Habakuk 2:1-20
2 Tetap aku tedis bas inganku erjaga,+Tetap aku lit i datas tembok kota.
Lalap aku erjaga-jaga gelah kuteh kai si nandangi katakenNa arah aku,Kai si arus kujawap adi aku ipersingeti.
2 Kenca si e nina Jahwe man bangku,
“Tuliskenlah pengenehenen* e, catat e alu jelas bas lembar batu,*+Gelah nukah akap kalak mbacasa alu sora megang.+
3 Terjadi pagi pengenehenen e bas waktu si enggo itetapken,Lanai ndekah seh me waktuna, si e pasti pagi terjadi.
Amin pe melawen,* tetaplah timai!*+
Sebap e pasti terjadi,Labo terlambat!
4 Perdiatekenlah kalak si sombong,La ia jujur.
Tapi kalak si ngelakoken kai si benar, nggeluh pagi perban kesetianna.*+
5 Inemen anggur banci erban kalak ngelakoken perbahanen si motu,E me sebapna kalak sombong la banci berhasil.
Mbelin kel sura-surana bagi Kuburen,*Ia bagi kematen, la pernah puas.
Lalap pepulungna kerina bangsaBage pe kerina kalak guna dirina.+
6 Kerina kalak e pasti pagi nokoh-nokohi ia, isindirna, janah katakenna kuan-kuan kerna ia.+
Nina kalak e pagi,
‘Asa kai nari dekahnaTerus pepulungna kai si labo jangna?
Cilaka ia perban reh buena utangna!
7 Rempet reh kalak si nagih utangndu.
Medak ia, megegeh kam ugurna.
Jarahna pagi kam.+
8 Enggo jarahndu melala bangsa,Bunuhndu enterem jelma,Lakokenndu kekerasen man doni,Kota-kota, bage pe pendudukna,+E me sebapna kalak si nggeluh denga arah bangsa-bangsa njarah kam.+
9 Cilaka kalak si ndarami untung man keluargana* alu curang,Banna asarna bas ingan si meganjang,Gelah ula ia kena cilaka!
10 Rencanandu erban keluargandu mela.
Erdosa kam alu engkernepken melala bangsa.+
11 Serko batu si lit i tembok,Ngaloi kayu si lit i atap.
12 Cilaka kalak si mbangun kota alu munuh,Si majekken kota alu kejahaten!
13 Kerja keras kalak guna kai si dungna keri ipan api, janah bangsa-bangsa ngelatihi bana guna kai si sia-sia.
La kin Jahwe penguasa malekat si erbanca kerina e?+
14 Bagi laut dem alu lau,+Dem pagi doni enda alu pemeteh kerna kemulian Jahwe.
15 Cilaka kalak si merawa ras ngamuk,Janah berena teman-temanna inemen gelah mabuk kalak e,Gelah idahna kalak e tilanjang!
16 Besur pagi kam alu hinan labo kemulian.
Kam pe inemlah, cidahken keadanndu si la isunat.*
Seh pagi gilirenndu minem arah cangkir si lit bas tan kanan Jahwe,+Berubah pagi kemulianndu jadi kai si man kemelanken.
17 Kekerasen si banndu man Libanon engkenai kam pagi,Kehancuren si erban binatang-binatang mbiar, kena pagi ku kam.
Perban enggo bunuhndu enterem kalak,Lakokenndu kekerasen man doni,Kota-kota, bage pe pendudukna.+
18 Tek kalak man patung-patung si ibanna,Si iban arah kayu, batu, ras logam.
Tapi nasehat si bereken patung e palsu.
Berhala-berhala e la banci ngerana,+Emaka kai gunana berhala-berhala e man kalak si erbanca?
19 Cilaka kalak si ngataken man sepenggel kayu, “Medakken!”
Ntah pe man batu si la banci ngerana, “Medakken! Ajari kami!”
Memang berhala e ilapisi alu emas ras pirak,+Tapi labo ia erkesah.+
20 Tapi Jahwe lit bas rumah pertotonNa si badia.+
O sebelang doni, siniklah i lebe-lebeNa!’”+
Cataten i teruh
^ Eme kerna kai pe si cidahken Dibata ku bas pikiren sekalak jelma.
^ Ntah “kayu.”
^ Ntah “tempa-tempa melawen reh.”
^ Ntah “semangatlah nimaisa.”
^ Ntah banci saja “kinitekenna.”
^ Ntah “bangsana.”
^ Ntah banci saja “janah mugut-ugut.”
