Esekiel 31:1-18
-
Kehancuren Mesir, batang kayu aras si meganjang (1-18)
31 Bas tahun si pe-11-ken, bulan si peteluken, wari si pertama bas bulan e, ngerana ka Jahwe man bangku, nina,
2 “O anak manusia, kataken man raja Mesir bage pe man pasukenna,+‘Ise kin si bagi kam hebatna?
3 Kam bagi kalak Assur. Kam pe bagi batang kayu aras i Libanon,Si mejile cabang-cabangna, melala bulungna, janah meganjang batangna.
Pucukna seh ku embun-embun.
4 Lau kap si erbanca ia reh galangna, lau si mbages si erbanca ia reh ganjangna.
I sekeliling inganna isuan, lit anak-anak lau.
Maler launa ku kerina batang kayu.
5 E me sebapna ganjangen ia asangken batang kayu si debanna.
Dahan-dahanna reh lalana janah cabang-cabangna reh gedangna,Perban melala lau si maler bas anak-anak lau e.
6 Kerina perik rasar i dahan-dahanna,Kerina binatang liar ranak i teruh cabang-cabangna,Kerina bangsa si mbelin tading i teruhna.
7 Luar biasa kel jilena, cabang-cabangna pe luar biasa kel gedangna,Perban mbages uratna seh ku ingan si melala launa.
8 La lit batang kayu aras bas taman Dibata+ si seri bagi ia.
La lit batang kayu juniper si dahanna bagi ia,La lit batang kayu platanus* si bagi cabang-cabangna.
La lit batang kayu si deban bas taman Dibata si banci naluken jilena.
9 Kuban ia mejile, melala Kuban bulungna,Kerina batang kayu si deban si lit i Eden, eme taman Dibata si benar, rate cian man bana.’
10 “Bagenda nina Jahwe Tuhan Si Meganjangna, ‘Enggo meganjang ia* janah pucukna seh ku embun-embun, perban ganjangna dungna sombong ia.
11 Emaka Kuserahken pagi ia man penguasa si megegeh arah bangsa-bangsa.+ Pasti ihukum penguasa e pagi ia, Kutulak ia perban kejahatenna.
12 Tabah kalak asing pagi ia eme bangsa si seh kel kejamna, jenari tadingkenna ia i pegunungen. Nartaren pagi bulungna bas kerina lembah, janah cabang-cabangna si penggel merapen bas kerina anak-anak lau si lit i negri e.+ Kerina bangsa i doni lawes pagi arah teruhna nari jenari tadingkenna ia.
13 Kerina perik i langit rasar pagi bas batangna si enggo mbulak e janah kerina binatang liar ringan i cabang-cabangna.+
14 Alu bage, lanai pagi lit batang kayu i deher lau si banci turah meganjang ntah pe si pucukna seh ku embun-embun. Lanai pagi lit batang kayu si turah meganjang amin pe melala datna lau. Sebap kerina e arus mate, nusur ku teruh radu ras manusia si nusur ku kuburen.’
15 “Bagenda nina Jahwe Tuhan Si Meganjangna, ‘Bas wari ia nusur ku Kuburen,* Kuban kalak si ngidahsa erceda ate. Emaka Kututup pagi lau si mbages janah Kutahan anak-anak lau, alu bage lau si melala e lanai maler. Gelap pagi Libanon perban ia, melus kerina batang-batang kayu.
16 Kubaba pagi ia nusur ku Kuburen* radu ras kerina kalak si nusur ku kuburen. Nggirgir pagi bangsa-bangsa megi sorana ndabuh. Kerina batang kayu i Eden,+ eme batang kayu si ipilih ras si mejilena si lit i Libanon si ipaleri lau, malem pagi atena bas teruh taneh.
17 Nusur pagi batang-batang kayu e ku Kuburen* radu ras ia,* bage pe si ndukung ia si cilinggem i teruhna i tengah bangsa-bangsa,+ gelah pulung ras kalak si ibunuh alu pedang.’+
18 “‘Lit kin batang kayu i Eden si bagi kam muliana ras hebatna?+ Pasti pagi kam nusur radu ras batang kayu i Eden ku teruh taneh. Ampar pagi kam ras kalak si la isunat, radu ras kalak si ibunuh alu pedang. Bage me pagi si terjadi man raja Mesir radu ras kerina pasukenna,’ nina Jahwe Tuhan Si Meganjangna.”
Cataten i teruh
^ Batang kayu si melala cabangna janah lepasen kulitna.
^ As. “kam.”
^ Maksudna, batang kayu aras i Libanon.
