Hosea 12:1-14
12 “Pan Eperaim angin.
Gedang-gedang wari ayakina angin timur.
Reh rusurna ia erbual ras ngelakoken kai si jahat.
Banna perjanjin ras Assur+ janah babana minak ku Mesir.+
2 Lit perkara Jahwe ras Juda.+
HukumNa pagi Jakup menurut lagu langkahna,BalasNa pagi ia menurut perbahanenna.+
3 Sanga bas rahim, jemakna tumit abangna,+Ergulat* ia asa gegehna ras Dibata.+
4 Terus ia ergulat ras malekat janah menang.
Ngandung ia janah mindo kel ia gelah ipasu-pasu.”+
Jumpai Dibata ia i Betel, janah ngerana Dibata i je kerna kita.+
5 Jahwe eme Dibata penguasa malekat,+Jahwe me gelarNa, alu gelarNa e me Ia arus iinget kerina kalak.+
6 “Emaka mulihkenlah ku Dibatandu,+Teruslah cidahken kekelengen si setia ras keadilen,+Teruslah erpengarapen man Dibatandu.
7 Tapi bas tan perbinaga lit timbangen si curang.
Meriah kapna nipu.+
8 Terus kataken Eperaim, ‘Aku enggo bayak,+Enggo melala kudat erta.+
Bas kerina pendahinku, la banci tuduh kalak e aku ersalah ntah pe erdosa.’
9 Tapi Aku kap Jahwe Dibatandu mulai kin bas Mesir nari.+
Kuban ka pagi kam mulihi tading bas kemah-kemah,Bagi wari-wari perayan si enggo itetapken.
10 Ngerana Aku man nabi-nabi,+Reh buena Kubere pengenehenen* man kalak e,Kuceritaken perumpaman-perumpaman arah nabi-nabi.
11 Bas Gileat, nipu*+ kalak janah la jujur.
Bas Gilgal, persembahken kalak e lembu-lembu jantan.+
Ingan-ingan nutung* persembahen kalak e bagi batu si ergun-gun i juma.+
12 Kiam Jakup ku daerah* Aram.*+
Erdahin Jakup+ i je guna ndatken ndehara,+Guna ndatken ndeharana, permakanina biri-biri.+
13 Arah sekalak nabi, baba Jahwe me Israel arah Mesir,+Arah sekalak nabi, jagaNa Israel.+
14 Enggo merawa Dibata iban Eperaim.+
Tetap ia ersalah perban enggo amburkenna dareh.
Pasti balas Tuhanna ia perban enggo banna Ia ihina.”+
Cataten i teruh
^ Ntah “Erbebe.”
^ Eme kerna kai pe si cidahken Dibata ku bas pikiren sekalak jelma.
^ Ntah “ngelakoken ilmu sihir.”
^ Ntah “Siria.”
^ As. “taneh.”
