Esekiel 24:1-27
24 Ngerana ka Jahwe man bangku, bas tahun si pesiwahken, bulan si pe-10-ken, wari si pe-10-ken bas bulan e, nina,
2 “O anak manusia, catatlah tanggal wari enda. Enggo imulai raja Babilon nyerang Jerusalem bas wari enda.+
3 Kataken sada kuan-kuan kerna pemberontaken bangsa e, janah kataken kerna kalak e,
“‘Bagenda nina Jahwe Tuhan Si Meganjangna,
“Tamalah panci* i datas api jenari tamaken lau ku bas.+
4 Tamaken potongen-potongen daging+ si mejilena ku bas,Bagin paha nahe si arah pudi ras daging nahe si arah lebe. Demi panci e alu tulan-tulan si mejilena.
5 Pegun-gun kayu-kayu i teruh panci e janah buatlah biri-biri si mejilena.+
Belgang potongen daging e, tanggerken tulan-tulan e i bas.”’
6 “Bagenda nina Jahwe Tuhan Si Meganjangna,
‘Cilaka kota si ngamburken dareh e.+ Kota e bagi panci si lit karatna, karatna e lanai terbersihken.
Pedaratlah kerina isina, sada per sada.+ Ula pilih-pilihi.
7 Dareh lit i bas,+ amburkenna e ku datas batu.
La amburkenna ku taneh gelah itutupi abu.+
8 Gelah turah rawaKu ngelakoken pembalasen,Kutama darehna i datas batu si kerahGelah la banci itutupi.’+
9 “Emaka nina Jahwe Tuhan Si Meganjangna,
‘Cilaka kota si ngamburken dareh e!+
Kupegun-gun pagi kayu-kayuna seh ngasa meganjang.
10 Pegun-gun kayuna janah pegara api,Belgang dagingna seh ngasa tasak, amburken kuahna, jenari pediat tulan-tulanna meseng.
11 Tamalah panci si kosong e ku datas rara gelah melas,Alu bage tembagana megara perban lasna.
Cair pagi kai si najis si lit bas panci e,+ janah karatna pe keri tertutung.
12 Latih kel ngidahsa ras nembeh kel ate,Perban mekapal kel karatna janah la banci lepas.+
Benterken panci si lit karatna e ku bas api!’
13 “‘Kam najis perban perbahanenndu si la meteh mela e.+ Enggo Kucubaken mbersihken kam tapi la kam banci bersih arah kai si najis si lit bas kam. Kam la banci bersih seh ngasa ngadi rawaKu man bandu.+
14 Aku Jahwe si enggo ngerana. Enda pasti terjadi janah pasti Kulakoken. Labo pagi Aku tertaren-taren, labo pagi Aku sedih, ras labo pagi Aku menyesal.+ Hukum kalak e pagi kam menurut perbahanenndu ras lagu langkahndu,’ nina Jahwe Tuhan Si Meganjangna.”
15 Ngerana ka Jahwe man bangku, nina,
16 “O anak manusia, bas sekali ngembus Kubuat pagi kalak si keleng atendu.+ Ula kam erceda ate.* Ula kam nderkuh ntah pe ngamburken iluh.
17 Erceda atelah kam tapi ula terbegi. Ula ban acara erceda ate man kalak mate.+ Pakelah tutup takalndu+ ras selopndu.+ Ula tutupi babahndu,*+ ula pan roti si ibaba kalak man bandu.”+
18 Kenca si e, paksa erpagi-pagi kupeseh kerna si e man kalak e, berngina mate diberuku. Emaka paginna kulakoken tepat bagi si iperentahken man bangku.
19 Emaka nina kalak e man bangku, “Engkai maka lakokenndu kerina e? Kai hubungenna ras kami?”
20 Ningku man kalak e, “Nina Jahwe man bangku,
21 ‘Kataken man kalak Israel, “Bagenda nina Jahwe Tuhan Si Meganjangna, ‘Najis pagi Kuban inganKu si badia+ si banggaken kena, si merga akap kena, ras si keleng ate kena. Anak-anak kena si dilaki ras si diberu si itadingken kena, mate pagi alu pedang.+
22 Kenca si e lakoken kena pagi bagi si lakoken Esekiel. La pagi tutupi kena babah* kena janah la pagi pan kena roti si baba kalak man kena.+
23 Pake kena pagi penutup takal kena ras selop kena. La pagi kena erceda ate ntah pe tangis. Tapi rate mesui pagi kena perban kesalahen kena,+ sinehenen pagi kena janah mengeluh.
24 Esekiel jadi tanda man kena.+ Uga si lakokenna bage ka pagi si lakoken kena. Sanga terjadi pagi enda kerina, teh kena pagi maka Aku kap Jahwe Tuhan Si Meganjangna.’”’”
25 “O anak manusia, sanga Kubuat anak-anak kalak e si dilaki ras si diberu ras bentengna si mejile si erban meriah ukurna, si ergaina, janah si ngena ate kalak e,+ bas wari e
26 datndu pagi laporen arah kalak si selamat.+
27 Bas wari e, ibukandu pagi babahndu janah ngerana kam man kalak si selamat e, lanai pagi kam bisu.+ Kam jadi tanda pagi man kalak e janah teh kalak e pagi maka Aku kap Jahwe.”
Cataten i teruh
^ Ntah “panci si mbelang babahna.”
^ Ntah “Ula temtemi tentenndu.”
^ Ntah “kumisndu.”
^ Ntah “kumis.”
