Esekiel 44:1-31
44 Babana aku mulih ngelewati gerbang si arah darat ingan si badia si pengalana ku timur+ janah gerbang e tertutup.+
2 Kenca si e nina Jahwe man bangku, “Gerbang e arus tetap tertutup janah la banci ibuka. Ise pe la banci masuk arah je, perban enggo masuk Jahwe Dibata Israel arah je nari.+ Emaka gerbang e arus tetap tertutup.
3 Adi peminpin, banci kundul i je guna man roti i lebe-lebe Jahwe,+ perban ia peminpin. Arah teras gerbang e kari peminpin e masuk janah ndarat pe arah je ka.”+
4 Kenca si e, babana aku ku lebe-lebe rumah pertoton ngelewati gerbang utara nari. Kuidah dem kemulian Jahwe bas rumah pertoton Jahwe.+ Emaka sujud aku.+
5 Kenca si e nina Jahwe man bangku, “O anak manusia, nenlah, perdiateken, janah begikenlah alu tutus kerina si Kukataken man bandu kerna peraturen-peraturen ras undang-undang rumah pertoton Jahwe. Tuhu-tuhulah perdiateken dalan masuk ku rumah pertoton e, bage pe kerina dalan ndarat arah ingan si badia.+
6 Katakenlah man kalak Israel si pemberontak e, ‘Bagenda nina Jahwe Tuhan Si Meganjangna, “O kalak Israel, pengadilah perbahanen kena si erban ciga ate e.
7 Sanga kalak asing si pusuh ras dagingna la isunat baba kena ku inganKu si badia, najis ban kalak e rumah pertotonKu. Persembahken kena roti, lemak, ras dareh man bangKu, tapi langgar kena perjanjinKu alu kerina perbahanen kena si erban ciga ate.
8 La urus kena barang-barangKu si badia,+ tapi suruh kena kalak si deban si ngelakoken tugas-tugas kena bas inganKu si badia.”’
9 “‘Bagenda nina Jahwe Tuhan Si Meganjangna, “Kalak asing si pusuh ras dagingna la isunat si tading bas Israel, la banci masuk ku inganKu si badia.”’
10 “‘Sanga enggo ndauh kalak Israel nadingken Aku+ guna nembah berhala-berhalana si erban ciga ate,* kalak Lewi pe nadingken Aku. Emaka kalak Lewi pagi si nanggung akibat perbahanen kalak e.
11 Kenca si e, arus kalak e ertugas bas inganKu si badia guna ngawasi gerbang-gerbang rumah pertoton+ janah ertugas bas rumah pertoton. Arus geleh kalak e persembahen tutungen ras korban guna bangsa e, janah arus tedis kalak e i lebe-lebe bangsa e guna ngelayani bangsa e.
12 Perban enggo layani kalak e bangsa e i lebe-lebe berhala si erban ciga ate, janah banna kalak Israel ndabuh ku bas dosa,+ e me sebapna Kuangkat tanKu janah ersumpah Aku maka arus tanggung kalak e akibat kesalahenna,’ nina Jahwe Tuhan Si Meganjangna.
13 ‘Lanai pagi kalak e ertugas jadi imam i lebe-lebeKu, ntah pe ngkuit barang-barangKu si badia ras barang-barangKu si badiana. Arus mela akap kalak e perban enggo lakokenna kai si erban ciga ate.
14 Kusuruh pagi kalak e ngurus rumah pertoton guna ngelakoken tugas-tugas ras kerina si ilakoken i je.’+
15 “‘Sanga reh dauhna kalak Israel arah Aku nari, imam-imam Lewi keturunen Sadok+ si ertugas bas inganKu si badia.+ Deheri kalak e pagi Aku guna ngelayani Aku, janah tedis pagi kalak e i lebe-lebeKu guna mpersembahken lemak+ ras dareh,’+ nina Jahwe Tuhan Si Meganjangna.
16 ‘Kalak e pagi si masuk ku inganKu si badia janah ideheri kalak e mejaKu guna ngelayani Aku.+ Lakoken kalak e pagi tugasna man bangKu.+
17 “‘Sanga masuk kalak e ku gerbang-gerbang halamen si arah bas, arus ipake kalak e uis linen.+ La banci pake kalak e kain wol sanga ertugas i gerbang-gerbang halamen si arah bas ntah pe i ingan-ingan si lit i bas.
18 Arus pake kalak e tutup takal ras celana si gendek arah linen nari.+ La banci pake kalak e kai pe si erban kalak e panasen.
19 Sope lenga kalak e lawes ku halamen si arah darat eme halamen ingan bangsa e, arus buka kalak e lebe uis si pakena sanga ertugas+ janah tamana bas ruangen-ruangen* si badia.+ Jenari arus pake kalak e uis si deban, gelah la ban kalak e bangsa e jadi badia perban uis e.
20 La banci botaki kalak e takalna+ janah la banci pegedangna bukna. Arus rapi potong kalak e bukna.
21 Imam-imam la banci minem anggur sanga masuk ku halamen si arah bas.+
22 La banci empoi kalak e janda ntah pe diberu si enggo cerai.+ Tapi banci empoi kalak e singuda-nguda arah keturunen kalak Israel ntah pe diberu imam si enggo janda.’+
23 “‘Arus ajarken kalak e man umatKu kai bedana si badia ras si biasa, bage pe kai bedana si najis ras si bersih.+
24 Kalak e si arus jadi hakim adi lit kasus pengadilen.+ Kalak e arus ngadili menurut undang-undangKu.+ Arus patuhi kalak e undang-undang ras peraturen-peraturenKu kerna perayan+ janah arus pebadia kalak e SabatKu.
25 La banci deheri kalak e mayat perban e banci erban kalak e jadi najis. Tapi kalak e banci jadi najis adi mayat si deherina e mayat bapakna, mamakna, anakna si dilaki, anakna si diberu, seninana, ntah pe turangna si lenga erjabu.+
26 Kenca imam e ipebadia, arus timaina pitu wari nari gelah banci ia ertugas mulihi.
27 Bas wari ia masuk ku ingan si badia, ku halamen si arah bas guna ertugas bas ingan si badia, arus berekenna persembahen dosa guna dirina,’+ nina Jahwe Tuhan Si Meganjangna.
28 “‘Pasti kalak e ndatken warisen. Aku kap warisen kalak e.+ La banci bereken kena taneh kena man kalak e, sebap Aku kap jang kalak e.
29 Kalak e pagi si manca persembahen pangan,*+ persembahen dosa, ras persembahen kesalahen.+ Kerina si enggo ikhususken guna kai si badia bas Israel, jadi jang kalak e pagi.+
30 Si mejilena arah kerina hasil rani kena si pertama ras kai pe si bereken kena jadi sumbangen, jadi jang imam-imam pagi.+ Arus bereken kena hasil pertama arah biji-bijin* kena man imam-imam.+ Alu bage, Kupasu-pasu rumah tangga kena.+
31 Imam-imam la banci panna perik ntah binatang kai pe si enggo mate sanga idat, ntah pe si mate perban icabik-cabik binatang buas.’+
Cataten i teruh
^ Kata enda bas bahasa Heber banci jadi lit hubungenna ras kata “tai” guna ncidahken perasan ciga ate.
^ Ntah “ruangen-ruangen ingan man.”
