Esekiel 1:1-28
1 Bas tahun si pe-30-ken, bulan si peempatken bas wari si pelimaken, sanga aku i deher Lau Kebar+ ras kalak si itaban,+ terbuka langit, kudat pengenehenen* arah Dibata.
2 Bas wari pelimaken bas bulan e, eme kenca lima tahun Raja Joyakin+ itaban,
3 reh kata Jahwe man bangku, Esekiel* anak Imam Busi, i deher Lau Kebar si lit i negri kalak Kaldea.+ I je kugejapken kuasa* Jahwe.+
4 Sanga kuperdiateken, kuidah angin meter+ rembus arah utara nari, kuidah ka embun si galang ras kilap api si ikelilingi cahaya si terang.+ I tengah-tengah api e, lit kuidah si erndilap-ndilap bagi emas putih.*+
5 I tengah-tengah api e lit ka empat mahluk si nggeluh+ si mirip ras manusia.
6 Tiap mahluk e lit empat ayona ras empat kabengna.+
7 Nahena pinter janah tapak-tapak nahena bagi tapak-tapak nahe anak lembu. Nahena erndilap bagi tembaga si enggo igusgus.+
8 Empatna mahluk e lit ayona ras kabengna. I teruh tiap kabengna lit tanna si bagi tan manusia, kabengna lit empat.
9 Kabengna sidegesen, sanga erdalan la ia belok, tiap mahluk e erdalan lurus ku lebe.+
10 Tiap mahluk e lit empat ayona: Sada ayo manusia, sebelah kanan ayo singa,+ sebelah kiri ayo lembu jantan,+ sada nari ayo+ kuliki.+
11 Bage ndai me ayo mahluk-mahluk e. Kabeng mahluk e kimbang ku datas. Tiap mahluk e lit dua kabengna sidegesen, dua kabeng nari nutupi dagingna.+
12 Tiap mahluk e erdalan lurus ku lebe, lawes ia ku japa pe isuruh kesah si badia.+ Sanga erdalan, la ia belok.
13 Mahluk-mahluk si nggeluh e teridah bagi rara api si gara. I tengah-tengah mahluk e, lit si bagi obor si terang si erdalan ku jah ku je. Arah api e ndarat kilap si erndilap-ndilap.+
14 Sanga mahluk-mahluk e erdalan ku jah ku je, ia teridah bagi kilap.
15 Sanga kuperdiateken mahluk-mahluk e, kuidah sada roda i samping tiap mahluk si nggeluh si lit empat ayona e.+ Roda-roda e lit i taneh.
16 Roda-roda e ersinar bagi batu krisolit, seri empatna roda e. Bentuk roda e bagi dua roda si ipasang ersilang.*
17 Sanga erdalan roda e, banci ia erdalan ku arah japa pe, la perlu belok.
18 Meganjang kel roda-roda e, luar biasa kel. Bagin si arah darat roda-roda e dem alu mata.+
19 Adi erdalan mahluk-mahluk si nggeluh e, roda-roda e pe ikut erdalan. Adi nangkih mahluk-mahluk si nggeluh e arah taneh nari, roda-roda e pe ikut nangkih.+
20 Ku japa pe mahluk-mahluk e isuruh kesah si badia, ku je ia lawes. Adi nangkih mahluk-mahluk e, roda-roda e pe ikut nangkih, perban kesah si badia si nuruh mahluk e pe lit bas roda-roda e.
21 Adi erdalan mahluk-mahluk e, roda-roda e pe ikut erdalan. Adi ngadi mahluk-mahluk e, roda-roda e pe ikut ngadi. Adi nangkih mahluk-mahluk e arah taneh nari, roda-roda e pe ikut nangkih, perban kesah si badia si nuruh mahluk e pe lit bas roda-roda e.
22 I datas takal mahluk-mahluk si nggeluh e lit si bagi lante es si erndilap, kimbang i datas takalna.+
23 I teruh lante e, kabeng-kabeng mahluk si nggeluh e kimbang lurus ku datas janah sidegesen. Dua kabeng tiap mahluk e nutupi sembelah dagingna, dua kabeng nari nutupi dagingna si sembelah nari.
24 Sanga kubegi sora kabeng mahluk-mahluk e, sorana bagi sora lau si deras, bagi sora Si Madakuasa.+ Sanga erdalan mahluk e, sorana bagi sora prajurit. Sanga ngadi mahluk e, penusurna kabeng-kabengna.
25 Lit terbegi sora arah datas lante si lit i datas takal mahluk-mahluk e. (Adi ngadi mahluk e, penusurna kabeng-kabengna.)
26 I datas lante si lit i datas takal mahluk e, lit si bagi batu sapir,+ bentukna bagi tahta.+ I datas tahta e, lit si kundul bagi manusia.+
27 AwakNa nari ku datas, kuidah bagi emas putih si ersinar+ ras ikelilingi api. AwakNa nari ku teruh bagi api.+ I sekelilingNa lit cahaya
28 si bagi pelangi+ i embun sanga udan. Bage me cahaya e lit i sekelilingNa. Cahaya e teridah bagi kemulian Jahwe.+ Sanga kuidah e, sujud aku janah mulai kubegi sora kalak si ngerana.
Cataten i teruh
^ Eme kerna kai pe si cidahken Dibata ku bas pikiren sekalak jelma.
^ Ertina “Dibata si Mpegegehi.”
^ As. “tan.”
^ Logam si iban arah emas ras pirak.
^ As. “bagi roda i bas roda.”