Ester 7:1-10
7 Emaka seh raja ras Haman+ ku pesta si ban Ratu Ester.
2 Bas wari si peduaken, sanga anggur ihidangken, ngerana raja man Ester, “Kai kin sura-surandu, Ratu Ester? Pasti nge kubereken. Kai kin atendu si pindondu? Bicara pindondu pe seh ngasa setengah kerajanku enda, pasti kubereken man bandu!”+
3 Ngaloi Ratu Ester, “Adi jadi kin atendu aku, o Raja, adi cocok akapndu, mindo kel aku gelah selamatkenndu min aku,* mekuah min atendu man bangsaku.+
4 Sebap aku ras bangsaku enggo idayaken+ gelah ibunuh janah ikernepken.+ Adi kami idayaken terjeng jadi budak saja, tentu sinik nge aku. Tapi la cocok adi bencana e ipediat terjadi, sebap si e banci ngerugiken kam, Raja.”
5 Emaka sungkun Raja Ahasweros me Ratu Ester, “Ise si pang erbanca bage? I ja ia?”
6 Nina Ester, “Musuh kami, imbang kami, eme Haman si jahat enda.”
Dungna mbiar Haman man raja ras ratu.
7 Merawa kel raja, tedis ia janah tadingkenna pesta e, jenari lawes ia ku taman istana. Sadar Haman maka pasti ia ihukum raja, emaka tedis ia mindo perkuah ate Ratu Ester.
8 Sanga mulih raja ku ingan pesta e arah taman istana nari, idahna dabuhken Haman bana ku ingan kundul Ester. Emaka nina raja, “Perkosam ka atem ratu i lebe-lebeku, bas rumahku?” Kenca bage nina raja, mis tutupi pelayan-pelayan raja ayo Haman.
9 Nina Harbona,+ salah sada pegawai kerajan, “O Raja, enggo ka sikapken Haman sada tiang kira-kira 22 meter* ganjangna. Gantungna atena Mordekai+ i je eme kalak si enggo nelamatken kam.”+ Emaka nina raja, “Gantung Haman i je.”
10 Gantung kalak e Haman bas tiang si enggo sikapken Haman man Mordekai, kenca si e lanai merawa raja.
