Esekiel 11:1-25
11 Iangkat* aku janah ibaba ku gerbang sebelah timur rumah Jahwe, gerbang e pengalana ku sebelah timur.+ Bas pintu masuk gerbang e kuidah lit 25 dilaki. I antara kalak e lit peminpin bangsa e eme Jahasanya anak Asur ras Pelatia anak Benaya.+
2 Kenca si e nina Dibata man bangku, “O anak manusia, kalak enda kap si erban rencana jahat ras mereken nasehat si jahat i* kota enda.
3 Nina kalak e, ‘La kin gundari waktuna mbangun rumah-rumah?+ Kota* enda panci kap,+ kita dagingna.’
4 “O anak manusia, ernubuatlah kerna kalak e. Ernubuatlah kam.”+
5 Kenca si e, reh kesah si badia Jahwe man bangku,+ nina, “Kataken bagenda, ‘Enda si ikataken Jahwe, “O kalak Israel, payo si kataken kena e, Kuteh kai si ukuri kena.
6 Enggo enterem ban kena kalak si mate bas kota enda, enggo dem ban kena mayat bas dalan-dalan.”’”+
7 “Emaka bagenda nina Jahwe Tuhan Si Meganjangna, ‘Mayat-mayat si iban kena amparen i kota e eme dagingna, kota e eme pancina.+ Tapi kena pasti ipedarat arah panci e nari.’”
8 “‘Mbiar kena man pedang,+ tapi pedang pagi si Kuban reh man kena,’ nina Jahwe Tuhan Si Meganjangna.
9 ‘Kupedarat pagi kena, Kuserahken kena ku tan kalak asing si ngukum kena.+
10 Mate pagi kena perban pedang.+ Kuhakimi pagi kena i perbatasen Israel,+ teh kena pagi maka Aku kap Jahwe.+
11 Kota e lanai pagi jadi panci man kena, kena lanai jadi daging bas panci e. Kuhakimi pagi kena i perbatasen Israel.
12 Teh kena pagi maka Aku kap Jahwe. Sebap la patuhi kena peraturen-peraturenKu, la dalanken kena undang-undangKu,+ tapi dalanken kena undang-undang bangsa-bangsa si lit i sekeliling kena.’”+
13 Dung kenca aku ernubuat, mate Pelatia anak Benaya. Dung e sujud aku, nderkuh aku, ningku, “O Jahwe Tuhan Si Meganjangna! KernepkenNdu kin ateNdu kalak Israel si nggeluh denga?”+
14 Nina Jahwe ka man bangku,
15 “O anak manusia, enggo kataken penduduk Jerusalem man kade-kadendu* bage pe man kerina kalak Israel, nina, ‘Ndauhlah kena arah Jahwe nari. Negri e jang kami. Negri e enggo ibereken jadi jang kami.’
16 Emaka bagendalah nindu, ‘Bagenda nina Jahwe Tuhan Si Meganjangna, “Amin gia enggo Kupelawes kalak e ndauh ku tengah bangsa-bangsa janah Kumerapken kalak e ku erbage-bage negri,+ tapi bas waktu si ntisik, Aku jadi ingan si badia man kalak e bas negri ingan kalak e lawes.”’+
17 “Bagendalah nindu, ‘Enda si kataken Jahwe Tuhan Si Meganjangna, “Pasti kena Kupepulung mulihi arah bangsa-bangsa bage pe arah negri-negri ingan kena imerapken. Pasti Kubereken pagi negri Israel man kena.+
18 Mulih ka pagi kalak e ku je, ambekken kalak e pagi kerina si erban ciga ate bage pe perbahanen si erban ciga ate arah je nari.+
19 Kupersada pagi kalak e* kerina,+ Kutamaken perukuren si mbaru bas kalak e.+ Kuambekken pagi pusuh si bagi batu arah daging kalak e,+ Kubereken man kalak e pusuh si lembut.*+
20 Alu bage, dalanken kalak e pagi peraturen-peraturenKu, patuhi kalak e undang-undangKu, janah patuh kalak e man bangKu. Kenca si e kalak e jadi umatKu pagi, Aku jadi Dibata kalak e.”’
21 “‘Nina Jahwe Tuhan Si Meganjangna, “Tapi kerna kalak si terus lit bas pusuhna kai si erban ciga ate janah terus ngelakoken kai si erban ciga ate, Kuban pagi nanami kalak e akibat arah perbahanenna.”’”
22 Kenca si e, kimbangken kerubim-kerubim e sayapna, roda-roda e lit i deherna.+ Kemulian Dibata Israel lit i datas kalak e.+
23 Kenca si e, kemulian Jahwe+ nangkih arah kota e janah ngadi i datas gunung si lit i sebelah timur kota e.+
24 Arah pengenehenen* si bereken Dibata man bangku, iangkat* aku janah ibaba ku kalak si itaban i Kaldea. Kenca si e, bene pengenehenen e arah aku nari.
25 Emaka kuceritaken man kalak si itaban e kerina si cidahken Jahwe man bangku.
Cataten i teruh
^ Bas bahasa aslina, si ngangkat Esekiel banci maksudna kesah si badia Dibata ntah pe sada malekat.
^ Ntah “man.”
^ As. “Diberu,” eme kota Jerusalem, eme ingan si akap kalak Jahudi banci ia erlindung.
^ Ntah “kade-kadendu si lit hakna guna nukur mulihi.”
^ Maksudna, kalak si mis ndalanken petunjuk Dibata.
^ As. “pusuh kalak e.”
^ Eme kerna kai pe si cidahken Dibata ku bas pikiren sekalak jelma.
^ Bas bahasa aslina, si ngangkat Esekiel banci maksudna kesah si badia Dibata ntah pe sada malekat.
