Ende-enden Salomo 8:1-14
-
Beru Sulam (1-4)
-
“Turangku min ndai kam” (1)
-
-
Abang-abang beru Sulam (5a)
-
‘Ise ah, si tertande ku rondongna?’
-
-
Beru Sulam (5b-7)
-
“Ate ngena e bali gegehna ras kematen” (6)
-
-
Abang-abang beru Sulam (8, 9)
-
“Bicara tembok ia, . . . tapi bicara pintu ia, . . .” (9)
-
-
Beru Sulam (10-12)
-
“Tembok kap aku” (10)
-
-
Permakan (13)
-
‘Merhat aku megi sorandu’
-
-
Beru Sulam (14)
-
“Kiamlah bagi kijang”
-
8 “Turangku min ndai kam,Si pernah ipepinemken mamakku!*
Gelah adi jumpa aku ras kam i darat, banci kam kuema,+Janah la aku ihina kalak.
2 Kubabai pagi kam,Kubabai ku rumah mamakku,+Ia kap si ngajari aku.
Kubereken pagi man bandu inemen anggur si merim,Ras jus buah delima si segar.
3 Tan kirina i teruh takalku,Janah tan kananna ndakep aku.+
4 O diberu-diberu bas Jerusalem,Ersumpahlah maka ula peturahndu ate ngena bas aku sope waktuna.”+
5 “Ise si reh ah arah taneh mesawang,*Si tertande ku rondongna?”
“Kuingeti* pagi kam i teruh batang apel.
I je kap mesui akap mamakndu perban kam.
I je kap mesui akapna ngelahirken kam.
6 Banlah aku bagi meterai bas pusuhndu,Bagi meterai bas tanndu,Perban ate ngena e bali gegehna ras kematen,+Janah kesetian e la terpengadi bagi Kuburen.*
Gara api ate ngena e bali bagi gara api Jahwe.*+
7 Lau galang la banci erban mate api ate ngena e,+Lau maler pe la ngasup ngombakkenca.+
Adi lit si atena nukur ate ngena alu kerina erta bas rumahna,Si e* pasti ihina.”
8 “Lit adek kami diberu,+Janah kitik denga dadana,*Kai nge si lakoken kami man adek kami eAdi lit si ngelamar ia?”
9 “Bicara tembok ia,Bangun kami menara pirak man bana,Tapi bicara pintu ia,Ban kami palangna arah kayu aras nari.”
10 “Tembok kap aku,Janah dadaku* bagi menara.
Eme sebapna aku bagi diberu si ndatken kedamenI lebe-lebena.
11 Salomo lit kebun anggurna+ i Baal-Hamon.
Percayakenna man pengurus-pengurus guna ngurussa.
Masing-masing kalak e nggalari seribu logam pirak guna buahna.
12 Lit kap kebun anggurku.
O Salomo, seribu logam pirak e kam punana,Janah dua ratus logam pirak man si ngurus buahna.”
13 “O kena si tading i kebun-kebun,+Teman-teman enggo nimai guna megi sorandu.
Aku pe merhat megisa.”+
14 “O sayangku, meterlah,Kiamlah bagi kijang,+Bagi anak rusa jantan,I datas gunung rempah-rempah.”
Cataten i teruh
^ Ntah “pernah bere mamakku ASI.”
^ Taneh si mbelang si jarang iingani.
^ Ntah “Kumedaki.”
^ As. “Jah.” Jah eme singkaten gelar Jahwe.
^ Ntah banci saja “Ia.”
^ Ntah “buah dadana.”
^ Ntah “buah dadaku.”
