Hosea 7:1-16
7 “Tiap Kupepalem ateKu Israel,Teridah ka kesalahen Eperaim,+Bage pe kejahaten Samaria.+
Meriah akap kalak e nipu.+
Bongkar kalak e rumah kalak, nangko ia, ngerampok ka kalak e i darat.+
2 Tapi la pernah ukurina maka Kuinget kerina perbahanenna si jahat.+
Gundari enggo terjerat kalak e perban perbahanenna.
La lit perbahanenna si terbuni arah Aku nari.
3 Meriah ukur raja ban kalak e alu perbahanen si jahat,Janah meriah ukur peminpin-peminpin ban kalak e alu nipu.
4 Kerina kalak e perlua-lua,Kalak e bagi api oven tukang roti,Lanai perlu pegalang tukang roti apina sanga ia ngaduk tepung seh ngasa tepung e kembang.
5 Bas wari raja erpesta, sakit peminpin-peminpin,Merawa kalak e kenca minem anggur.+
Erteman raja ras kalak si meriah kapna nokohi.
6 Melas pusuh kalak e bagi oven.
Gedang-gedang berngi medem tukang roti e,Sanga erpagi-pagi lit api si seh kel garana bas oven.
7 Kerina kalak e melas bagi oven,Penguasa-penguasa* kalak e keri pan kalak e.
Kerina raja-raja kalak e enggo ndabuh.+
La lit sekalak pe si erlebuh man bangKu mindo penampat.+
8 Eperaim ergaul ras bangsa si deban janah ikutina perbahanen kalak e.+
Eperaim bagi kue si kibul si ipediat la ibalikken sanga ipanggang.
9 Gegehna enggo keri ban kalak si la itandai,+ tapi la tehna.
Bukna enggo mbentar, tapi la tehna.
10 Kesombongen Israel enggo jadi bukti kesalahen kalak e.+
Amin gia bage, la kalak e mulihken ku Jahwe Dibata kalak e,+Janah la darami kalak e Ia.
11 Eperaim bagi merpati si motu, la angkana kai pe.*+
Pindo kalak e penampat man Mesir,+ darami kalak e penampat man Assur.+
12 Ku ja pe kalak e lawes, Kukimbangken pagi jalaKu ku datas kalak e.
Kudabuhken pagi kalak e bagi perik-perik i langit.
Kuhukum pagi kalak e menurut persinget si Kubereken man kalak e.*+
13 Cilaka pagi kalak e, sebap kiam kalak e arah Aku nari!
Hancur pagi kalak e, sebap mberontak kalak e man bangKu!
Kubebasken ateKu kalak e, tapi kataken kalak e si la tuhu kerna Aku.+
14 Labo arah pusuhna nari kalak e erlebuh mindo penampat man bangKu,+Amin gia lalap kalak e ngandung bas ingan medemna.
Sayat-sayat kalak e bana guna ndatken biji-bijin* ras anggur si mbaru.
Mberontak kalak e ngelawan Aku.
15 Amin pe enggo Kuajari* kalak e janah enggo Kupegegehi tan kalak e,Ban kalak e rencana jahat janah lawan kalak e Aku.
16 Mulihken kalak e, tapi labo ku datas.*
Kalak e la banci iandalken bagi panah si longgar.+
Mate pagi peminpin-peminpin kalak e alu pedang perban cakapna si sombong.
Perban si e, itawa-tawai pagi kalak e i negri Mesir.”+
Cataten i teruh
^ As. “Hakim-hakim.”
^ As. “la rukur.”
^ As. “man perpulungen kalak e.”
^ Ntah “Kudisiplin.”
^ Maksudna, labo ku penembahen si terulin.
