Esekiel 19:1-14
-
Lagu ceda ate kerna peminpin-peminpin Israel (1-14)
19 “Endekenlah lagu ceda ate* kerna peminpin-peminpin Israel,
2 nina,‘Ise mamak kena? Ia singa beruna si lit i tengah-tengah singa.
Gempang ia i tengah-tengah singa si megegeh, asuhina anak-anakna.
3 Pebelinna salah sada anakna, anakna e jadi singa si megegeh.+
Pelajarina uga ncabik-cabik mangsa,Manusia pe panna.
4 Begi bangsa-bangsa kerna si e, tangkapna ia bas lubangna,Kenca si e, saren kalak e ia ku negri Mesir alu pengkawit.+
5 Tertima-tima kel indung singa e, dungna tehna lanai lit arapen anakna e reh mulihi.
Emaka buatna anakna si deban, pebelinna jadi singa si megegeh.
6 Erdalan singa e i tengah singa-singa, ia jadi singa si megegeh.
Pelajarina uga cara ncabik-cabik mangsa, manusia pe panna.+
7 Erdalan ia ku jah ku je i tengah menara-menara si erbenteng, hancurkenna kota-kota kalak e.
Emaka terbegi sorana erngaung i belang-belang negri si la iingani e.+
8 Bangsa-bangsa arah daerah si lit i sekelilingna reh ngelawan ia, kimbangken kalak e jaring ku ia,Tangkap kalak e ia bas lubangna.
9 Saren kalak e ia ku bas kandang alu pengkawit, baba kalak e ia ku raja Babilon.
Kurung kalak e ia i je, emaka sorana lanai terbegi i gunung-gunung Israel.
10 Mamakndu bagi batang anggur*+ si isuan i deher lau.
Erbuah ia, melala cabangna perban melala lau i je.
11 Cabang-cabangna reh gegehna, emaka cocok iban jadi tongkat penguasa-penguasa.
Reh galangna ia, ganjangen asangken batang kayu si deban.
Mis ia teridah perban ia meganjang janah melala bulungna.
12 Tapi alu merawa, icabut ia,+ ibenterken ku doni,Janah angin timur erban kerah buahna.
Cabang-cabangna si megegeh ipenggelken, dungna kerah+ jenari itutung.+
13 Gundari isuan ia bas taneh mesawang,*Bas taneh si gersang ras kerah.+
14 Api menyebar* arah cabang-cabangna nari, tutungna tunasna ras buahna,Emaka lanai lit cabang si megegeh, lanai lit tongkat guna merentah.+
“‘Enda ndai me lagu ceda ate, lagu e terus jadi lagu ceda ate.’”
Cataten i teruh
^ Ntah “lagu perngandungen.”
^ As. “batang anggur bas darehndu.”
^ Taneh si mbelang si jarang iingani.
^ Ntah “njajat.”