Epesus 2:1-22
2 Enggo ban Dibata kena nggeluh amin pe kena enggo mate perban kesalahen ras dosa kena.+
2 Mbarenda kena nggeluh ngikutken doni* enda.+ Ikutken kena penguasa si erkuasa nandangi udara,+ eme cara rukur+ si lit bas kalak si la patuh.
3 Situhuna perbahanenta pe mbarenda ngikutken sura-sura dagingta si erdosa.+ Siikutken sura-sura dagingta ras perukurenta si erdosa.+ Bagi kalak si deban, mulai kin kita lahir kita anak-anak si patut irawai Dibata.+
4 Tapi perban mbelin kel perkuah ate Dibata+ janah keleng kel ateNa kita,+
5 pegeluhNa kita janah persadaNa ras Kristus, amin pe kita enggo mate perban dosata.+ Perban kiniulinNa si luar biasa, iselamatken pagi kena.
6 Selain si e, pekeke Dibata kita janah pekundulNa kita i surga perban ersada kita ras Kristus Jesus.+
7 Alu bage bas jaman* si nandangi reh, buktikenNa kiniulinNa si luar biasa alu ngelakoken kai si mehuli guna kita, eme kalak si enggo ersada ras Kristus Jesus.
8 Kena si erkiniteken enggo iselamatken perban kiniulinNa si luar biasa.+ Kena iselamatken labo perban usaha kena, tapi perban pemere Dibata.
9 Enda labo hasil pendahin kena,+ emaka ise pe labo lit alasenna gelah bangga.
10 Kita kap si ciptaken Dibata janah kita iciptaken+ guna ngelakoken kai si mehuli perban kita ersada ras Kristus Jesus.+ Enda kap si tentuken Dibata mulai kin tangtangna nari gelah silakoken.
11 O kena si rehna arah bangsa si deban nari, ingetlah maka mbarenda “kalak si isunat” manusia nggelari kena “kalak si la isunat.”
12 Sanga si e, la tandai kena Kristus, terpisah bas bangsa Israel nari, janah la ikut bas perjanjin-perjanjin si sesuai ras janji Dibata.+ La lit arapen kena, la tandai kena Dibata sanga kena nggeluh bas doni enda.+
13 Tapi gundari, kena enggo ersada ras Kristus Jesus, emaka amin pe mbarenda kena ndauh arah Dibata nari, gundari kena enggo rembak ras Ia perban dareh Kristus.
14 Sebap Kristus kap si ndameken kita,+ si mpersadaken dua pihak+ janah si ngeruntuhken tembok si nirangken kalak e.+
15 Perban enggo korbankenna dagingna, masapkenna Undang-Undang Musa si risiken perentah si erban kalak e ermusuhen. Alu bage, dua pihak si ermusuhen e erdame janah ipersada ras ia guna jadi sada bangsa si mbaru.+
16 Alu tiang siksanna,* ban Kristus dua pihak e jadi sada daging janah damekenna kalak e mulihi ras Dibata.+ Arah kematenna, enggo masapkenna permusuhen e.+
17 Reh ia janah beritakenna berita si meriah kerna perdamen man kena si ndauh arah Dibata nari bage pe man kalak si rembak ras Ia.
18 Arah ia, kerina kita eme si dua pihak e banci bebas ndeheri Bapak, perban enggo sialoken kesah si badia si seri.
19 Emaka, kena lanai bo kalak asing ntah pe kalak pertandang.+ Gundari enggo seri warga negara kena+ ras kalak si badia, kena enggo jadi anggota keluarga Dibata.+
20 Kena enggo ibangun i datas sada pondasi, eme rasul-rasul ras nabi-nabi,+ tapi Kristus Jesus jadi batu pondasi si utamana.+
21 Kerina bangunen si ersada ras ia janah si tiap baginna ersada alu mehuli,+ reh belinna janah jadi rumah pertoton si badia man Jahwe.*+
22 Kena si ersada ras ia pe radu ras ibangun jadi ingan tading Dibata, perban kesahNa si badia lit i je.+
