Hosea 10:1-15
10 “Israel bagi batang anggur si reh dekahna reh kurangna jilena,* janah erbuah denga.+
Reh lalana buahna, reh lalana ka ingan-ingan nutung* persembahenna.+
Reh jilena hasil tanehna, reh lalana ka tugu-tugu si badiana.+
2 Pusuh kalak e munapik.*
Terdat pagi kesalahen kalak e.
Lit pagi kalak si ngancurken ingan-ingan nutung persembahenna ras tugu-tuguna.
3 Gundari kataken kalak e me, ‘La lit rajata,+ sebap la kita mbiar man Jahwe.
Adi lit pe rajata, la lit gunana man banta.’
4 Belasken kalak e kata-kata si la erguna, ban kalak e sumpah palsu+ ras perjanjin.
Emaka penghakimen si la adil njoler bagi sinuan-sinuan si lit racunna i juma.+
5 Kuatir penduduk Samaria man patung anak lembu si lit i Bet-Awen.+
Perban si e erceda ate kalak si nembahsa,Bage pe imam-imam dibata asingna si mbarenda bangga man berhala e ras kemulianna,Sebap ibaba pagi berhala e ku negri si deban.
6 Ibaba pagi berhala e ku Assur jadi hadiah man raja si mbelin.+
Ipemela-melaken pagi Eperaim,Mela pagi akap Israel perban nasehat si ikutkenna arah berhala e.+
7 Masap pagi Samaria ras rajana,+Bagi ranting si penggel si bombang i datas lau.
8 Masap pagi+ ingan-ingan ersembah* i Bet-Awen+ si erban Israel erdosa.+
Turah pagi sinuan-sinuan ras peren si erduri i datas ingan nutung persembahen kalak e.+
Nina kalak pagi man gunung-gunung, ‘Tamburi min kami!
Janah man bukit-bukit, ‘Dabuhi min kami!’+
9 O Israel, kam enggo erdosa mulai kin jaman Gibea nari.+
Kam jahat janah lalap kam bage.
Peperangen i Gibea la ngkeriken kam.
10 Kuhukum* pagi kalak e ndigan pe ateKu.
Ersada pagi bangsa-bangsa si deban ngelawan kalak e,Tanggung kalak e pagi dua kesalahen kalak e.*
11 Mbarenda, Eperaim bagi lembu beruna si nguda denga si terlatih janah meriah kapna ngerik.
Emaka la Kutamaken pasangen* ku kudukna si mejile.
Gundari Kusuruh me kalak ngersak* Eperaim.+
Mbajak pagi Juda, igemburken Jakup pagi taneh.
12 Amburkenlah benih kiniulin, peranilah kekelengen si setia.
Bajaklah taneh si cocok isuani+Sanga lit denga waktu ndarami Jahwe,+Ngasa reh pagi Ia ngajari kam kerna kai si benar.+
13 Tapi suanndu kai si jahat,Emaka peranindu kai si la adil,+Enggo panndu hasil arah kam nipu,Sebap tek kam man bandu,Bage pe man tenterandu si melala.
14 Lit pagi sora perang ngelawan bangsandu,Ihancurken pagi kota-kotandu si erbenteng,+Bagi sanga Salman ngancurken Bet-Arbel,*Bas wari peperangen sanga mamak ras anak-anakna ipekpeki ngasa mate.
15 O Betel, bagem pagi si terjadi man bandu+ perban jahat kel kam.
Bas pagi-pagi si lampas, pasti imasapken pagi raja Israel.”+
Cataten i teruh
^ Ntah banci saja “si njoler.”
^ Ntah “licik.”
^ As. “ingan-ingan si meganjang.”
^ Ntah “Kudisiplin.”
^ Maksudna, hukumen kalak e bagi pasangen si itama ku kuduk kalak e.
^ Ntah “namaken pasangen ku kuduk.”
^ Pasangen eme alat si biasa itama ku kuduk manusia ntah pe binatang guna maba baban.
^ Ntah “rumah Arbel.”
