Heber 1:1-14
1 Mbarenda, ngerana Dibata man nini bulangta arah nabi-nabi bas erbage-bage kesempaten bage pe alu erbage-bage cara.+
2 Tapi bas jaman gundari, ngerana Ia man banta arah AnakNa,+ si jadi ahli waris bas kerinana+ janah gunakenNa ia bas njadiken doni.*+
3 Anak e ncidahken kemulian Dibata+ janah ia tuhu-tuhu gambar Dibata.+ Jagana kerina alu kata Dibata si dem kuasa. Kenca pebadiana kita bas dosa nari,+ kundul ia i sebelah kanan Dibata Si Madakuasa i surga.+
4 Ndauh ia ganjangen asangken malekat-malekat,+ perban warisina gelar si mulian asangken gelar malekat-malekat e.+
5 Contohna, man malekat-malekat si apai kin pernah kataken Dibata bagenda, “Kam kap anakKu, gundari Aku jadi Bapakndu”?+ Nina ka, “Aku pagi jadi Bapakna, janah ia jadi anakKu”?+
6 Tapi sanga suruh Dibata ka AnakNa Sintua+ e ku doni, nina Dibata, “O kerina malekat Dibata, sujudlah man bana.”
7 Nina ka kerna malekat-malekat, “BanNa malekat-malekatNa jadi mahluk roh si megegeh janah pelayan-pelayanNa+ bagi api si gurlah.”+
8 Tapi kerna AnakNa, nina, “Dibata kap tahtandu+ seh rasa lalap janah tongkat Kerajanndu eme tongkat keadilen.*
9 Ngena atendu kai si benar janah nembeh atendu pelanggaren. E me sebapna lantik Dibatandu kam+ alu minak janah banNa keriahen ukurndu belinen asangken keriahen ukur raja-raja si deban.”+
10 Lit ka tertulis, “O Tuhan,* tangtangna nari enggo banNdu pondasi doni janah alu tanNdu banNdu langit.
11 Kernep pagi kerina e, tapi Kam tetap lit. Bagi uis, kerina e jadi male,
12 kerina lipatNdu bagi jubah, bagi paken, janah kerina e iganti. Tapi Kam tetap seri janah Kam nggeluh rasa lalap.”+
13 Tapi labo pernah katakenNa man malekat si apai pe, “Kundullah i sebelah kananKu seh ngasa Kutamaken musuh-musuhndu i teruh nahendu.”+
14 La kin kerina malekat e mahluk roh si ngelakoken pelayanen si badia,+ si isuruh guna ngelayani kalak si ndatken warisen keselamaten?
