Esra 8:1-36
8 Enda me daftar keluarga peminpin-peminpin arah keluarga bapak, si lawes ras aku arah Babilon nari bas masa pemerentahen Raja Artasasta:+
2 arah keturunen Pinehas+ eme Gersom. Arah keturunen Itamar+ eme Daniel. Arah keturunen Daud eme Hattus.
3 Arah keturunen Sekanya ras keturunen Paros eme Sakaria, ras 150 dilaki si idaftarken ras ia.
4 Arah keturunen Pahat Moap+ eme Eliehunai anak Serahia, ras 200 dilaki si debanna.
5 Arah keturunen Sattu+ eme Sekanya anak Jahasiel, ras 300 dilaki si debanna.
6 Arah keturunen Adin+ eme Ebet anak Jonatan, ras 50 dilaki si debanna.
7 Arah keturunen Elam+ eme Jesaia anak Atalia, ras 70 dilaki si debanna.
8 Arah keturunen Sepatia+ eme Sebadia anak Mikael, ras 80 dilaki si debanna.
9 Arah keturunen Joap eme Obaja anak Jehiel, ras 218 dilaki si debanna.
10 Arah keturunen Bani eme Selomit anak Josipia, ras 160 dilaki si debanna.
11 Arah keturunen Bebai+ eme Sakaria anak Bebai, ras 28 dilaki si debanna.
12 Arah keturunen Asgat+ eme Johanan anak Hakkatan, ras 110 dilaki si debanna.
13 Si terakhir mulih eme arah keturunen Adonikam.+ Enda me gelar-gelar kalak e: Elipelet, Jeiel, Semaya, ras 60 dilaki si debanna.
14 Arah keturunen Bigwai+ eme Utai ras Sakkur, bage pe 70 dilaki si debanna.
15 Kupepulung kalak e i deher lau si maler ku Ahawa+ janah telu wari dekahna kami erkemah i je. Tapi sanga kuperdiateken kalak e bage pe imam-imam si lit i je, la lit kuidah sada pe kalak Lewi.
16 Kudilo peminpin-peminpin, eme Elieser, Ariel, Semaya, Elnatan, Jarib, Elnatan, Natan, Sakaria, bage pe Mesullam. Kudilo ka dua guru eme Joyarip ras Elnatan.
17 Kusuruh kalak e njumpai Iddo eme peminpin i Kasipia. Kusuruh kalak e guna mindo man Iddo ras senina-seninana eme kalak si ngelayani i bas rumah pertoton* i Kasipia, gelah ikirimken man kami piga-piga kalak guna ertugas bas rumah Dibata.
18 Perban Dibata kami si mehuli lit ras kami, utus kalak e Serebia+ kalak si bijak arah keturunen Mahli+ kempu Lewi anak Israel, ikut ras anak-anakna si dilaki bage pe senina-seninana. Jumlahna kerina lit 18 kalak.
19 Utus kalak e ka Hasabia ras Jesaia keturunen Merari+ ikut ras senina-seninana bage pe anak-anakna kalak e si dilaki, jumlahna kerina lit 20 kalak.
20 Selain si e, lit ka 220 kalak si ngelayani bas rumah pertoton,* si gelarna lit bas daftar. Mbarenda kalak e tugasken Daud ras pejabat-pejabat guna nampati kalak Lewi.
21 Kenca si e, kuumumken puasa i je i Lau Ahawa guna mpeteruk ukur kami i lebe-lebe Dibata, guna ndarami petunjuk arah Ia nari bas perdalanen kami e, bage pe guna ngelindungi kami, anak-anak kami, ras barang-barang kami.
22 Mela aku mindo prajurit ras pasuken si erkuda man raja guna ngelindungi kami arah musuh-musuh bas perdalanen, sebap enggo kataken kami man raja, “Dibata kami si mehuli lit ras kerina kalak si ndarami Ia,+ tapi cidahkenNa gegehNa bage pe rawaNa man kalak si nadingken Ia.”+
23 Emaka puasa kami janah pindo kami man Dibata kami petunjuk guna perdalanen kami, janah begikenNa pemindon kami.+
24 Kenca si e, kupisahken 12 peminpin imam, eme Serebia, Hasabia,+ ras sepuluh senina kalak e.
25 Dung e, kutimbang pirak ras emas bage pe peralaten e, eme sumbangen guna rumah Dibata kami arah raja, penasehat-penasehatna, pejabat-pejabatna, bage pe kerina kalak Israel si lit i jah. Jenari kubereken man peminpin-peminpin imam e.+
26 Si kutimbang ras kubereken man kalak e eme 22 ton 230 kilo* pirak, 100 peralaten si iban arah pirak si beratna kira-kira 68 kilo,* 3 ton 420 kilo* emas,
27 20 mangkok si kitik si iban arah emas nari si beratna 1.000 darik,* ras 2 peralaten si iban arah tembaga murni si erndilap, si jilena bali bagi emas.
28 Kenca si e ningku man kalak e, “Kena badia bas Jahwe.+ Peralaten-peralaten e pe badia. Pirak ras emas e eme persembahen sukarela man Jahwe Dibata nini bulang kena.
29 Sikaplah jaga barang-barang e, ngasa kena seh bas ruangen-ruangen* i rumah Jahwe. Kenca si e timbang barang-barang e i lebe peminpin-peminpin imam, kalak Lewi, bage pe peminpin-peminpin arah keluarga bapak bas kalak Israel si lit i Jerusalem.”+
30 Emaka aloken imam-imam ras kalak Lewi pirak ras emas bage pe peralaten si enggo itimbang e guna ibaba ku rumah Dibata i Jerusalem.
31 Dungna, berkat kami arah Lau Ahawa+ nari ku Jerusalem bas wari si pe-12-ken bulan si pertama.+ Dibata kami lit ras kami, lindungiNa kami arah musuh-musuh bage pe arah perampok bas perdalanen.
32 Seh kami i Jerusalem+ janah telu wari dekahna kami tading i je.
33 Bas wari si peempatken, timbang kami pirak ras emas bage pe peralaten rumah Dibata kami.+ Kenca si e bereken kami e man Meremot+ anak Imam Uria, janah ras ia lit Eleasar anak Pinehas bage pe kalak Lewi eme Josabat+ anak Jesua ras Noadia anak Binnui.+
34 Kerina barang e ikira ras itimbang, janah icatat asa kai beratna.
35 Kalak tabanen si enggo mulih, mpersembahken persembahen tutungen man Dibata Israel, eme 12 lembu jantan+ guna kerina kalak Israel, 96 biri-biri jantan,+ 77 anak biri-biri jantan, ras 12 kambing jantan+ si jadi persembahen dosa. Kerina e eme persembahen tutungen man Jahwe.+
36 Kenca si e, peseh kami keputusen raja+ man kepala-kepala gubernur* bage pe man gubernur-gubernur daerah sebelah barat Lau Eprat.*+ Dukung kalak e rakyat ras bereken kalak e kai pe si iperluken guna rumah Dibata si benar.+
Cataten i teruh
^ Ntah “kalak Netinim.” As. “kalak si ibereken.”
^ Ntah “kalak Netinim.” As. “kalak si ibereken.”
^ As. “beratna 2 talenta.”
^ As. “100 talenta.”
^ Ntah “ruangen-ruangen ingan man.”
^ Bas bahasa aslina, jabaten enda ertina “pelindung kerajan,” janah enda maksudna gubernur bas propinsi Kerajan Persia.
^ Ntah “daerah Trans-Eprat (Sebrang Lau).”
