Esekiel 2:1-10
2 Kenca si e, nina man bangku, “O anak manusia,* tedislah kam gelah banci Aku ngerana ras kam.”+
2 Sanga ngerana Ia man bangku, erdahin kesah si badia bas aku janah erban aku tedis,+ gelah banci kubegiken Ia si ngerana ras aku e.
3 Kenca si e, nina man bangku, “O anak manusia, Kuutus kam ku kalak Israel,+ eme bangsa pemberontak si mberontak man bangKu.+ Kalak e bage pe nini bulang kalak e enggo ngelanggar undang-undangKu seh asa gundari.+
4 Kuutus kam ku keturunen si kurang ajar ras keras kepala e.+ Arus bagenda nindu man kalak e, ‘Enda me si kataken Jahwe Tuhan Si Meganjangna.’
5 Perban kalak e bangsa pemberontak,+ la soal begikenna kam ntah lang, pasti pagi teh kalak e lit nabi i tengah-tengah kalak e.+
6 “Tapi o anak manusia, ula kam mbiar man kalak e.+ Ula kam mbiar man kata-kata kalak e, amin gia kam ikelilingi peren duri*+ janah tading i tengah-tengah kalajengking. Ula kam mbiar man kata-kata kalak e,+ ula kam mbiar ngidah ayona+ perban kalak e bangsa pemberontak.
7 Arus pesehndu kata-kataKu man kalak e, la soal begikenna ntah lang, sebap kalak e bangsa pemberontak.+
8 “Tapi o anak manusia, begikenlah kai si Kukataken enda. Ula kam mberontak bagi bangsa pemberontak enda. Bukalah babahndu janah panlah kai si Kubere enda.”+
9 Lit kuidah tan si mereken sada gulungen* man bangku,+ janah bas gulungen e lit tulisen.+
10 Sanga gulungen e ibuka i lebe-lebeku, kuidah lit tulisen arah lebe ras arah pudi gulungen e.+ I je tertulis lagu ceda ate,* tangis-tangis, ras kesusahen.+
Cataten i teruh
^ Kata “anak manusia” lit 93 kali tertulis bas Esekiel janah enda si pertama.
^ Ntah banci saja “amin gia kalak e keras kepala janah bagi si ncucuki kam.”
^ Ntah “gulungen buku.”
^ Ntah “lagu perngandungen.”