Hosea 6:1-11
6 “Mulihlah kita ku Jahwe,Sebap enggo cabik-cabikNa kita,+ tapi pasti kita pepalemNa.
PekpekNa kita, tapi pasti balutiNa luka-lukata.
2 Kenca dua wari, pegegehiNa kita mulihi.
Bas wari si peteluken, pekekeNa kita,Pasti kita nggeluh i lebe-lebeNa.
3 Sitandai pagi Jahwe, tutu-tuhu siusahaken nandai Ia.
Pasti reh Ia ku kita bagi matawari si pasti terbit bas erpagi-pagi.
Pasti reh Ia ku kita bagi udan,Bagi udan bas musim semi* si ngelitapi taneh.”
4 “Kai si arus Kulakoken man bandu, Eperaim?
Kai si arus Kulakoken man bandu, Juda?
Sebap kekelengen kena si setia bagi embun erpagi-pagi,Bagi namur si mis bene.
5 E me sebapna Kupekpek pagi kalak e alu berita penghukumen arah nabi-nabi.+
Kubunuh pagi kalak e alu kata-kataKu.+
Penghukumen man kena jelas pagi teridah bagi sinar matawari.+
6 Si ngena ateKu eme kekelengen si setia,* labo korban,Ngenan ateKu tandai kena Dibata asangken bere kena persembahen tutungen.+
7 Bagi manusia si erdosa, enggo langgar kalak e perjanjin.+
Hianati kalak e Aku i negri kalak e.
8 Gileat eme kota kalak jahat,+Kota e dem alu dareh si mambur.+
9 Imam-imam bali bagi gerombolen perampok si gempang janah enggo ersikap nyerang kalak.
Kalak e munuh bas dalan ku Sikem,+Sebap perbahanen kalak e jahat.
10 Enggo Kuidah kai si ngeri bas Israel.
I je Eperaim enggo jadi pelacur.+
Enggo iban Israel dirina najis.+
11 Tapi, enggo Kutetapken musim rani man bandu, Juda.
Kupepulung pagi mulihi umatKu si itaban.”+
Cataten i teruh
^ Ntah “eme perkuah ate.”