Hakim-Hakim 5:1-31
5 Bas wari e, Debora+ ras Barak+ anak Abinoam ngendeken lagu enda:+
2 “Pujilah Jahwe!
Perban sarsarken prajurit-prajurit Israel bukna,+Perban nggit kalak e erperang.
3 O raja-raja, begikenlah! O penguasa-penguasa, perdiatekenlah!
Rende aku man Jahwe.
Kuendeken pujin* man Jahwe+ Dibata Israel.+
4 O Jahwe, sanga lawes Kam arah Seir nari,+Sanga berkat Kam arah daerah Edom nari,Mugur-ugur doni, janah ndabuh udan arah langit nari,Embun-embun pe ngamburken lau.
5 Cair* gunung-gunung i lebe-lebe Jahwe,+Gunung Sinai pe cair i lebe-lebe Jahwe+ Dibata Israel.+
6 Bas jaman Samgar+ anak Anat,Bage pe bas jaman Jael,+ kosong me dalan-dalan.
Terus kalak erdalan arah dalan si deban.
7 Lanai lit penduduk kuta-kuta bas Israel.
Lanai kalak e lit seh asa reh aku, Debora,+Seh asa aku reh jadi nande bas Israel.+
8 Pilih kalak e dibata-dibata si mbaru.+
Kenca si e lit perang i gerbang-gerbang.+
Sada perisai* pe la teridah, sada lembing pe la teridah,I tengah-tengah 40.000 kalak bas Israel.
9 Pusuhku ikut ras komandan-komandan Israel,+Si nggit lawes ras rakyat.+
Pujilah Jahwe!
10 Kena si nangkih kelede si warna coklat muda,Kena si kundul i datas karpet si mejile,Ras kena si erdalan bas pasar galang,Ukurilah enda!
11 Sora kalak si muat lau terbegi bas ingan lau.
I je ceritaken kalak e perbahanen Jahwe si benar,Perbahanen si benar arah penduduk kuta-kuta bas Israel.
Kenca si e nusur umat Jahwe ku gerbang-gerbang.
12 O Debora,+ kekeken, kekekenlah!
Kekeken, kekekenlah, endekenlah ende-enden!+
O Barak,+ tedislah! Babalah kalak si itabanndu, o kam anak Abinoam!
13 Kenca si e, kalak si tading reh ndahi bangsawan-bangsawan.
Umat Jahwe reh ndahi aku ngelawan kalak si erkuasa.
14 Arah Eperaim nari, ndarat kalak si tading i lembah.
Ikutken kalak e kam o Benyamin, i tengah-tengah bangsandu.
Komandan-komandan nusur arah Mahir nari,+Kalak si mpepulung prajurit* reh arah Sebulon nari.
15 Pejabat-pejabat Isakar ikut ras Debora,Bagi Isakar ikut ras Debora, Barak+ pe ikut ras ia.
Isuruh ia erdalan ku lembah.+
Kelompok-kelompok bas suku Ruben la tetap ukurna.
16 Engkai maka kam kundul i antara dua kantong pelana,Engkai maka begikenndu suling si imainken man asuh-asuhen?+
Kelompok-kelompok bas suku Ruben la tetap ukurna.
17 Gileat tetap i sebrang Lau Jordan.+
Engkai Dan tetap i kapal-kapal?+
Aser kundul saja i tepi laut,Janah tetap ia tading i pelabuhenna.+
18 Sebulon ipertaruhkenna kesahna janah menam ia mate.
Naptali pe bage+ i bukit-bukit.+
19 Raja-raja reh janah erperang.
Raja-raja Kanaan erperang+I Taanak, i deher Lau Megido.+
La lit barang jarahen ntah pe pirak ibuat kalak e.+
20 Arah langit nari bintang-bintang erperang.
Arah langit* nari iserangna Sisera.
21 Mombak kalak e iban Lau Kison,+Lau Kison si lit mbarenda nari.
Kuperjaki kalak si megegeh.
22 Iperjak-perjakken kuda nahenaJanah meter kuda-kuda jantanna kiam.+
23 Nina malekat Jahwe, ‘Sumpahilah Meros,Sumpahilah pendudukna,Sebap kalak e la reh nampati Jahwe,Guna nampati Jahwe radu ras kalak si megegeh.’
24 Ipasu-pasu me Jael+Diberu Heber+ kalak Keni.
Ipasu-pasu me ia lebihen asangken kerina diberu si tading i kemah-kemah.
25 Pindo Sisera lau, berena susu.
Bas mangkok si mejile berena susu kental.+
26 Alu tanna buatna pantuk-pantuk kemah,Alu tan kananna buatna martel.
Pekpekna Sisera alu martelna, hancurkenna takalna,Pekpekna ras bocorkenna takalna.*+
27 Ndabuh ia ku nahe Jael. Ndabuh ia janah lanai kemuit.
Ku nahe Jael ndabuh ia janah ampar.
Bas inganna ndabuh, i je ia mate ampar.
28 Inen sekalak diberu arah jendela nari,Itungkir mamak Sisera arah jerjak nari,‘Engkai maka gereta perangna lalap la reh-reh?
Engkai maka sora nahe kudana lalap lenga terbegi?’+
29 Bangsawanna si diberu si pentarna njawap ia,Janah mulih-ulih mamak Sisera ngerana man dirina, nina,
30 ‘Pasti kalak e sangana erbagi hasil jarahen,Sada diberu ntah dua diberu man tiap prajurit,Kain si iwarnai man Sisera, payo, kain si iwarnai man bana,Sada baju si isulam, kain si iwarnai, dua baju si isulamMan kerahung kalak si njarah.’
31 Emaka o Jahwe, mbera-mbera kernep musuh-musuhNdu,+Mbera-mbera kalak si engkelengi Kam ersinar bagi matawari.”
Dung e dame negri e 40 tahun dekahna.+
Cataten i teruh
^ Ntah “Kumainken musik.”
^ Ntah banci saja “Mugur-ugur.”
^ Ntah “ampang-ampang.”
^ Ntah banci saja “Kalak si ngurus perlengkapen penulis.”
^ Ntah “orbitna.”
^ Ntah “bocorkenna i antara mata ras cupingna.”
