Hosea 3:1-5
3 Kenca si e nina Jahwe man bangku, “Kelengi ka mulihi diberundu si erlua-lua e si ngena ate dilaki si deban,+ bagi Jahwe engkelengi Israel+ si nembah dibata-dibata si deban+ janah meriah kapna mpersembahken kue kismis* man dibata-dibata e.”
2 Emaka kutukur ia, ergana 15 logam pirak ras sada setengah homer* barli.
3 Kenca si e ningku man bana, “Bas waktu si ndekah jadi jangku pagi kam. La kam banci jadi pelacur.* La kam banci erhubungen seks ras dilaki si deban, aku pe la erhubungen seks ras kam.”
4 Enda terjadi perban ndekah pagi kalak Israel nggeluh alu la lit rajana,+ la lit peminpinna, la lit korbanna, la lit tugu si badiana, la lit epodna,*+ janah la lit patung-patung berhalana.*+
5 Kenca si e, bas pendungi masa e, mulih pagi kalak Israel janah daramina Jahwe Dibata kalak e+ bage pe Daud rajana.+ Nggirgir pagi kalak e reh ku Jahwe guna ndatken kiniulinNa.+
Cataten i teruh
^ Kue enda igunaken sanga nembah dibata-dibata palsu.
^ Ntah “La kam banci ngelakoken perbahanen seks si salah.”
^ Ntah “dewa keluargana.” As. “terapimna.”
