Hosea 4:1-19
4 O kalak Israel, begikenlah kata Jahwe,Sebap lit perkara Jahwe ras penduduk negri e,+Perban la lit pemeteh kerna Dibata bas negri e, la lit kebenaren, ntah pe kekelengen si setia.+
2 Sumpah palsu, bual,+ pembunuhen,+Bage pe nangko ras erlua-lua+ lit i japa pe,Janah lalap lit kalak si ngamburken dareh kalak si deban.+
3 E me sebapna negri e erceda ate,+Janah keri pagi kerina penduduk negri e.
Binatang-binatang liar, perik-perik i langit,Ikan-ikan bas laut pe mate.
4 “Tapi ula lit sada pe si ngelawan kena ntah pe si mandangi kena,+Sebap kena bali bagi kalak si ngelawan imam.+
5 Emaka jongkang pagi kena bas ciger wari,Nabi-nabi pe jongkang ras kena, tempa-tempa wari enggo berngi.
Kumasapken pagi mamak kena.
6 Masap pagi umatKu, sebap la tandai kalak e Aku.
Perban la kena nggit nandai Aku,+Aku pe pagi la nggit adi kena jadi imam guna ngelayani Aku.
Perban lupaken kena undang-undang* Dibata kena,+Aku pe Kulupaken pagi anak-anak kena.
7 Reh teremna imam-imam, reh buena ka dosa kalak e man bangKu.+
Kuganti pagi kemulian kalak e jadi kai si man kemelanken.*
8 Adi erdosa umatKu, man daging* kalak e,Ate kalak e terus min umatKu erdosa.
9 Seri pagi perbahanenKu man imam bage pe man rakyat,Kuhukum pagi kalak e perban perbahanenna.
Kuban pagi nanami kalak e akibat perbahanenna.+
10 Man pagi kalak e, tapi la kalak e besur.+
Lakoken kalak e perbahanen seks si salah, tapi la lit anak kalak e,+Sebap la ergai kalak e Jahwe.
11 Pelacuren,* anggur si ndekah, ras anggur si mbaruEnggo meneken semangat guna ngelakoken kai si benar.*+
12 UmatKu nungkun man berhala-berhala kayu,Ikutken kalak e petunjuk sada tongkat kayu.*
Perban semangatna kalak e jadi pelacur,* piah enggo nilah kalak e.
Pelacuren kalak e* erban kalak e la nggit patuh man Dibatana.
13 Bas puncak gunung-gunung, persembahken kalak e korban,+Bas datas bukit-bukit, tutung kalak e korban,Bage pe i teruh batang kayu ek, batang storaks,* ras kerina batang kayu si galang,+Perban entabeh i teruhna.
E me sebapna anak-anakndu si diberu jadi pelacur*Janah permenndu erlua-lua.
14 Labo Kuhukum anak-anakndu si diberu perban jadi pelacur,*Janah labo Kuhukum permenndu perban erlua-lua.
Sebap dilaki-dilaki lawes ras pelacur-pelacur,Janah ras pelacur-pelacur e persembahkenna korban bas ingan ersembah.
Masap pagi kalak si bage, si la lit pengertinna.+
15 O Israel, amin gia kena jadi pelacur,*+Ula min Juda pe ngelakoken dosa si bage.+
Ula reh ku Gilgal+ ntah pe ku Bet-Awen,+Janah ula ersumpah i lebe-lebe Jahwe si nggeluh.+
16 Keras kepala kel kalak Israel, bali bagi lembu si la terajar.+
Labo pagi permakani Jahwe kalak e bagi anak biri-biri bas mbalmbal.
17 Eperaim enggo teriket ras berhala-berhala.+
Pediat saja ia!
18 Adi bir* kalak e enggo keri,Lakoken kalak e perbahanen seks si salah.*
Ngena kel ate penguasa-penguasana* kai si man kemelanken.+
19 Bene pagi ia ikabangken angin,Mela pagi akapna perban korban-korban si ipersembahkenna.”
Cataten i teruh
^ Ntah “petunjuk.”
^ Ntah banci saja “Enggo iganti kalak e kemulianKu jadi kai si man kemelanken.”
^ Maksudna, daging si ipersembahken gelah iampuni.
^ As. “Enggo meneken ukur.”
^ Ntah “Ngelakoken perbahanen seks si salah.”
^ Ntah “ngeramal.”
^ Ntah “kalak e ngelakoken perbahanen seks si salah.”
^ Ntah “Perbahanen seks si salah si lakoken kalak e.”
^ Batang kayu si ngasilken bunga-bunga si mbentar janah merim.
^ Ntah “anak-anakndu si diberu ngelakoken perbahanen seks si salah.”
^ Ntah “perban ngelakoken perbahanen seks si salah.”
^ Ntah “kena ngelakoken perbahanen seks si salah.”
^ Ntah “bir gandum.”
^ Ntah “Jadi pelacur kalak e.”
^ As. “perisai-perisaina.”
