Ende-enden Salomo 7:1-13
7 “Mejile kel nahendu si erselop,O singuda-singuda si mejile!
Bentuk pahandu bagi perhiasen,Si iban tukang si beluh.
2 Pusungndu* bagi mangkok si kibul.
Mbera-mbera ndigan pe la ia pernah kurang anggur.
Beltekndu bagi gandum si ergun-gun,Si ikelilingi bunga lili.
3 Dadandu* bagi dua anak rusa,Bali ras anak kijang si kembar.+
4 Kerahungndu+ bagi menara gading.+
Matandu+ bagi kolam i Hesbon,+I deher gerbang Bat Rabim.
Igungndu bagi menara Libanon,Si pengalana ku Damaskus.
5 Takalndu mejile bagi Karmel,+Bukndu+ bagi wol ungu.+
Tertaban pusuh raja ngidah bukndu si kirbangkenndu.
6 O singuda-nguda si ngena ateku, seh kel jilendu,Meriah ukurku ngidah kam, lebihen asangken kerina si erban meriah ukur!
7 Potongen dagingndu bagi batang kurma,Janah dadandu* bagi tandan buah kurma.+
8 Ningku, ‘Kunangkihi ateku batang kurma eGelah kujemak tangke buahna.’
Mbera-mbera dadandu* bagi tandan buah anggur,Kesahndu merim bagi buah apel,
9 Babahndu bagi anggur si mejilena.”
“Mbera-mbera anggur e maler alu lembut man rondongku,Bagi anggur si maler alu lembut ku biber janah erban kalak medem.
10 Aku rondongku punana,+Janah aku kap atena.
11 Rehlah, o rondongku,Mari kita ndarat arah kota nari,Mari kita tading i tengah sinuan-sinuan si merim.*+
12 Mari lampas kita medak janah lawes kita ku kebun anggur,Guna ngenen enggo nge ertunas batang anggur ntah lang,Enggo nge mekar bunga anggur ntah lang,+Enggo nge erbunga batang delima ntah lang.+
I je, kukataken pagi ateku keleng man bandu.+
13 Merim iban buah dudaim*+ i sekelilingna,I deher pintuta lit erbage buah si mejile.+
Buah si mbaru bage pe si enggo ndekah,Kusimpan man bandu, o sayangku.
Cataten i teruh
^ Ntah “Buncitndu.”
^ Ntah “Buah dadandu.”
^ Ntah “Buah dadandu.”
^ Ntah “Buah dadandu.”
^ Ntah “tengah bunga pacar; kacar; inai.”
^ Sejenis rempah-rempah si lit buahna; sejenis ras kentang.
