Esekiel 9:1-11
9 Kenca si e lebuhNa aku alu sora si megang, nina, “Lebuhlah kalak si ngukum kota e. Kerina kalak e arus maba senjata guna ngancurken!”
2 Lit kuidah enem dilaki reh arah pintu gerbang si arah datas+ si pengalana ku utara. Kerina kalak e lit senjatana guna ngancurken. Lit ka sada dilaki si make uis linen, bas awakna lit ingan alat tulis* sekertaris. Kenca e, masuk kalak e janah tedis i sebelah ingan nutung* persembahen si iban arah tembaga nari.+
3 Kenca si e, kemulian Dibata Israel+ nangkih arah datas kerubim-kerubim, jenari pindah ku pintu rumah pertoton.+ LebuhNa dilaki si make uis linen e, si bas awakna lit ingan alat tulis sekertaris.
4 Nina Jahwe man bana, “Laweslah ku kota e, ku belang-belang Jerusalem, banlah tanda bas perdempaken kalak si kesusahen ras si rate mesui+ perban kerina si erban ciga ate si enggo ilakoken bas kota e.”+
5 Kubegi ka nina man si debanna, “Laweslah ku kota, ikutkenlah ia, seranglah kalak si lit i je. Ula atendu mekuah, ula sitik pe diatendu kalak e.+
6 Bunuh kerina dilaki si enggo metua, anak perana, singuda-nguda, anak si kitik denga, bage pe pernanden.+ Tapi ula deheri kalak si enggo lit tandana.+ Arus mulaindu arah inganKu si badia nari.”+ Emaka mulai kalak e arah dilaki-dilaki si enggo metua si lit i lebe-lebe rumah pertoton.+
7 Kenca si e nina man kalak e, “Laweslah! Banlah rumah pertoton e najis, demi halamenna alu mayat-mayat.”+ Emaka lawes kalak e, bunuhina kalak si lit bas kota e.
8 Sanga bunuhi kalak e kerina si lit bas kota e, aku nari ngenca tading sisada, emaka sujud aku janah serko aku, ningku, “O Jahwe Tuhan Si Meganjangna! KernepkenNdu nge ateNdu kerina kalak Israel si tading denga, sanga merawa Kam man Jerusalem?”+
9 Emaka nina man bangku, “Kesalahen kalak Israel ras Juda enggo seh kel belinna.+ Negri e dem alu dareh si mambur,+ kota e dem alu kejahaten.+ Sebap ning kalak e, ‘Enggo tadingken Jahwe negri enda, labo idah Jahwe kita.’+
10 Tapi labo pagi mekuah ateKu kalak e, sitik pe labo diateKu kalak e.+ Kuban pagi nanami kalak e akibat perbahanenna.”
11 Kenca si e, kuidah dilaki si make uis linen si bas awakna lit ingan alat tulis e, babana laporen, nina, “Enggo kulakoken bagi si perentahkenNdu man bangku.”
