Habakuk 3:1-19
3 Pertoton Nabi Habakuk bas lagu ceda ate:*
2 O Jahwe, enggo kubegi kerna Kam.
O Jahwe, luar biasa kel kuakap perbahanenNdu.
Lakoken ka min bage bas jaman kami!*
Tuduhkenlah e bas jaman kami.*
Mbera-mbera ingetNdu kami janah cidahkenNdu perkuah ate sanga kacau situasina.+
3 Dibata reh arah daerah Teman,Dibata Si Badia reh arah Gunung Paran.+ (Sela)*
KemulianNa nutupi langit,+Pujin man baNa ndemi doni.
4 Ersinar Ia bagi cahaya si terang.+
Dua sinar mbincar arah tanNa,I je tersimpan gegehNa.
5 Erdalan wabah penakit arah lebe-lebeNa,+Ngikut-ngikut demam tinggi arah pudiNa.
6 Adi tedis Ia, mugur-ugur doni.+
Nggirgir bangsa-bangsa sanga itatapNa.+
Hancur gunung-gunung si enggo lit mbarenda nari.
Mungkuk bukit-bukit si enggo lit nai-nai nari.+
JangNa kap dalan-dalan si enggo lit mbarenda nari.
7 Kuidah kesusahen bas kemah-kemah Kusan.
Nggirgir kain-kain kemah i negri Midian.+
8 O Jahwe, merawa nge Kam man lau maler?
Gara nge rawaNdu man bana?
Ntah merawa nge Kam man laut+Sanga nangkihiNdu kudaNdu?+
Gereta-geretaNdu maba kemenangen.*+
9 Enggo pedaratNdu panahNdu, enggo ersikap Kam manahkenca.
Senjata* e enggo banci ipake bagi si sumpahkenNdu. (Sela)
BelahNdu doni alu lau maler.
10 Gunung-gunung nggurpas perban suin sanga ngidah Kam.+
Udan meder mambur ku doni.
Lau si mbages ergeruhguh.+
Lau e nangkih meganjang.
11 Matawari ras bulan la miser arah inganna nari.+
PanahNdu kabang bagi cahaya.+
TombakNdu erndilap.
12 SiariNdu doni alu rawaNdu si gara.
PerjakiNdu* bangsa-bangsa alu merawa.
13 Berkat Kam nelamatken umatNdu, nelamatken kalak si lantikNdu.
HancurkenNdu peminpin rumah kalak jahat.
Iruntuhken rumah e mulai atapna seh ku pondasina. (Sela)
14 Alu senjatana sendiri,* tustusNdu takal tentera-tenteranaSanga reh kalak e guna erban kami merap.
Meriah kel akap kalak e erbuni-buni munuh kalak si mesui pergeluhna.
15 BentasiNdu laut alu kudaNdu,BentasiNdu laut si galang gelombangna.
16 Megi si e nggirgir aku.
Megi berita e nggirgir biberku.
Tulan-tulanku pe lemas,+Nggirgir naheku.
Tapi alu tenang kutimai wari kesusahen e,+Sebap e reh ku kalak si nyerang kami.
17 Amin gia batang ara la erbunga,Batang anggur la erbuah,Amin gia batang saitun la lit hasilna,Juma-juma la ngasilken pangan,Amin gia biri-biri ras kambing bene arah kandangna,Lanai lit lembu bas kandang,
18 Tapi aku, meriah ukurku perban Jahwe.
Meriah kel kuakap perban Dibata keselamatenKu.+
19 Jahwe Tuhan Si Meganjangna kap gegehku.+
BanNa pagi naheku bagi nahe rusa,Si erban aku banci erdalan bas ingan-ingan si meganjang.+
Cataten i teruh
^ Ntah “lagu perngandungen.”
^ As. “bas tahun-tahun e.”
^ As. “bas tahun-tahun e.”
^ Ntah “keselamaten.”
^ Ntah banci saja “Panah.”
^ As. “ErikNdu.”
^ As. “Alu tongkatna.”
