Esekiel 15:1-8
-
Jerusalem, eme batang kayu anggur si la erguna (1-8)
15 Ngerana ka Jahwe man bangku, nina,
2 “O anak manusia, kai bedana batang kayu anggur ras batang kayu si deban ntah pe dahan batang kayu si lit bas kerangen?
3 Guna kai kin kayu anggur e banci ipake? Banci kin kayu e ipake guna ingan nggantung barang?
4 Kayu e iambekken ku api jadi ranting. Duana ujungna tertutung, bagin tengahna pe tertutung. Lit denga kin gunana kayu e?
5 Sanga lenga tertutung pe kayu e la banci ipake guna kai pe, uga ka adi enggo tertutung janah meseng!”
6 “Emaka bagenda nina Jahwe Tuhan Si Meganjangna, ‘Bagi kayu batang anggur si lit i tengah-tengah batang kayu i kerangen si enggo Kuban jadi ranting guna mpegara api, bage ka pagi Kuban man penduduk Jerusalem.+
7 Kulawan kalak e. Selamat kalak e arah api, tapi api pagi si engkernepken kalak e. Sanga Kulawan kalak e, teh kena pagi maka Aku kap Jahwe.’”+
8 “‘Kuban pagi negri e lanai iingani,+ perban kalak e la setia,’+ nina Jahwe Tuhan Si Meganjangna.”