pekpekna aku, janah lukaina aku.
Buat penjaga tembok selendangku.
8 O diberu-diberu bas Jerusalem, ersumpahlah,Adi jumpa kena ras rondongku,Kataken man bana maka lemah kel aku perban sangana aku jatuh cinta.”
9 “O singuda-nguda si mejilena,Kai kin lebihna rondongndu asangken rondong kalak?
Kai kin si erban ia ulin asangken kalak si deban,Maka suruhndu kami ersumpah bagenda?”
10 “Rondongku ganteng kalakna janah megegeh,Bas sepuluh ribu dilaki, ia si menarikna.
11 Takalna bagi emas murni.
Bukna bagi bulung batang kurma* si iembus-embusken angin,Mbiring bagi burung gagak.
12 Matana bagi merpati i tepi lau maler,Si sangana ridi bas susu,Si cinep i tepi kolam si dem launa.*
13 Pipina bagi taman rempah-rempah,+Bagi sinuan-sinuan si merim si ergun-gun.
Biberna bagi bunga lili si naktaken mur je nari.+
14 Jari-jari tanna bagi emas si ihiasi batu krisolit,Beltekna bagi gading si erndilap si itutupi batu sapir.
15 Nahena bagi tiang marmar si alasna emas murni.
Mejile ia bagi daerah Libanon, ia bagi batang kayu aras.+
16 Babahna manis bagi madu,Janah kerina kerna ia seh kel menarikna.+
Bage me rondongku, kekelengenku, o diberu-diberu Jerusalem.”
