Ende-enden Salomo 6:1-13
6 “O diberu si mejilena,I ja kin rondongndu?
Ku ja ia lawes?
Gelah ras kita ndaramisa.”
2 “Rondongku lawes ku kebunna,Ku kebun rempah-rempah,Guna mutiki bunga lili+Ras mpermakani biri-biri.
3 Aku rondongku punana,Janah rondongku aku kap punana.+
Ia sangana mpermakani i tengah bunga-bunga lili.”+
4 “O sayangku,+ jilendu bagi kota Tirsa,*+Bagi kota Jerusalem,+Luar biasa kel kam bagi pasuken ras bendera-benderana.+
5 Ula aku tatapndu,+Perban adi tatapndu aku debet-debet pusuhku.
Bukndu bagi rarasen kambing-kambingSi nusur arah bukit-bukit Gileat.+
6 Ipenndu mbentar bagi rarasen biri-biriSi mbaru denga iperidi,Kerina lit pasangenna janah sempurna,La lit sada pe si bene.
7 Pipindu bagi sepotong buah delima,I balik penutup ayondu.
8 Lit 60 ratuku,Ras 80 gundikku,*Ras singuda-nguda si la terkira buena,+
9 Tapi sada ngenca merpatiku,+ janah ia la lit pandangenna.
Ia si istimewana akap mamakna,Ia si kelengna ate diberu si ngelahirkenca.
Singuda-nguda si ngidah ia ngataken maka ia ermeriah ukur,Ratu ras gundik pe muji ia.
10 ‘Ersinar ia* bagi matawari erpagi-pagi,Mejile ia bagi bulan purnama,Cerah ia bagi sinar matawari,Luar biasa kel ia bagi pasuken ras bendera-benderana.’”+
11 “Lawes aku ku kebun buah+Guna ngenen tunas-tunas si mbaru i lembah,*Guna ngenen enggo nge ertunas batang anggur ntah lenga,Enggo nge erbunga batang delima ntah lenga.
12 La aku sadar,Sura-suraku enda mabai akuKu gereta perang bangsawan.”
13 “Mulihkenlah, mulihkenlah, o beru Sulam!
Mulihkenlah, mulihkenlah,Gelah banci ka idah kami kam!”
“Engkai maka merhat kam ngidah beru Sulam?”+
“Ia bali bagi perlandek dua pasuken!”*
