Esekiel 4:1-17
4 “O anak manusia, buatlah sada batu bata, tama i lebe-lebendu. Ukirlah i je kota Jerusalem.
2 Banlah tempa-tempa ikepungndu kota e.+ I sekeliling kota e, ban tembok pengepungen,+ timbunen-timbunen taneh,+ perkemahen prajuritna, ras alat-alat guna ngeruntuhkenca.+
3 Buatlah belanga besi si rata, banlah e jadi dingding besi antara kam ras kota e. Kenca si e, ban pengala ayondu ku kota e. Bage me carandu ncidahken uga pagi kota e ikepung. Enda jadi tanda man kalak Israel.+
4 “Kenca si e, arus kam tayang, seding kam ku kiri, kam si arus nanggung kesalahen kalak Israel.+ Arus tanggungndu kesalahen kalak Israel sedekah kam tayang e.
5 Enda lakokenndu 390 wari dekahna menurut jumlah tahun kalak e ersalah.+ Arus tanggungndu kesalahen kalak Israel.
6 Enda arus lakokenndu seh ngasa dung.
“Kenca si e tayang ka kam mulihi, seding kam ku kanan. Arus tanggungndu kesalahen kalak Juda+ 40 wari dekahna. Enda enggo Kutetapken man bandu, sada wari guna sada tahun, sada wari guna sada tahun.
7 Pengala ayondu arus ku pengepungen Jerusalem,+ tan bajundu arus gulungndu, jenari arus kam ernubuat kerna kota e.
8 “Kuiket kam alu nali gelah la banci balikkenndu dagingndu arah sada bagin ku bagin si deban, seh asa dung dalanindu wari-wari pengepungen e.
9 “Kenca si e buatlah gandum, barli, kacang babi, miju, cingkeru,* ras gandum spelta.* Tama kerina e bas sada baskom, banlah jadi roti. Arus panndu e sanga tayang kam 390 wari dekahna.+
10 Timbanglah e, panlah roti e kira-kira 230 gram* tiap wari. Arus panndu e bas waktu si itetapken.
11 “Lau si inemndu arus itakar, eme kira-kira setengah liter* tiap wari. Arus inemndu e bas waktu si itetapken.
12 “Panlah e bagi biasana kam man roti barli si kibul, pangganglah e i lebe-lebe kalak e, banlah kotoren manusia si kerah jadi rantingna.”
13 Kenca si e, nina Jahwe, “Bage pagi kalak Israel man roti si najis i tengah bangsa-bangsa ingan kalak e Kumerapken.”+
14 Kenca si e ningku, “Ula min bage, o Jahwe Tuhan Si Meganjangna! Mulai kin aku kitik-kitik nari seh asa gundari, la pernah kupan daging bangke binatang ntah pe daging binatang si icabik-cabik,+ la pernah masuk ku babahku daging si najis.”*+
15 Emaka nina bangku, “Adi bage banci pakendu kotoren lembu ganti kotoren manusia. Arus panggangndu roti e i datas kotoren e.”
16 Kenca si e nina man bangku, “O anak manusia, Kubatasi pangan* si isediaken i Jerusalem.+ Sanga kalak e man roti, kuatir pagi kalak e janah itimbangna.+ Mbiar kel pagi kalak e minem lau si enggo itentuken buena.+
17 Bage pagi kalak e kekurangen roti ras lau. Sitatap-tatapen pagi kalak e janahna kemamangen, dung e mate kalak e perban kesalahenna.
Cataten i teruh
^ Gandum spelta eme salah sada jenis gandum si kurang jilena.
^ Ntah “macik.”
^ As. “Kupenggelken tongkat roti.” Mungkin maksudna tongkat ingan nggantung roti.
