Hosea 14:1-9
14 “O Israel, enggo ndabuh kam perban kesalahenndu.+
Emaka mulihkenlah ku Jahwe Dibatandu.
2 Mulihlah ku Jahwe, janah kataken man baNa,‘AmpuniNdu min salah kami,+ aloken min kai si mehuli arah kami.
Persembahken kami pujin alu biber+ kami bagi mpersembahken lembu jantan si nguda denga.
3 Labo pagi kami selamatken Assur.+
Labo pagi nangkihi kami kuda-kuda,+Lanai pagi kataken kami man hasil tan kami, “O Dibata kami!”
Sebap Kam kap si ncidahken perkuah ate man anak si la erbapa.’+
4 Kupepalem pagi perbahanen kalak e si la setia.+
Kukelengi pagi kalak e arah ukurKu nari,+Perban lanai Aku merawa man kalak e.+
5 Bali pagi Aku bagi namur erpagi-pagi man Israel.
Erbunga pagi kalak e bagi bunga lili,Mbages kel pagi urat kalak e bagi batang kayu Libanon.
6 Reh buena pagi cabang-cabang kalak e.
Jilena bagi batang kayu saitun,Rimna bagi batang kayu Libanon.
7 Tading pagi kalak e bas lindungenKu.
Suan kalak e pagi biji-bijin* janah erbunga pagi kalak e bagi batang anggur.+
Terkenal* pagi Aku bagi anggur Libanon.
8 Bage nina Eperaim pagi, ‘Kai nari kin urusenku ras berhala-berhala?’+
Kujawap ras Kuperdiateken pagi ia.+
Bali pagi Aku bagi batang kayu juniper si melala bulungna.
Aku kap pagi si mereken buah man bandu.”
9 Mbera-mbera angkai kalak si pentar kerina enda.
Mbera-mbera teh kalak si bijak kerina enda.
Sebap pinter kap dalan-dalan Jahwe,+Janah kalak si benar erdalan i je,Tapi kalak si erdosa ndabuh pagi i je.
