Habakuk 1:1-17
1 Enda berita si aloken Nabi Habakuk* arah pengenehenen:*
2 O Jahwe, asa kai nari dekahna aku arus erlebuh mindo penampat? Ndigan nge begikenNdu aku?+
Asa kai nari dekahna aku arus erlebuh mindo penampat? Ndigan nge selamatkenNdu kami arah kejahaten?+
3 Engkai maka pediatNdu kuidah kejahaten?
Engkai maka pediatNdu terjadi penindasen?
Engkai maka kuidah kehancuren ras kekerasen?
Engkai maka i japa pe lit perubaten ras perjengilen?
4 Undang-undang la ergegeh,Keadilen la pernah idalanken.
Kalak benar ikelilingi kalak jahat,E me sebapna keadilen iputarbalikken.+
5 “Nen ras perdiatekenlah bangsa-bangsa!
Tataplah kalak e alu kemamangen janah senggetlah.
Sebap lit si nandangi terjadi bas jaman kena,Tapi labo kena tek amin pe ikataken man kena.+
6 Kuban reh kalak Kaldea,+Eme bangsa si kejam janah menukah merawa.
Siari kalak e ku belang-belang doniGuna ngerampas rumah-rumah si labo jangna.+
7 Ngeri kel kalak e, mbiar kalak man bana.
Ban kalak e undang-undangna sendiri, muliakenna bana.+
8 Pedasen kuda-kuda kalak e asangken macan tutul,Rawan asangken srigala bas berngi wari.+
Kuda-kuda perang kalak e meter maju.
Kuda-kuda kalak e reh arah ingan si ndauh.
Meter kalak e nyerang bagi kuliki si nangkap mangsana.+
9 Kerina bangsa e reh guna ngelakoken kekerasen.+
Pasukenna nyerang bagi angin timur,+Tabanen si pepulungna buena bagi kersik.
10 Tokohi kalak e raja-raja,Tawai kalak e pejabat-pejabat tinggi.+
Tawai kalak e kerina ingan si erbenteng,+Timbun kalak e taneh guna ngerebut ingan-ingan e.
11 Maju kalak e bagi angin janah lewatina negri e.
Tapi ersalah pagi kalak e,+Sebap ban kalak e gegehna jadi dibatana.”*+
12 O Jahwe, la kin mbarenda nari Kam enggo lit?+
O Dibataku, Dibataku Si Badia, Kam la banci mate.*+
O Jahwe, lantikNdu kalak e guna mereken hukumen.
O Gunung Batuku,+ pilihNdu kalak e guna ngukum* kami.+
13 Badiasa mataNdu ngenen kai si jahat.
La Kam tahan ngidah kejahaten.+
Engkai maka pediatNdu saja penghianat,+Janah sinik saja Kam sanga kalak jahat engkernepken kalak si bujuren asangken ia?+
14 Engkai maka pediatNdu manusia iban bali bagi ikan i laut,Bagi binatang laut si la lit peminpinna?
15 Itangkapna* kerina e alu kawil.
Tangkapna kalak e alu jaring,Pepulungna kalak e alu jalana.
E me sebapna maka meriah kel ukurna.+
16 E me sebapna persembahkenna korban man jaringna,Banna korban man jalana.
Sebap e erban melala panganna,Panganna eme pangan pilihen.
17 Tetap nge kimbangkenna jaringna?*
Tetap nge bunuhina bangsa-bangsa alu la rate mekuah?+
Cataten i teruh
^ Mungkin ertina “Dakepen.”
^ Eme kerna kai pe si cidahken Dibata ku bas pikiren sekalak jelma.
^ Ntah banci saja “Sebap akapna gegehna rehna arah dibatana.”
^ Ntah banci saja “kami labo pagi mate.”
^ Ntah “mpersingeti.”
^ Maksudna, kalak Kaldea.
^ Ntah banci saja “Terus nge pakena pedangna?”