Hosea 5:1-15
-
Penghukumen man Eperaim ras Juda (1-15)
5 “O imam-imam, begikenlah,+O kalak Israel, perdiatekenlah,O keluarga raja, begikenlah,Sebap ihakimi pagi kena.
Perban kena bagi jerat i Mispa,Bagi jaring si ipasang i Tabor.+
2 Enggo melala kel kalak ibunuhi pemberontak-pemberontak,Enggo Kupersingeti kerina kalak e.
3 Kutandai Eperaim,Israel la banci cebuni arah Aku nari.
O Eperaim, gundari enggo lakokenndu perbahanen seks si salah.*
Enggo ban Israel dirina najis.+
4 Perbahanen kalak e erban kalak e la banci mulih ku Dibatana,Perban semangat kel kalak e jadi pelacur,*+La akui kalak e Aku, Jahwe Dibata kalak e.
5 Kesombongen Israel enggo jadi bukti kesalahen kalak e.+
Kesalahen Israel ras Eperaim erban kalak e ndabuh,Juda pe ikut ndabuh ras kalak e.+
6 Lawes kalak e ndarami Jahwe janahna maba lembu ras biri-biri,Tapi la dat kalak e Ia.
Ia enggo ndauh arah kalak e.+
7 Enggo hianati kalak e Jahwe,+Sebap anak-anak kalak e anak-anak haram.*
Ikernepken pagi kalak e bas sada bulan* radu ras taneh warisen kalak e.
8 Embuslah trompet tanduk+ i Gibea ras embuslah trompet i Rama!+
Surakkenlah surak-surak perang i Bet-Awen!+ Kami lit i pudindu, o Benyamin!
9 O Eperaim, ngeri kel pagi keadanndu bas wari penghukumen.+
Enggo Kukataken kai pagi si pasti terjadi man suku-suku Israel.
10 Peminpin-peminpin Juda bagi kalak si mindahken batas taneh.+
Kuamburken pagi rawaKu bagi lau.
11 Eperaim itindas, memang cocok ia ihancurken,Perban usahakenna ngikutken musuhna.+
12 Kupan pagi Eperaim bagi serangga* mangani kayu,Macik pagi Kuban Juda bagi kayu si macik.
13 Sanga teh Eperaim sakitna, janah idah Juda ugahna,Lawes Eperaim ndahi Assur+ janah ikirimna pesan man raja si mbelin.
Tapi la ia ngasup erban kena malem,La tertambarina ugah kena.
14 Man Eperaim, Aku bagi singa si nguda denga,Man Juda, aku bagi singa si megegeh.
Aku si ncabik-cabik kalak e, kenca si e lawes Aku.+
Kubaba pagi kalak e lawes, la pagi lit si nelamatken kalak e.+
15 Lawes pagi Aku janah mulihken ku inganKu seh ngasa gejapken kalak e akibat kesalahenna,Kenca si e darami kalak e perkuah ateKu.*+
Sanga mesui kel akap kalak e, darami kalak e Aku.”+
Cataten i teruh
^ Ntah “enggo banndu dirindu jadi pelacur.”
^ Ntah “kalak e ngelakoken perbahanen seks si salah.”
^ Mungkin anak-anak arah diberu kalak e si labo kalak Israel.
^ Ntah banci saja “La seh sada bulan nari, ikernepken kalak e.”
^ Ntah “nget-nget.”
^ As. “ayoKu.”
