Esra 10:1-44
10 Sanga ertoto Esra+ janah akuina dosa bangsana janahna ngandung ras sujud i lebe-lebe rumah Dibata si benar, reh enterem kalak Israel, dilaki, diberu, ras anak-anak. Pulung kalak e i sekeliling Esra, janah tangis kel bangsa e.
2 Kenca si e, Sekanya anak Jehiel+ keturunen Elam+ ngerana man Esra, nina, “Lanai kami setia man Dibata kami, perban enggo empoi kami* diberu arah bangsa asing si lit i negri enda.+ Amin gia bage, lit denga arapen man kalak Israel.
3 Gundari mari siban perjanjin ras Dibatata+ guna mpelawes kerina diberu e ras anak-anakna, bagi petunjuk Jahwe bage pe kalak si ngergai* perentah Dibatata.+ Sipatuhilah Undang-Undang Musa.
4 Tediskenlah, tanggung jawapndu kap enda. Dukung kami kam. Panglah kam janah lakokenlah.”
5 Tedis Esra janah suruhna peminpin-peminpin imam, kalak Lewi, bage pe kerina kalak Israel ersumpah guna ngelakoken kai si enggo ikataken e.+ Emaka ersumpah kalak e.
6 Dung e, lawes Esra arah lebe-lebe rumah Dibata si benar ku ruangen* Jehohanan anak Eliasip. Amin pe lawes ia ku je, la ia man ntah pe minem, sebap ceda kel atena perban perbahanen si la setia arah kalak si pernah itaban.+
7 Kenca si e, umumken kalak e ku belang-belang Juda ras Jerusalem gelah kerina kalak si pernah itaban pulung i Jerusalem.
8 Menurut keputusen pejabat-pejabat ras peminpin-peminpin, ise pe si la reh bas waktu telu wari, kerina barang-barangna ibuat* janah ipelawes arah tengah-tengah kalak si pernah itaban.+
9 Emaka bas telu wari, pulung kerina kalak Juda ras kalak Benyamin i Jerusalem eme bas wari si pe-20-ken, bulan si pesiwahken. Kerina kalak kundul i halamen rumah Dibata si benar. Nggirgir kalak e perban seh kel pentingna masalah e janah perban meder kel udan.
10 Kenca si e, tedis Imam Esra janah nina man kalak e, “Kena lanai setia perban enggo empoi kena diberu arah bangsa asing.+ Enggo tambahi kena dosa Israel.
11 Gundari, akuilah dosa-dosa kena man Jahwe Dibata nini bulang kena janah lakoken kai si ngena ateNa. Pisahken diri kena arah bangsa-bangsa negri enda bage pe arah diberu-diberu bangsa asing si enggo empoi kena.”+
12 Megi si e, kerina kalak si pulung e njawap alu sora megang, “Uga nindu, bage lakoken kami!
13 Tapi enterem kalak si pulung i jenda, sangana ka musim perudan. Emaka la mungkin kami tedis i darat, masalah enda pe labo banci dung sada ntah pe dua wari, sebap enggo mbelin kel dosa kami perban pemberontaken kami.
14 Emaka, pediatlah pejabat-pejabat tading i jenda ngurus masalah enda guna kami kerina.+ Pediatlah kerina kalak si enggo ngempoi diberu arah bangsa asing reh ku jenda bas waktu si enggo itentuken radu ras peminpin-peminpin bage pe hakim-hakim tiap kota. Alu bage lanai merawa Dibata man kami perban masalah enda.”
15 Tapi Jonatan anak Asahel bage pe Jahseya anak Tikwa la setuju, janah kalak e idukung Mesullam ras Sabbetai+ arah suku Lewi.
16 Amin gia bage, kalak si pernah itaban ngelakoken kai si enggo isepakati. Bas wari si pertama bulan si pe-10-ken, Imam Esra ras peminpin-peminpin arah keluarga bapak si gelarna enggo idaftarken, pulung guna ncakapken kerna si e.
17 Bas wari si pertama bulan si pertama, dungi kalak e masalah kerna kerina dilaki si enggo ngempoi diberu arah bangsa asing.
18 Kepeken lit piga-piga anak imam-imam ngempoi diberu arah bangsa asing.+ Kalak e eme: Maaseya, Elieser, Jarib, ras Gedalya. Kalak enda keturunen Jesua+ anak Jehosadak bage pe senina-seninana.
19 Tapi erjanji kalak e mpelawes diberu kalak e. Perban dosa kalak e, persembahken kalak e sada biri-biri jantan arah asuh-asuhen kalak e.+
20 Si debanna si ngelakoken dosa e: arah keturunen Immer+ eme Hanani ras Sebadia.
21 Arah keturunen Harim+ eme Maaseya, Elia, Semaya, Jehiel, ras Ussia.
22 Arah keturunen Pashur+ eme Elyoenai, Maaseya, Ismael, Netanel, Josabat, ras Eleasa.
23 Arah keturunen Lewi eme Josabat, Simei, Kelaya (ntah pe Kelita), Petahia, Juda, ras Elieser.
24 Arah penyanyi-penyanyi eme Eliasip. Arah penjaga gerbang eme Salum, Telem, ras Uri.
25 Kalak Israel si deban si ngelakoken dosa e: arah keturunen Paros+ eme Ramia, Isia, Malkia, Miyamin, Eleasar, Malkia, ras Benaya.
26 Arah keturunen Elam+ eme Mattania, Sakaria, Jehiel,+ Abdi, Jeremot, ras Elia.
27 Arah keturunen Sattu+ eme Elyoenai, Eliasip, Mattania, Jeremot, Sabat, ras Asisa.
28 Arah keturunen Bebai+ eme Jehohanan, Hanania, Sabbai, ras Atelai.
29 Arah keturunen Bani eme Mesullam, Malluk, Adaya, Jasup, Seal, ras Jeremot.
30 Arah keturunen Pahat Moap+ eme Adna, Kelal, Benaya, Maaseya, Mattania, Besalel, Binnui, ras Manase.
31 Arah keturunen Harim+ eme Elieser, Issia, Malkia,+ Semaya, Simeon,
32 Benyamin, Malluk, ras Semaria.
33 Arah keturunen Hasum+ eme Mattenai, Mattatta, Sabat, Elipelet, Jeremai, Manase, ras Simei.
34 Arah keturunen Bani eme Maadai, Amram, Uel,
35 Benaya, Bedeya, Keluhi,
36 Wania, Meremot, Eliasip,
37 Mattania, Mattenai, ras Jaasu.
38 Arah keturunen Binnui eme Simei,
39 Selemia, Natan, Adaya,
40 Maknadebai, Sasai, Sarai,
41 Azarel, Selemia, Semaria,
42 Salum, Amaria, ras Jusup.
43 Arah keturunen Nebo eme Jeiel, Mattitia, Sabat, Sebina, Jaddai, Joel, ras Benaya.
44 Kerina kalak e enggo ngempoi diberu arah bangsa asing,+ janah pelawes kalak e diberu e radu ras anak-anak kalak e.+
Cataten i teruh
^ Ntah “enggo baba kami ku rumah kami.”
^ As. “si mbiar man.”
^ Ntah “ruangen ingan man.”
^ Ntah “ipisahken guna ikernepken.”
