Heber 2:1-18
2 E me sebapna perlu kita reh tutusna asangken biasana bas mperdiateken kai si enggo sibegi+ gelah ula kita mombak.+
2 Adi kata si ipeseh arah malekat-malekat e+ terbukti banci iteki, janah tiap kalak si erban pelanggaren ntah pe si la patuh patut ndatken hukumen si adil,+
3 uga kita banci bebas adi la siperdiateken keselamaten si mbelin e?+ Kata e tangtangna ipeseh arah Tuanta+ janah kalak si megiken ia mbuktikenca man banta.
4 Selain si e, bereken Dibata kesaksin alu nggunaken mukjizat, tanda-tanda si luar biasa, ras erbage-bage perbahanen si luar biasa.+ BerekenNa kesaksin alu mbagi-mbagiken kesah si badia man budak-budakNa sesuai ras peratenNa.+
5 La bereken Dibata man malekat-malekat kuasa guna merentah doni si nandangi reh e,+ e kap doni si sangana sicakapken gundari.
6 Tapi, pernah kataken sekalak saksi, “Kai kin manusia e maka ingetNdu ia? Kai kin anak manusia e maka ermediate Kam man bana?+
7 BanNdu ia teruhen sitik asangken malekat-malekat. MahkotaiNdu ia alu kemulian ras kehamaten, janah banNdu ia erkuasa nandangi kai si iciptaken tanNdu.
8 Kerina banNdu patuh i teruh nahe Kristus.”+ Alu erban kerinana patuh man bana,+ la lit si pediat Dibata si la patuh man bana.+ Gundari, memang lenga siidah kerina patuh man bana.+
9 Tapi siidah Jesus si iban teruhen sitik asangken malekat,+ gundari imahkotai alu kemulian ras kehamaten perban enggo nanamina kiniseran seh asa mate.+ Perban kiniulin Dibata si luar biasa, nanamina kematen guna kerina kalak.+
10 Kerina lit arah Dibata janah guna Dibata. Emaka patut kap Dibata erban Kalak si Ipilih guna mere kegeluhen jadi sempurna alu kiniseran.+ Alu bage, banci enterem anak-anakNa imuliaken+ ras iselamatken arah Kalak si Ipilih+ guna mere kegeluhen.
11 Si mpebadiaken bage pe si ipebadiaken+ rehna arah sada Bapak nari,+ emaka la ia mela ngakui kalak e seninana,+
12 nina, “Kupebetehken gelarNdu man senina-seninaku. Rende aku muji Kam i tengah-tengah perpulungen.”+
13 Nina ka, “Man baNa kap aku tek.”+ Selain si e nina, “Enda aku ras anak-anak si kitik si bereken Jahwe* man bangku.”+
14 Emaka, ia jadi manusia perban “anak-anak si kitik” e manusia,*+ gelah arah kematenna banci kernepkenna Iblis+ si banci erban manusia mate.+
15 Selain si e, banci bebaskenna kerina kalak si segedang geluhna iperbudak perban mbiar man kematen.+
16 Si sampatina labo malekat-malekat tapi keturunen Abraham.+
17 E me sebapna maka bas kai pe arus ia bagi “senina-seninana,”+ gelah banci ia jadi imam si mbelin si dem alu perkuah ate ras setia bas ngelayani Dibata. Alu bage banci persembahkenna korban pendamen+ guna dosa manusia.+
18 Perban ia pernah dat kiniseran sanga iuji,+ emaka banci sampatina kalak si sangana iuji.+
